我老公平時肯做家務亦都會願意湊b，勤力養家，婚後暫時無發現出軌（婚前發現做過對唔住我既事，但我選擇原諒），看似好美滿咁，但我覺得兩人心靈上缺乏溝通，平時放工後可能佢攰，好多時都係得我講，佢唔出聲或無反應，有時講講下，我都收聲，覺得無癮，我覺得佢唔係我既傾訴對象，有時d野見到想同佢分享或問佢意見，佢都無興趣咁，好多時都話你鍾意啦，唔睇丫，子女既事都係我一個人去睇去諗，例如揀小學揀幼稚園，買小朋友野，學校野，興趣班等等。有時想出去家庭樂，都要求佢好多次先肯出一次，之前去旅行既行程全部都係我plan，問佢又話你鍾意你搞掂佢，佢只係負責返工，其他野唔想再煩，所以我覺得幾空虛，2個人個心好似愈黎愈遠，加上佢成日都想上床，但我生完性慾好低，甚至唔鍾意俾人掂，當然我都有滿足佢，但發覺一星期一次唔夠，之後一星期2次都唔夠，好似永遠都滿足唔到佢，我覺得好大壓力
4個讚
你哋係缺乏溝通，唔止係心靈上。
3個讚
當初點解會結婚？你迫佢？
呢句佢親口講？咁都得嘅佢
調返轉丫，你話你只負責持家，上床唔好搵你，咁又得唔得？
應該同老公認真咁講自己感受，如果佢在乎你，就會照顧你感受，另外我會自己安排一D二人世界時間拍下拖，咁樣感情先會長久
你老公一個番工養家，唔多唔少都會有工作壓力，放工都一定攰，點解你冇體諒仲咁多complaint?
結婚係奶奶叫，佢其實未親口求過婚，件事諗起我都覺得自己低能，仲咩咁易就俾奶奶拉住走，我真係好無主見，但我係愛佢既，另方便，我都知佢都愛我，係真係缺乏溝通
1個讚
我當然知佢辛苦，所以我無向佢投訴，但我會諗結婚意義係咩，虛有其表維持一個家？另外，我自己做主婦湊2個無人幫，我都覺得有壓力，我只係想身邊人可以聽下我講野
2個讚
想2人世界，但又無人湊小朋友，可能要等佢地大d
結婚前，佢性格係咪咁？唔多理其他事？
小朋友都有埋，唔好諗係咪奶奶叫就結。
你想繼續定離婚？繼續就轉下方法。
可以試下叫小朋友拎本書俾你老公講故事。
家庭樂，由小朋友口中叫爸爸一齊，會唔會易d？
想二人世界，直接同佢講，想星期六/日同佢行街拍拖，再叫佢搵奶奶幫手湊一日。
可唔可以keep住一個星期一次二人世界吓? 睇戲, 搵間靚餐廳食飯, staycation?
好typical.
返工又攰, 湊小朋友又攰, 有時我同老公放左工都零願唔講野比D空間對方relax下透下氣
關係已經唔係一開始拍拖咁熱情, 而家嘅關係係一家人, 仲有好多野要負擔要顧慮
5個讚
當初有咩共同興趣令你哋走埋喺一齊?
以前冇BB的存在，你哋係點行落去嘅?
2個讚
我想繼續落去，係驚再咁落去會離婚收場，上床既問題都係一個大問題，感覺佢將性同愛寫上等號，覺得我唔想上床就好似唔愛佢咁。我2個小朋友都唔肯跟我奶奶，加上我又唔好意思
你又覺得岩，有時小朋友訓左，我都係想靜靜一個人
其實我發覺我地係無共同興趣，結婚前其實都無咩特別野係一齊做，好少去街睇戲，一隻手數得曬，所以佢本身性格就係咁，我都改變唔到咩，所以只係呻下，有時屈係心度仲辛苦，呻完我就無野
2個讚
我相當明白你老公, 因為我有大半情況都相似 
我分享下我諗法, 你估下你老公中唔中啦
原本想個細路happy school 就算, 我呢代都係舊式父母無引導下長大, 當然知道咁係有D問題。
既然老婆已經本身有晒決定, 我就仍舊浪費時間扮參與俾反應, 你老公九成係被ban得多, 懶得扮咁解。
本身我就已經宅宅地, weekend可以自己一個自閉, 係為細路我先肯出多D街,
同上, 又係被「教訓」得多先「扮」參與
而家好可能係你自以為「滿足」佢 
我既case 係就算大肚前次數&質素都唔滿足, 由大肚到一歲我都紮炮, 之後一個月都無一次, 仲要係交功課式hea 做
呢方面想有唔同玩法, 但永遠唔會敢講出口, 因為知道一定會被ban被拒絕,
如果唔係因為家庭責任 & 我仲可以睇AV打JJ, 我九成出去叫雞/ 搵SP了
5個讚
你有冇嘗試過關心下佢返工點？佢嗰行做啲乜嘢？辛唔辛苦？嚟緊weekend佢想點樣輕鬆吓？
你有冇試吓搵啲佢有興趣嘅話題同佢一齊傾吓計，又或者嘗試下每個星期放低小朋友，兩個人出去飲杯嘢傾吓計拍下拖。
其實你有冇諗過小朋友嘅細節嘢，可以同你嘅朋友，或者媽媽group嘅人一齊傾一齊分享。
返工做完嘢嘅男人真係好攰，返到嚟仲要係咁聽你疲勞轟炸，真係唔知比咩反應你。
可唔可以搵啲唔係小朋友嘅話題，係啲兩個人都有興趣啲嘅話題大家一齊傾吓計。
咁你婚前都知性方面唔夾，唔搵個夾既結？
你咁諗就出晒事, 換個角度諗, 佢仲想同你行埋係因為仲有愛, 如果單純考慮外貌/身材/技巧, 唔考慮其他問題既, 你有自信佢仲會搵你 ?
佢肯出聲要求代表仲未絕望晒, 到佢唔提要求死心時你就大鑊了
3個讚