真係好少事,咁就打一巴?! 
係，不過有d大人真係好怕後輩有個人諗法
2個讚
咁媽媽你有無都同佢道歉?
1個讚
要提自己改, 如果唔係即係認同某統治手法係啱的
2個讚
我容許個仔駁咀。
只要有point駁得有道理就無問題。
無論點嘅駁咀我會串返仔。
喜歡挑戰權威係人性，青春期更甚。我寧願佢駁咀，都唔願見到成碌木咁。
有道理駁嘴+以事論事 okay, 大家一齊傾。
但講野態度唔好就唔得, 要話。
我仔成日駁嘴, 我會串返佢, 我老公成日同個仔講叫佢死心, 唔會嬴到我 
1個讚
咁個重點唔係駁嘴，而係你唔鍾意佢「恥笑」你
咁樹木真係唔一定係綠色喎，你小朋友有咁好觀察力，其實唔係差喎。就正如天空唔一定係藍色，雲除咗白色之外有小小灰色小小淺綠色小小淺黃色…
樓主我反而覺得你自己自尊心太強，唔容許人哋esp 地位比自己低嘅人challenge 你。唔鍾意俾人恥笑係好common，但嬲到火都嚟然後打一巴係你冇品喎。我覺得你要同佢道歉添，你可以講自己情緒控制唔好，原因係唔鍾意俾人恥笑，希望第日你哋嘅溝通可以減少呢個元素。
唔一定道歉之後關係就會變好，但如果呢個心結唔解開，呢段反叛期大家都會辛苦（特登「恥笑」你因為知係你弱點），大個咗個心結就更加難解。
11個讚
打左就打左，道歉都返唔到轉頭，大個左一比人問有冇比屋企人打過，到時又會loop返段記憶出來。如果得知其他人從來冇被打，仲會有第二次傷害。
小朋友駁嘴如果駁得有文有路，我表面再嬲個心都會為佢拍手掌。明白你係想教好小朋友，但經歷過細個比人又打又鬧一嚟就fit到手踵腳痛嘅人，都會知道咁係冇用。我只記得自己比人打，但為乜打我，我真係唔記得。
同阿女道歉，好好坐低傾下啦。
雖然係返唔到轉頭 道左歉總好過不了了之
4個讚
呢啲叫“表達意見”
2個讚
冇禮貌 態度差 亂講野就叫駁嘴
有Point 有道理我會形容係表達意見…當然會聽
咁有禮貌係基本啦, 唔係串77
如果真係珍惜個女，個女道歉嗰一刻就把握時機話自己都有錯跟住道歉。經過計算、衡量過自尊同面子，感覺就唔同。
咁你老公（私下）有冇話你，定係佢認同你打人？
咁你覺得件事已「解決」？
Btw, 兜把聲落臉係好無尊嚴，你唔處理左件事，你個女會有條刺
2個讚
成個社會都係咁
1個讚
我老闆唔係，佢起碼70+
佢話online嘢我唔識，你地試下撞下啦
因為今早成朝都要開會,所以現在先有時間回覆,
當時嘅情況佢係口噏噏,細細聲咁樣講,所以我覺得佢係冇禮貌,駁嘴
多謝各位意見,今晚返去再處理
1個讚
你係人阿媽唔代表自己就岩曬嘅，個小朋友係你生唔代表就一定要乜野都要順從你，佢都係一個獨立嘅個體。
我覺得比起佢要同你道歉，最需要道歉嘅人，係你，而唔係佢。
1個讚
其實我問佢有咩反應，係我想知你出呢個post 嘅原因係你打完之後有啲內疚，唔知道點樣去解決
定係其實你覺得自己冇問題，係小朋友越嚟越唔聽話，成日激親你，所以想問應該點去令小朋友絕對服從。
可惜原來你係後者，咁我建議你送佢返大陸讀書，入軍校，咁一定滿足到你。不過希望你唔會後悔。
4個讚