而家30w，其實一路都好少情緒波動得好緊要
但頭先同我爸講電話傾聽日食飯嘅安排，跟住就覺得好委屈然後收線嗰陣爆喊
我老公見到都嚇咗一跳，係咁喺側邊安慰我然後陪住我。大約20/30分鐘先平復到。之後就擔心影響到BB，好彩BB之後都有踢等我知道佢平安
希望只係啲荷爾蒙影響一次半次
梗係有啦
大肚嘅時候特別難控制情緒，正正常常冇嘢trigger就冇乜嘢
當有件事突然撻著我個制，就會難控制情緒，試過咁樣發好大脾氣鬧老公，之後就爆喊
但事後諗返其實係一件小事，雖然都係老公唔啱先，但平時肯定唔會咁樣發脾氣，所以一定係荷爾蒙影響
我諗一次半次唔會好影響bb掛
1個讚
有呀…之前煩緊請陪月定訂月子餐，又可能要搬屋，覺得壓力好大，又覺得老公唔理解，之後爆喊咗差不多兩個鐘，近乎歇斯底里個種🤦🏻
前日又因為同老公有d小誤會，又喊咗一陣
我而家24w咋，我好驚自己喊開就成日喊
因為我未陀b之前，都係一個比較易喊嘅人
1個讚
有
1個讚
當然試過拉
1個讚
當時有咗又撞正疫情
新手又無經驗
基本上日日都 
擔心唔知點樣去照顧個BB
不過依家睇返其實係好小事
加油啊媽媽
1個讚
當然有啦。
最記得有次，買咗半打蛋撻，只係跌咗食緊嘅1/2個蛋撻，喊到收唔到聲…
老公嚇到即叫姐姐去買一打返嚟…
2個讚
我大肚時無爆喊，但坐月時有。
有一次夜晚餵餵吓人奶，突然覺得好眼瞓好辛苦，一邊餵一邊狂喊，嚇親老公，佢即刻打比陪月問點算
陪月叫我老公今餐餵奶粉，叫我去瞓，第二日陪月喺度時，老公同我兩個人落街散步食下午茶休息吓。
事後諗返，唔明點解會喊，應該關荷爾蒙事。
2個讚
一委屈我就喊，次次都係因為老公
1個讚
我都有，仲要係街，當時嚇親老公。街上的人經過，見我喊緊，以為係我老公激親大肚婆，好多人怒啤佢，搞到佢好尷尬。
1個讚
有呀，依家諗返覺得好好笑
我果陣要返工，係公司食完飯去廁所，照鏡先見到個胸下面，個肚對上痴住啲飯，我睇唔到，我覺得好肉酸，打比我老公爆喊
4個讚
有，係從來未試過既喪喊，得一次。
1個讚
多謝你哋咁多回覆，原來都係正常現象
我會加油
多謝你
我係路人應該都會
1個讚
係。。。。都唔知係d老公同理心唔夠，定係佢哋好鍾意踩線，經常俾佢搞到好委屈
希望生完，坐月唔會俾佢搞到喊唔停啦
2個讚
懷孕期/生仔後，荷爾蒙真係幾搞嘢。sis放鬆D，冇咩嘢，如果太頻繁喊，就留心下
。
仲有，我生完後，有次老公講笑話氹我，其實唔係好好笑，但我就笑到收唔到聲，笑到抽筋咁滯。
依家我老公成日叫個仔對我好D，因為媽媽大哭大笑都係因為佢。
4個讚
好正常呀 我都試過因為飲唔到罐可樂 所以喊到失控。
陀第一胎 戒口戒得好清，但有一日放工好想飲可樂，咁就同老公講啦，但係佢竟然話‘乜你飲得咩？’ 之後仲叫我買比佢飲，嗰一刻覺得好委屈，跟住失左控咁喺的士度喊 
加油呀 樓主
1個讚
嗰陣時我一到夜晚十點零鐘就好似較咗鬧鐘咁
突然個人會好down
咩都向負面諗
於是我老公就咁上下時間會陪我睇下第二啲嘢distract下，或者講第二啲嘢，總之俾啲嘢我做啦
1個讚
會ga，有時可能睇到少少慘既野都會好感性，會爆喊。
之前老公話左我2句，話我買錯野，我即刻爆喊，嚇死佢。因為佢自己咩都冇付出，我錯一次就話我唔睇清楚先買，我堅嬲，嬲到喊。
喊一陣好啦，快啲開心返，做個快樂孕媽媽
1個讚