係因為父母走咗之後互相幫助…
大家見嘅實情係點？
睇返長輩果輩
大左反面有，幾十歲先反面又有
見面食飯單打又有
普通飲茶hi bye mode又有
真心見唔到乜嘢互相扶持
好笑嘅位係有長輩希望兩兄弟扶持，但佢好似5兄弟姐妹都唔啱
而其他4個又各自唔啱，真係 what the fun!
12個讚
我未係長輩，但算唔好彩，父母走得早，我自己就好彩有兄弟姐妹，互相幫左好多，但真心，好多各自有家庭之後會聯絡少左，始終嗰時就變左自己同老公一家先係核心家庭。
不過疫情下，我就覺得好彩生左二個，因為你會發現，朋友同兄弟姐妹真係有分別，尤其童年階段。
12個讚
其實我覺得有兩個小朋友感覺佢哋會冇咁寂寞，但呢個亦係資源問題。
至於係咪會互相幫助到，真係未必。理想嘅就係有兄弟姊妹可以互相幫助扶持，但唔生性都可以害人不淺。
2個讚
我都未係長輩，反而老公兩老走嘅時候，佢同佢d兄弟姊妹好不愉快
因為我哋同兩老住，明白主要照顧就落入我哋身上，但佢d兄弟姊妹唔幫手不得止，仲成日俾說話我哋兩公婆聽，又覺得有事掉舊錢出嚟就搞掂，又覺佢自己得閒嚟探下個老人家已經好孝順，但嚟到其實冇理過個老人家，自己掛住睇波
到兩老走咗冇耐就話要分身家，一直未分到，都會間中聯絡下我老公，因為要chur我老公分，到分咗之後，成班雞飛狗走咁唔見曬，而家基本上冇聯絡
我老公都算錫佢d兄弟姊妹，但冇諗到最後係，所以我成日覺得我老公好慘
4個讚
嗯。。。。同埋都要睇下父母會唔會好偏心是但一個，唔夠公正持平
如果偏心是但一個，將來大咗都幾大機會兄弟姊妹間有條刺同不和
我同意童年係有分別，但講到幾十歲，父母都不在先講互相扶持係有d多餘
乜嘢世界上剩返有血緣嘅人呢d
2個讚
成件事立場同觀點唔同。
父母角度：生兩個以上互相扶持(同時亦可能互相拖累)。
仔女角度：細個有人一齊玩，大個左都有個依靠(同時可能係細個爭寵爭資源，大個左計較要比幾多家用先公平，用人工百分比計定睇實際數目、父母有冇偏心幫邊個多d…)
成日比人叫生多個，都係用以上嗰d論點，但其實講嗰個人嘅父母都係偏心，講嗰個人又係比個家姐湊大，父母冇乜理、資源又唔夠。我冇特別理呀，我有我嘅生活。
4個讚
類似呢d case
有聽過 個老豆一走，d仔又話要返工又盛走曬，留返個家庭主婦家姐去handle
之後又話家姐拎曬老豆d錢，其實老豆住老人院都用得七七八八
響而家年頭，如果ff佢地成人會感情好係bonus，細個多個人一齊玩或者係，不過有d差10年呢d，其實會一齊玩咩？
1個讚
我老爺果邊又係咁，老人家剩低得果十萬八萬，後事都未夠比，要自己貼錢，仲要比班兄弟姐妹懷疑佢兩公婆食夾棍
係。。。。佢哋都好係個老豆走咗先唔理嘢
我哋係個老人家未走，已經唔理，但又要成日批評我哋，到佢自己照顧幾日，日日對個老人家黑面，仲用盡方法極速送番個老人家過嚟，之後就少咗好多探個老人家，驚話要去佢屋企住。。。。到身後事都冇乜理過，又係叫我老公搞掂佢，仲好意思喺靈堂度講分身家
我都好明白呀
平時將個老豆推來推去就已經老土啦
1個讚
但會唔會自己兄弟姐妹唔算和睦，又expect 自己仔女成年之後好和睦？
當然仲有另一半係咪煩精啦
有個老婆奴嘅兄弟都一樣家宅不寧
2個讚
不能認同更多
如果講呢一輩，我會覺得啲獨生仔女fd比較自我中心，有兄弟姊妹嘅fd會識做人啲
純粹係我自己圈子
7個讚
我地呢輩？
我識嘅就有由阿婆帶大會自我中心
但其實又唔一定
我諗睇人，
我都家姐一路都咁friend，大家都好錫大家
但同細佬就好一般
同一個family 入面都可以好唔同
其實想講係有父母一廂情願，佢哋長大之後都感情好好，互相扶持
但更多係 “長大兩房人”
5個讚
生得仔嘅夫妻，個個都係心存希望啦。
我自己都少少後悔冇生第二個。