我仔由出世到2歲一直都唔係好肯飲奶同食野，直到有日直頭唔食唔飲只肯飲水，而家需要用胃喉吊奶…一直搵唔到佢係咩病，咩方法都試過…請問有冇媽媽有相同經驗可以大家一齊傾下？
So sorry to hear that.
我女都有完全搵唔到病因既病，前後4.5年，睇盡所有中/西/私家/政府，手術做極都翻發，最後醫院同我say sorry，話佢冇得醫，唔洗覆診了。
全家人差唔多崩潰，最後我冇辦法之下去搵各位大神幫手，如果你有信仰，可以去求助下。
願天父保守你小朋友
不喜者請上一頁
7個讚
多謝你我哋都係由出世到而家2年幾都搵唔到原因…所以一啲唔係科學解釋到嘅嘢都有做過…但都未解決到…我哋都有信仰，如果唔係都好難捱
咁你女女而家點？
感謝各位大神，我女好返9成了
宗教上我基本上所有講得出既都做過，你問我關唔關事我答唔到，我只可以話我哋每次都好誠心咁去做。
然後我女好返了
無論係吸引力法則又好，大神保佑又好，係真係冇辦法之中，我會好建議你去咁做。
借機會想多謝返之前鼓勵祝福我女既JM，多謝。
11個讚
太好喇！小朋友健康就係父母最大嘅心願，希望我仔都可以健康！
我都好相信吸引力法則，但講易做就難！我會繼續努力！
謝謝你
1個讚
佢係邊間醫院睇定插胃喉比你地返屋企餵？
做過邊啲檢查 睇過咩科？ 小朋友出生同生長情況？
比多少少資料 睇下幫唔到手
希望小朋友早日康復
感恩你囡囡已康復中
祝你囡囡身體健康
明白小朋友有事，做父母一定好擔心，但你哋都要保重身體喔
2個讚
我仔由我懷孕開始都係細一週，出世後一直都跌出生長線under 3%
我哋睇左新陳代謝科，腎科，遺傳學科，內分泌科，言語治療等，排緊腸胃科⋯⋯
做左好多test都仲未搵到原因
佢由出世開始飲奶量都少，直到加固佢都係食得少…
早排開始少少都唔肯食，但都仲肯飲奶，但突然一日連奶唔肯飲，有次抽血就發現佢血糖低，因為係新陳代謝科醫生發現，所以安排入兒童醫院做檢查，佢期間一直都唔肯食嘢…所以最後醫生都話最好插喉，順便可以test埋當佢有足夠營養時，體重會唔會可以上升得好啲，用咗兩個月佢體重上返去身長線10%-15%，但我哋發覺佢食嘢就愈來愈差，以前明明食到1/3碗至半碗，而家佢好似唔肯再咬野…
又因為佢每日都嘔，而家都係唔肯用口飲奶
而家醫生就成日叫我哋考慮胃造口…我哋一家都真係唔想，我哋一直都抱住佢好快就可以唔使用條喉…但如果佢一直都食唔到，咁又點甩呢…
1個讚
係唔係就因為佢日日嘔所以驚左，寧願唔食野？心理問題？點解2歲都仲會日日嘔？
1個讚
很抱歉得知你小朋友的病況，祝願小朋友早日康復。
用鼻胃喉之後先至嘔，未用之前都無！同埋大多數都係因為有痰先會嘔，但就每日都5餐奶，好多痰
謝謝你
聽到你小朋友的情況，實在很令人心痛，祝早日康復
小朋友其他發展情況怎樣？能表達自己的心情嗎？
佢其他發展都接近佢嘅歲數呀！
小朋友可以表達情緒嗎？
祝福快點好呢！！～
會為你們祈禱呢 ！
1個讚
我哋呢度始終比較人少，不如你去返亡國嗰邊問睇下有冇人幫到仔仔？
可以呀，佢同同齡嘅無分別
我小朋友食人奶時無事，但牛奶不停嘔，最後發現對牛奶敏感，轉荳奶就無事了