我老公都係
佢問我外賣食咩，同佢講蒸飯，佢係咁問其他都得喎。。。我話我只係想食蒸飯，之後佢冇啦啦覺得我煩就衝咗入房
我仲諗緊自己講錯d咩？ 係唔係佢嫌我照顧我好煩
之後就喊住換衫，諗住自己落街買
然後佢又喺房出嚟，話我頭先阻住佢瞓覺，佢話打算瞓多半個鐘先落街買
吓。。。。又係佢主動問我餓唔餓，想食咩
我個下真係委屈到d眼淚忍唔住係咁滴落嚟
喊比佢睇，等佢知驚
我平時都係好硬淨個類人，所以一喊佢就好驚
你呢個case, 擺明係你老公麻X煩喎，問完唔做又唔講點解，鬼知佢諗咩
1個讚
係。。。。我最初以為佢想去a店買外賣，所以游說我睇吓a店有冇嘢啱食，我好勉強揀咗一樣，但佢又好似唔滿意我係被逼揀咁
之後佢問我到底想食咩，我咪話我頭先講咗想食b店蒸飯（我講得好平淡，冇激動）
以為佢唔想去b店，我都就佢揀a店嘢食，點知佢無啦啦著咗。。。我完全莫名其妙
佢成日要求人哋主動表達清楚有咩需要，但佢自己又唔會主動講自己想點，真係好多時唔知佢想點，然後佢就著咗
我自問天生樂觀，但大肚果時都成日情緒波動，小小嘢都喊。坐月果個月仲嚴重，有時明明乜都冇發生，但都會流眼淚（但我內心係好平靜乜唔開心事都冇），好奇怪。
大緊肚嗰陣都有試過一兩次，都係因為老公啲少事，喊完嗰吓都覺得自己太情緒化
我嗰陣都知道係因為hormones，亦唔怕影響BB，日喊夜喊就話啫～
哈哈。。。。睇嚟大家大肚時，老公都係豬隊友
我無喊但勁易發嬲，勁剷隊友同佢阿媽。坐月果陣就有爆喊，因為我女太難湊喇
多謝你
我喊完好眼瞓跟住都好快瞓著
第二朝起身覺得自己係 overreact 左，然後全日都好內疚
有，之後見紅入醫院，嚇死我
1個讚
嘩，咁你當時咪好驚？
係呀，好彩之後無事
1個讚
大肚嘅時候同生完之後都有爆喊
未生之前喊老公會錫番，生完之後喊老公會話我做咗人阿媽仲當自己公主