呢個真。
唔洗講睇八字，大細 B 都經常有 self-fulfilling prophecy。有好多成日覺得「我小朋友係細 B，學野係慢啲」，但唔同小朋友講，佢唔會覺得自己係細 B 所以學唔識。灌輸返「大家都係 X 歲，依家做唔到就要花多一倍努力做」。好多中 B、細 B 都係媽媽一早知道考直私會吃虧，所以會花更多時間去訓練。識三個家庭就係咁，一個係中 B 男仔，媽媽知道男仔考直私係慘過女仔，所以花嘅金錢同時間都係人地兩倍，結果證明係 work 嘅，入左男直屬讀書。另一個係細 B 男仔，媽媽初初成日覺得佢係細 B 所以慢慢黎，但後來考直私就發現應該一早開 turbo 狂谷，做細 B 試一次先，唔得先再超大 B 再考直私，幸好及早發現，雖然直私 offer 慘淡，但叩門階段都有靚 offer，依家讀緊一條龍學校。最後一個係細 B 女仔，媽媽一早知道要谷，細 B 考一次，都考到靚 offer 嘅但唔係心儀，結果第二年考，考到更多 offer，間間都龍校/直屬，最後自行中女校收隊～
咁操past paper，初小可能仲好過每課教佢。
我都諗唔明呢樣係好定唔好。。。
希望你成功！我以為你小朋友已經上緊小學。
我就冇玩考直資呢條路。不過純個人“感覺”自己識入既小朋友都係大b或超大b.入較勁既直資。神校。
有朋友11月大B（言語遲緩）入佐小學都自信D.所以想樓主考慮清楚係咪一定要覺得咁行。
今年應該少人考幼稚園。我相信後備入既機會都好大。所以可以諗清楚D.
不過真係純個人意見。
我自己睇啲人直私offer.其實可能有D只係得1間收，所以有D野真係唔係個小朋友做到最好就已經一定有。係學校咁岩揀唔揀到。當然除非有啲神級小朋友就唔係咁講。 
我嗰時就係唔想仔去interview(或者係我懶），揀咗屋企附近間k, 唔洗in, 但交表係先到先得，學校係happy school, K2先開始寫字（日月火大嗰啲），不過就出去學phonics加數學（數學佢自己揀的，好鐘意），升小出去考直私3間，其實同小朋友都當去玩，梗係衰哂啦
，玩到大抽獎摣住20分抽唔返爸爸間小學（地區一線），派入咗第二志願，村校，派到嗰刻我諗咗十分鐘決定唔去叩門，照讀，而呢間學校唔多功課都算happy school, 學校注重德行，而家仔讀得都好開心，成績喺級都中上
好喇講咁多仔好似好愉快係咪，其實當年考學校我自己勁緊張，失眠咗好多晚，會自谷個仔，都係不外乎嗰啲見阿仔都聰明伶俐，話頭醒尾嗰班，但原來阿仔係唔谷得的，（佢K3確診咗抽動症，對自我要求好高，加上我嗰時對佢都要求高，所以嗰時係勁tic因為有壓力佢自己收埋唔表達），其實想話，唔係要揀一間好勁嘅學校，係要揀一間啱小朋友嘅學校，好彩我執得返的個初心，做大b細b都唔係問題，記得揀間適合小朋友嘅學校，加油
呢單我想聽多d, 聽講係C字神幼？
都唔係架
我係十一月出世
當年幼稚園及小學去考幾間名女校
間間都收但全部要讀細一年
我老豆拒絕咗(佢話全班最大第日搵唔到男友)
結果讀間OK 的小學
中學自行收生考咗間所謂神校
30幾年前喇
原來以前已經係咁?
你呢種去外國讀書都可以skip a grade!
個呀媽痴線架 
香港生小朋友同做小朋友都好困難
網上傳係
都係個句，學校識睇小朋友，任你谷到再行，你唔係佢學校個type學生就無得再in, 呢樣真係唔係小朋友問題。但奈何好多父母都不禁比拼收幾多offer, 覺得offer越多越好越叻。其實真係讀既話，一個都夠啦。
相比起，我比較欣賞真係有幫小朋友揀過，貴精不貴多既父母。我大囡有2位同校家長就係各自filter 剩得3間一線直私去報名，3間都比direct offer。其中有一位小朋友唔算谷，按平時表現去考，就掂左。
如果要問點解佢地一擊即中，佢地真係有分析小朋友能力，同埋學校match ng match 呀囡同屋企，去考自己覺得應付得黎既學校。咁小朋友壓力都細d, 又易得勝算。
所以玩呢個遊戲唔好人云亦云，更加唔好人有我有。比你拎offer queen king 都係虛榮jie, 你忍心谷行會小朋友就為左自己虛榮？咁不如去買hermes 好過啦。
但放係呢家，好多父母會自動轉超大b lor, 而且有龍讀龍tim, 玩法已經唔同晒
但我都會相信，讀到書既人去邊度都讀到，做級頭升呢係易，問題係仲願唔願意離開班同學lor.