佢之前肯口飲奶時都係飲牛奶，一直都無事，所以應該唔係牛奶敏感
希望小朋友早日康復
謝謝你
小朋友而家點呀？ 我小朋友一歲都係唔太肯食野 一直out of 生長線 仲有發展遲緩我地都好苦惱
聽到後好難過。。。加油。
我仔都係，由出世有10%一直跌出3%生長線，間中有進步過（雖然都係out of 3%），營養科closed file後，生長線又再跌過，又睇返營養科，兒科，言語治療科，驗血X ray，乜都做過，仲係無乜生長咁。。。
3歲仔得1.5歲身型，但無乜其他病痛，營養奶粉/薯條/蛋糕，總之佢肯食就得，希望胃仔大啲食到多少少，無跌得咁誇張。
每日只係希望佢食多啲，有少少進步都好。
佢而家都係差唔多，我哋諗住唔再用條喉，試吓佢自己會唔會可以再食返野！
你小朋友有冇兒科跟進？同埋佢邊方面遲緩？有冇跟進呀？
媽媽要有信念，大家一齊加油
真係！只要佢哋肯食就咩都得！
咁你仔有冇睇內分泌科？會唔會可以打增高針？
大家要一齊加油
我地個時入院用左個幾月胃喉
我仔有時一日拔走幾次 每日不停俾人插 喊到拆天
用左胃喉仲不停嘔
我地學左胃喉要求出院
出左院用左一星期我們就自己決定冇用胃喉
冇用胃喉之後就嘔少左
醫生成日覺得條喉唔會影響佢食慾，唔會令佢唔舒服， 但醫院的醫生，言語治療師，營養師 腸胃科 其實解決唔到小朋友唔食野問題。只會叫你整胃造口
內分泌科係咪兒科醫生轉介？未睇過，上個月睇咗言語治療科，吞嚥方面無問題。
依家3歲仲係要餵6餐固體再加奶。
真係呀！佢哋成日覺得咁樣唔會影響小朋友嘅食慾，但我仔係用左之後更加覺得唔洗食！所以我哋都覺得唔應該再用
咁你小朋友而家點樣？
我哋係兒科轉介新陳代謝科跟著新陳代謝再轉介其他科㗎！
真心覺得兒科醫生跟進得比較無咁在意，新陳代謝科醫生會比較aggressive.
食咁多餐？3餐奶3餐固？咁佢係咪己經返緊學？
會唔會係ARFID? 有其他sensory issues/developmental delay嗎?
(ARFID : avoidance/resistive food intake disorder)
我睇過有啲外國報道關於arfid，但香港好似無咩支援關於依啲？因為我睇嘅醫生無提出過依個問題，佢有speech delay ，佢依個年紀講嘢要有4個原素，佢講到2-3個.
大小肌都有delay不過我覺得係關佢細膽事
可試試搵有讀”SOS approach for Feeding ” 的ST 或OT. 香港有的，可以同佢地照直講你小朋友嘅情況，試下睇下會唔會接你? 另，Facebook 有個外國group 是ARFID 的，入面家長又有，本身患者又有.
(如果真係ARFID 而唔係其他病，要有心理準備ARFID是life long的)
加油