樓主，其實而家你仔仔識嗰啲野，大部分歲半小朋友已經做到，健康院啲書仔，只係講緊basic line, 即係做唔到就要跟進，尤其第一個小朋友，無比較無傷害，仲要男仔發展會慢啲，其實可能要調整下心態，做超大b 對小朋友黎講可能會handle 得好啲，自信自然大啲，我嗰時都覺得我仔meet 到條線，只係返學pn,有比較有啲野就明白
2個讚
冇話唔得, 其實都係睇小朋友性格, 能力同家長期望。
我仔都係19年11月, 我會俾佢做超大, 主要係因為佢極度觀察型, 語言同大肌肉都唔係咁好, 唯獨認知不錯。唔想佢同我都冇信心XD
我又覺得去外國與否唔會係考慮做超大既因素 (anyway去到邊都係精英教育), 如果你小朋友表達能力有自信又強, 咁係唔需要做超大, 我覺得XD
其實神校先唔谷，所謂最神校果三間我都識人讀，個個都反映功課好少。反而一線尾、津校先勁多功課，可能要爭上位
2個讚
same, 神校唔計改正每日2，3樣～ 如果唔使外補跟得上真係大把時間去玩～
我覺得你是過來人。先明白果種感覺同面對很殘忍的現實。
但印象中話係有啲特別project要做。同埋係教易考深。
1個讚
真的，建議搵言語治療師評估一下
或者兒科醫生有沒有什麼建議呢？
未必小朋友有問題，可能環境刺激不足，或者引導方法可調整
其實做大B係細B都無問題，最重要係岩小朋友同唔好好功利去吹谷。
我份工成日接觸𡃁仔，好坦白講，呢一兩年勁多都𡃁仔同我講有見輔導，醫生甚至係食藥控制情緒。唔厭我長氣分享兩個case:
-
個𡃁仔升中後就入唔到課室，因為一入去，佢成日諗起小學老師係呈分試期間鬧佢奚落佢，而爸媽成日講：「點解人哋得你唔得？」搞到年幾又留班都唔得，一諗起入課室成個震曬搞唔掂。
-
有個𡃁仔係資優，入名校但又唔受同學歡迎，又遇到到老師成日話佢有退步冇進步，結果有日頂唔順係課室拎把界刀出嚟係咁自界！爸媽又忙，連見心理醫生都陪唔到佢見。
大家要記得做父母既初心，小朋友係肚入面，你都只想佢健康快樂，唔係飛黃騰達係咪？香港讀書壓力大，更加要好好支持鼓勵佢哋。拆毀一個人好易，但建造番係好難，勿忘初心。
13個讚
其實我覺得我呢一代父母好多做唔到真正接受小朋友嘅全部，可能因為得一個起二個止，個個都覺得小朋友一定係人中龍鳳，見好多明明小朋友唔夠天賦，都要谷佢去一線，最差都要二線頭，跟唔上咩，就俾錢補習，一日唔夠，補夠五日，再唔夠補夠七日，我大嗰個啲幼稚園朋友，一至五完全無得玩，明明大家幼稚園都係揀happy school ,有時好唏噓，一上到小學，俾個制度迫到好難守住初心
3個讚
佢話學校有phonics ,米去到 a a b b 個d , short vowels at en un 個d 都冇、點串pencil sharpener 
只可張好多個字死記哂入腦
有幾多會真心接受自己小孩係band 3, 個個跑而你唔跑唔谷、就好易落入band 3.
我識一個讀名幼、小學阿媽阿爸離婚後開始冇人教佢、佢由小一名列前矛、到小三開始排中間位、上到小五呈分已經係band 3頭。
1個讚
龍幼已經開始做project （但我諗呢家個trend 應該連普通私幼都會做project ）。教淺考深係既，其實有一說法係唔直接問，轉個彎問你或者陰你，所以睇題目要好小心。仲有就係要操past paper, 唔係講考公開試pp, 係小一開始已經要操歷年校內past paper 了解出題模式同老師想考你的是什麼，所以名小既pp都值錢，個個由細操卷操到大，出面考公開試無難度。
講到尾都係要家長做好期望管理，一開始諗住快樂要緊，讀讀下feel 到個競爭就唔輸得，變成人有我有，小朋友最冤枉，比家長擺來擺去仲要睇人面色，考直私答錯一題死全家咁，其實小朋友連自己考邊間學校都攪唔清。
我眼見讀村幼既家長真係chur過龍幼，可能因為讀書唔使錢多資源補習，又可能讀讀下唔輸得想做offer king queen. 讀村幼唔代表資質差，但資質差都死谷就好似拉橡根咁好快玩完。
其實有d小朋友真係無咩讀書運（紫微斗數睇得出），如果家長一早認清然後管理好期望，就大小都開心。
2個讚
你呢個case 係小朋友谷得，只係屋企問題，有啲係真係谷唔起又夾硬黎，咁點解唔接受佢只係最盡去到band2, 唔學壞就算
我係喔，上面做過利申，有幸見識晒龍幼村幼既世界，又岩岩玩完小一面試見左世面，所以有感而發。
我之前同大嗰個in 完某間直資去餐廳食野，見住隔離個𡃁仔爆喊（應該因為in 得唔好），我仔仲要去安慰佢，勁天真咁俾返頭先面試間學校啲紀念品氹佢，跟住人地喊得仲勁，我心諗，小朋友都真係好大壓力
omg, 聞者心酸
你小朋友好有同理心，教得好好
講起souvenir 我諗起陳守仁，岩岩星期六二面，有人爆見到3個candidates 為左爭野（唔知爭題目定爭面試用既野）打交。之前港大同二面又係，有呀媽未離開校園已經大大聲鬧女，個女仲要著住名幼校服去見。唉，好大壓力，個個都痴線。
多謝你，我自己係著重教呢啲soft skill 多啲，因為我希望佢未來走得更遠
好彩打交未見識過，大聲鬧仔女就見識過，即刻走快啲
可作參考，但唔好盡信呢啲。
有個睇相佬睇八字話小朋友冇書緣，我當時都幾sad. (我本身唔識亦唔會去睇呢啲嘢，係老公搵人睇，咁睇咗我就會當係一個資料)
依家佢小學，我唔可以話佢叻，因為佢唔係一點就明嗰種，但我哋都有努力咁溫習，而佢舊年嘅表現好ok，甚至有一科滿分。
雖然我唔知佢將來讀書點，但現階段我唔會話已經驚佢讀唔上，入唔到大學之類。
咁我唔知呢句「冇書緣」係用咩準則定個睇相佬有冇料啦
但我哋千祈唔好俾人哋一句說話影響咗自己態度，將人哋咁樣一句變成self-fulfilling prophecy.
3個讚
神校本身多有中學部，唔洗愁向家長交代升中業績。
佢只需要教英文深就得，功課可以少，但測考可能範圍多啲頻繁啲，迫「家校合作」，自己搞唔掂就留班、轉校，或者補習頂硬上，得左～
神校考得深考得多都唔會有家長投訴，只會乖乖跟住讀，反而其他學校考得深範圍多就會畀家長投訴。