我仔係做細b, 唔太高要求係完全無問題，但如果target 神校，龍校除非小朋友好細已經超曬班，超大b 係K1 嘅時候係大細b 人生一半，咁計就差好遠，當然上到小學分別已經唔大，問題係你連神校嘅入場卷都拎唔到。
所以都係嗰句，唔想做超大b, 就要調節自己心態，入左幼稚園都唔好比較。
1個讚
入邊間幼稚園其實唔係重點，重點係你點樣往後 3 年時間去培養。話唔定 K2、3 左右突然開竅進步好大。
同埋你係咪真係諗住升小入邊間都冇問題。「入邊間都冇問題」唔只係「我唔揀名校，地區就足夠」，而係「當我小朋友入左寶校，間學校最後入 Band 1 學校嘅 5 隻手指數得曬，我係咪仍然覺得冇問題」。
如果你唔考慮考直私，一早已經可以肯定自行入小學，甚至肯定大抽獎間小學乙一係必入，咁其實讀乜幼稚園都得，唔讀都得，最緊要你學術銜接到就得，呢樣嘢自行加料仲好過等學校教。
4個讚
呢樣好緊要，我係到K3先發現，大抽獎完扣門都好攞命，而經過三年，我可以講有啲階段小朋友能力未到就係未到，但香港係催谷型，唔會等你。
3個讚
你講得好岩，但面試係唔會因為你細幾個月而加分，即係面試只會睇你當下做唔做到。
3個讚
現實真係好殘酷，諗清楚
（通常諗清楚會去外國讀
）
1個讚
咁讀返同一間學校嘅k班得唔得？
學校多數都會留位比n班嘅學生升讀
我成日見到啲人講「我唔係揀喇沙拔萃嗰啲，我只係揀地區學校」，但佢揀嘅地區學校都唔係一定入，都係地區大熱 (e.g. 寶舊、馮晴)。
即係除非好肯定自己一定入到，否則一陣入寶校四周叩門，到時候都係考學術考反應，一舊飯嘅小朋友係唔會收。
1個讚
9。10月唔同。
9。10月好多都係做細B.
1個讚
我最近先聽人覺得後悔冇幼稚園讀中文。小學先追（已經係happy school）。真係已經有功課吃力好多。到時係咪真係唔後悔。
用錢解決琴既問題果然唔係問題
1個讚
講得好岩。好多時d人話唔target 神校，fine, 但原來自以為「次一等」既學校都好多人力谷先入到，而自己又真係true happy 左3年到最後報小學時先夢醒，就慘了。
雖則呢家個遊戲延續到小學插班左插右插，但我相信無咩人想小朋友讀讀下離開班fd ga ma.
而且周不時聽到村校入神小，唔好咁天真地覺得讀村校既媽媽hae 底，有能力hae底個d係龍幼媽媽，村幼媽媽外補風氣其實仲勁。
利申，同時係龍幼村幼媽媽
再利申，以上唔係target 樓主，只係有感而發。
3個讚
呢樣又係，其實英文真係易學過中文好多，如果小朋友一早揀左英文作為佢first lang真係唔好開心住，呢家考小學好多都幫你揀定「母語」作考試題目，用廣東話問但你要時間load已經bye bye。如果不幸地入唔到英小，仲要入普教中既小學，好多時得返條路，就係轉讀國際學校，即是要錢錢錢。
所以千祈唔好忽略中文，除非你大把後路
1個讚
我本來諗住升小大抽獎應該沒甘煩
我11月尾出世，由細到大都係細B，識諗嘢開始，都係全班最細，又或者第二細。但從來冇學習問題，除咗自己讀書嗰啲科目。我有興趣嗰啲科目，成績從來唔會俾人差，例如科學。
成績好壞，同個人嘅性格關係大好多。
1個讚
我直情12月出世，小學開始成日考第一，但問題係我地年代讀村校都ok,無咁多人爭所謂地區名校，所以我強調，父母心態好緊要，如果父母唔怕俾人問做咩俾小朋友讀寶校，唔去考好啲嘅學校，做細b 絕對無問題嫁
1個讚
玩得大抽獎，你預咗一定煩，因為你唔會100個巴仙sure會抽中你心儀小學，你要預咗抽唔中到時周圍叩門。
除非你平常心到唔至在一線地區小學，可以接受到大抽奬抽中次1-2等（但升中唔太差）既小學。
唔知兩位幾多歲，不過我都後生，讀書嗰陣邊有咁多人分大B細B，全班都係同一年出世⋯⋯
無錯，經歷完小朋友呢代，我只可以話真係唔同晒，就算大嗰個都無咁多超大b, 到細嗰個已經去到9月都做超大。
同埋某啲幼稚園都迫你咁做，因為9月後出世唔收form
1個讚
但我想講，當小朋友大到14,5歲，就會介意自己係超大B，覺得點解會讀同一年但就大人一年（雖然實則2,3個月）。如果咁不幸留班仲慘。
工作上接觸過啲𡃁仔，最鐘意笑人同一級但老一年，被笑都好無奈（我見過好多次）。當然係小事，不過父母一廂情願既好意，小朋友係未必明白。
8個讚
呢個都係，成日話英文幼稚園，英文小學，一上中學，中文就死得好慘，有啲甚至四年級已經死。唔好唔記得，呈分試中文同英文一樣重要，一陣中文廢左變 band 2，選擇就會少好多。