我父母走啲兄弟姐妹都算係咁，但之後爭錢就真係有一二個反面，所以我認同各自成家後真係唔好太幻想互相扶持，反而有一個未成家，我見其他兄弟姐妹都肯幫，錢始終係萬惡之首
1個讚
生兩個本身係一定好過生一個，到老咗一個頂曬父母啲事係好辛苦，唔係錢嘅問題，係冇人商量冇人分擔，難聽啲講移民都唔得
我眼見而家好多走到嘅夫婦，都係因為有其他兄弟姊妹頂住，因為唔係個個想走/走到
當然教唔教到佢哋相親相愛係另一件事，父母一偏心就出事
上一輩呢，我見唔同，互相照顧有，好close有，反目都有，內心唔妥但扮曬fd都有
10個讚
細個好感情，大個唔反面其實都唔錯了
我覺得唔反目已經好好了
反目通常都係因為照顧父母既時間金錢問題
2個讚
身邊有朋友，親戚都有為錢齟齬，但又未至於反面。
都有兄弟姊妹相親相愛，感情好好。
連父母同仔女反目都有，何況兄弟姊妹。
不過我覺得心存希望，點都好過negative。
1個讚
但生一個，老來兩個依靠曬佢對個細路係好慘，個個父母後生都話唔使痴個仔女，大個由得佢去邊，到老咗點會係咁丫
好同意呀，我都興幸阿媽生咗我地3姐弟，有3個分擔下兩老嘅睇醫生、搞下阿媽層唐樓出租嘅鎖碎事咁。
我老公個邊又係，幾兄弟姐妹，照顧奶奶各有責任：叔仔同奶奶住、帶奶奶定期覆診睇醫生係我老公、姑仔負責閒時假日同奶奶飲下茶嘻嘻哈哈，幾好，叔仔老婆雖然同奶奶同住，但平日好多時候返咗外家（佢阿媽獨居，又係需要多照顧）都無問題。就係人多好辦事嘅例子。
1個讚
我都羡慕人哋多兄弟姊妹，有咩事上嚟，都多個人商量。
係呀，好多嘢唔係有錢就解決到，真係要多個人辦事，做唔做手術、信中醫、定西醫，長長輩嘅後事土葬定火葬咁，有時唔同仔女要發揮唔同作用，好似我家，老豆信個仔，但我細佬長期返大陸做嘢唔理得咁多細節，咁我同阿妹做哂research 決定好，叫細佬同老豆講一聲，老豆就唔會咁多意見
關係好嘅就有得商量，唔好嘅就個個唔理，到你理嘅時候，又會突然間好多把聲，不停挑剔
我嫲走個陣，就係d姑姐呀叔又唔理，我爸又唔理，推曬俾我媽，之後就好多說話聽
2個讚
關係好，真心錫個老人家，先會咁主動又自願去分擔照顧嘅責任
如果唔係就會好似我老公個情況咁，d兄弟姊妹唔會主動幫手，放假叫佢過嚟睇一陣，等我同老公落街買餸或者做d私事都唔肯，話自己平時返工好攰
我同老公日日返工，又要照顧個老人家，每日要早過老人家起身幫佢準備早餐、午餐，每晚又要等老人家瞓咗，先可以洗衫晾衫、做家務，我哋都攰，但佢d兄弟姊妹從來都唔會分擔下，佢哋d老婆更加靠唔住
咁而家講緊正常情況嘛，當然係多個家人多商量啦
講緊有兄弟姊妹好，如果你攞有拗撬嚟講就只係 loop嚟 loop去，咁生一個都有機會係敗家仔啦
1個讚
最緊要生完到老來唔好痴住仔女唔放，人哋成家立業就係一家人，咪搞住曬，又情緒勒索就真
2個讚
你個case老人家睇黎都唔太好相處，所以形成其他仔囡都唔想理，老實講，得一個小朋友結果都一樣
都未必，有個反目係一齊做生意
其實呢個問題同生唔生係冇乜「分別」，永遠冇正確答案，亦可以「討論」成世。
不過我覺得如果自己原生家庭本身兄弟姊妹感情好好，會偏向唔只生一個。
2個讚
係，好多對照顧上要花的時間唔願付出，錢銀就好計較，大吉利事父母走後條數更加要清清楚楚，但攪白事啲嘢樣樣都話唔得閒理
1個讚
兩姊妹多數做到好friend
反而兄弟就好難，幾兄弟無野都會俾各自老婆搞到有野，爭家產等
4個讚
手足之情都係講緣份，有人好有人唔好，至少暫時見到佢哋兩個好，就滿足。