剛剛打錯, 係大肚前,
咁婚前都知佢偏保守, 諗住可以溝通磨合改善, 但現實同理想越分越開 
其實男人唔參予家中事務(除家務同湊仔外)某程度上得下例幾種：
- 你所做嘅計劃或決定同佢一樣，甚至比佢更好。
- 性格隨和，即係咩都冇所謂。
- 目標為本：既然一個人可以搞掂嘅事，何必要兩個人，嘥時間。
- 返工太攰，放工後淨係想放空，唔想再用腦。
*5. 無論提議或決定，成日俾老婆ban, 就算唔直接ban，過程中，事後都好多唔好嘅反應，試多幾次，通常D男人就會俾最少嘅反應甚至無反應。
最後一點，亦都係最常見∼∼
5個讚
你地角色已經分配咗男主外女主內, 大家都辛苦, 就無謂計較太多。
大部分男人都唔想/冇興趣參與小朋友家務瑣碎事情, 我係女人有時都唔想。
至於性方面, 大家可以協調下, 無謂有人餓死, 有人飽死。
1個讚
我1-3 都有D, 但5最中 
只不過我學精左, 學識扮「參與」扮「贊同」, 過左佢就算
2個讚
我老爺就係咁, 講咩奶奶都會ban佢, 仲要叫佢唔好出聲, 有時都覺得佢好冇癮…
情趣黎架
積積埋埋就爆一鑊咁囉
我老公係我哋初初結婚時，俾我ban 得多(通常係食飯同旅行地點)，佢嘅反應都係咁。
之後我改善咗，佢叫做多咗出聲，不過有時我都忍唔住ban 佢
結婚要搵靈魂伴侶，可以談天說地，就算日後大家個樣都殘晒，揸住拐杖，冇晒性欲都會可以做到最親嘅人。
我覺得呢樣係可以建立，原本自己唔鍾意做嘅嘢都會因為另一半而鍾意做。基本上我係每一個新嘅男朋友都會令我多咗幾樣新嘅興趣。
最近老公無啦啦問我去唔去釣魚(佢細個成日去)，我心諗又曬又熱釣咩魚，呆坐半日有咩咁好玩？
不過一諗到可以坐喺佢隔離一齊望住過海我就應承咗
同埋釣魚都有好多技巧，佢一定會好興奮咁展示佢嘅技巧(鐘意認叻)，我都想擴充我嘅技能庫。
啱啱毒魔上畫，雖然有睇過蜘蛛俠但唔會特別對呢隻野有興趣，老公無啦啦話想睇，不過都戴晒頭盔話應該會悶我可以唔陪佢，但係我都堅持唔俾佢自己入戲院，最後睇完之後我覺得呢套值得推介俾大家睇，因為真係好過第一集好多，搞笑冇悶場。
我嘅諗法係，如果呢套戲好悶，我老公睇完係會批評套戲，我就可以喺隔離付和一齊鬧，多咗個共同話題，所以最差嘅情況係一齊睇一套悶戲爛戲但都係一個回憶。
Sad but true
其實可以請鐘點保母。
7個讚
如果個細路大少少, 可以請鐘點保母接送佢去興趣班, 咁樣可能有三四個鐘空閒
1個讚
咁請問老公有咩興趣？
你老公同我老公好似呀
平日唔出聲，我經常同空氣對話
樣樣嘢都話無所謂，乜都叫我話事
阿女讀咩學校，買樓，裝修，佢真係可以完全無意見
去旅行一定係我plan行程，佢只係負責跟住我同摣車
如果我唔開口話要一家出去玩，我哋可以個個weekend都屈向屋企
拍拖嘅時候我開口話睇邊套戲佢先會陪我去睇，入到戲院佢仲會瞓著覺
其實你有冇懷疑你老公有自閉症，因為我經常懷疑我老公有，但佢話自己係過度活躍，無自閉
我同老公一齊11年，都習慣咗係咁，溝通上係差少少，但佢係好錫我好錫屋企，就因為呢點，我接受佢嘅短處
Sex果方面一個星期一次都唔算多呀，但如果你真係唔想，點解唔話唔舒服？我唔想嘅時候就會咁講，唔一定次次都要滿足佢，但自己又唔enjoy