仔仔19年11月出世，最近要開始報2022-2023 k1 。仔仔性格比較活躍，古靈精怪又臉部表情十足，暫時仲未識講野。
最近報佐4間幼稚園，
一間要一星期拍4段片：包括同仔仔講英文故事要有對答交流，屋企食野，戶外活動注明睇到小朋友肌肉發展，仲有同家長role play有對答…問學校唔識講野點算，學校叫我多練習下（what!?)
另一間面試，老師問仔仔叫咩名，仲有問其他野…同老師講佢未識講野，俾老師質疑屋企沒教…叫我屋企可以點用佢講野然後叫仔仔重複。之後都沒問咩野就完佐。呢間學校考分顏色分類同聽指令跳舞….（仔仔全程都想玩玩具唔好聽老師講野）
仲有間都差唔多情況，同埋仔仔坐唔定結果俾老師問平時屋企教仔仔情況。呢間學校考分圖形，聽指令跳舞，數量多少等等….（仔仔一路面試一路巡班房，又拎下玩具睇又睇下櫃入面有咩，一時又要排高睇櫃上面有咩）
坦白講我唔覺得仔仔需要做細b,佢好多野都明但未識講野，同埋我沒特別為面試train佢坐定定同train佢顏色圖形…覺得小朋友有自己步伐。但係一場k1面試搞到我開始壓力好大。而且睇情況應該到最後應該沒一間收佢
唔做大b唔train真係唔得？
你見村校定名幼？如果學校多人爭而你又細b想佛系，會同你期望mis match.
今年無輪n班定k1都比以前易入，管理好期望村校都照去，11月b都一定有offer.
你頭2間咁樣要求小朋友，就算有offer我都唔會入
有愛心既學校，even小朋友全程唔識講野都會收，咁細既小朋友睇有無反應（識唔識望人），多過著重對話。
我專揀少功課既學校，因為唔想每日放工番黎同仔仔功課戰鬥。
同埋我唔係幾buy傳統學校個套，名唔名校對我差唔多，覺得自己又唔係咩叻人勁人，重要小朋友開心玩就好，所以揀村校。
第一間咁架勢拍4條片仲要唔識講野請你過主都只係村校，氣場真係好大wo。
Anyway, 如果唔係target 熱門學校，11月b唔擔心既，最多等waiting ge je.再唔係搵多1，2間做back up.
幼稚園真係好睇同小朋友夾唔夾，就算間幼稚園幾出名幾大熱，同小朋友唔夾家長幾想入都入唔到。
如果唔係要入名校，普通邨幼好多都會收。
唔識亂答：
有冇啲仲接受細b 讀n 班嘅讀住先？或者佢哋可以直升k or 有priority
而家課程、做大b會好好多、何必做細b呢
以樓主描述小朋友既能力同埋佢既preference ，佢做細b都入到幼稚園，無需要夾硬迫做大b.
唯獨是讀happy school 上到小一個個gap比一般谷校大，諗定對策到時唔好後悔就好。
其實點解一定要做超大B？如果小朋友唔係能力特別差的話，我都覺得無必要超大。
我成日聽人講做超大會叻啲，你大人哋幾個月叻唔係正常架咩？
利申：我仔10月細B，正常入學，無特登留班，老師讚佢表達能力強，程度和其他同學相約，無特別差。
我大囡岩岩經歷完k1 to k3頭, 可以講得出超大b係可以由頭屈機屈到落尾。如果係target 神校既父母，非神幼／小不入，咁就做超大b兼由day 1 谷到尾既話， 好多最後都有靚靚小學offer任揀既。
我囡個間平時分都睇重（因為龍幼），所以好睇重老師comment, 超大b一定比中b表現卓越好多(佢班最細係7月b, 嚴格來講無細b)，做家長擔心都少d ga.
但唔係玩到咁顛既父母真係唔需要咁做。
真係好睇父母心態，我識有個媽媽話後悔(都係11月B)，可能佢覺得佢小朋友同其他小朋友比比較遜色，如再有得揀會揀做超大Ｂ。
當然我亦識一個朋友佢小朋友同樣11月Ｂ返幼稚園，入到理想中想入既幼稚園又跟得上學校進度同要求，覺得做細B無問題，亦唔想佢做超大Ｂ。
係，target神校咪迫住咁玩囉。
不過超大B都只係幼稚園階段屈機，去到小學當大細B的差異縮窄時，嗰啲所謂「超大B」都可以差過年紀細過佢啲同學。
好認同，我小朋友同學有個12月超大Ｂ，我都覺得堅屈機，無論身高學習能力同細一年個啲同學比既簡直跑咗去第二條街。。
其實個時以為k3已經可以拉近距離，因為都係差半年jie, 但人地都好努力向前跑，大家一齊跑變相k3都未拉得埋個gap lor。 但k3好關鍵，考小學，熱門小學係expect k3生有小一生既水平（包括knowledge, 答題skills），所以現實是殘酷的。
認清楚就ok了。
係呀，所以我下年走人唔再晌香港玩呢個完全唔體貼小朋友本相嘅遊戲
我個女19年12月出世，幫佢報咗n班做細b，下年1月返學
我諗法只係想佢快啲返學，同多啲人接觸，而家佢成日向屋企覺得佢好悶
我都係甘諗
就係、唔係要鬥叻係無咁蝕底、或者父母要調節心態同教到仔女識諗、我仔以前有個同學零舍矮人一個頭、原來係12月超細b、唔講學習能力講體能都有分別係事實、而且而家小學都辛苦
我仔都報佐n，22年1月入學，主要想放照顧佢既婆婆半日。我仔仔日日拆屋，婆婆年紀大照顧佢全日開始覺得辛苦。
Tks tk. 如果4間都沒offer,我到時等其他學校收完再報後補。