唔知你講邊個post, 不過我估到最後冇人理你可能係因為睇淡同睇好黎黎去去都係個幾點，有d老生常談，事實係連樓市專家都睇唔準，都係留番俾市場去反應，静待結果。
N個post啦
年幾兩年前我已經講
但唱好嗰D就一大班人留言
唔諗佢就冇㗎啦師兄
我有兩個朋友，都係意外懷孕… 佢地都唔想。
有個本來唔打算移民，而家即刻計劃。
有個要延後移民計劃。
當然亦有好多種其他人既。
不過反對生仔派一直都有，唔關香唔香港事。我身邊有朋友好憎人生仔，定期就會貼po講生仔有幾自私幾唔人道，都係一種普遍既價值觀。講黎無謂，和爭論宗教一樣。尤其呢度係媽媽聚腳地，講呢個話題就真係拆人招牌咁，唔好啦。
3個讚
唔好咁講呀，好似有啲愛國嘅人真係會架
同埋啲比較傳統嘅人…
唔係有錢就代表有條件生仔囉，
大把家境好但教到啲小朋友不倫不類，
所以真係冇一個標準，
過到就代表可以生仔咁樣，
真係要衡量自己嘅能力（經濟加教育）
係囉，哩個post 本來都係講多左人大肚，但講講下竟然變左生仔就係自私，生仔既就一定靠人，唔移民就唔好生…
所以我唔係好明，好想問清楚個concept 係邊
仲有，我睇隔離要生仔既post，備孕既post 都會即刻聯想到以上既comment⋯
其實你講緊既‘你地’ 係咪好想stop 哩d 生仔post?
都話你哋反應大啦，有你諗到咁激烈咩？
我養狗都有po會圍話自私週街大小便，我又走入去鬧人咩。
可能佢個立場真係覺得我養狗係自私呢？
佢有佢思想自由，同我唔同，有乜好拗？
上一頁咪得。
Bt the way, 香港生仔從來都要俾人批鬥，都唔係咩新鮮事。出街小朋友係街跑俾人鬧，坐巴士坐唔好俾人鬧，出街玩阻著人俾人鬧… 寵物都係
去到英國之後，覺得香港真心唔適合養小朋友/狗，英國做咩都無人鬧，而且一齊做。小朋友係遊樂場將沙互撥入眼，係圖書館喊和叫，著鞋行入地蓆，嬰兒車上車唔摺，全部都無問題。寵物又係坐車入餐廳咩都得。
但未去英國之前，我又點會覺得香港唔岩小朋友。非洲窮國人無去過發展中國家，點會覺得生仔對小朋友唔好。同樣，英國人都覺得英國唔好，瑞士好d，唔通英國人又唔生咩。
空間少，資源少，磨擦多。大家生得都預左。
6個讚
新聞都有好多基層住劏房仲要生兩個，阿伯聚大陸女人生仔希望有仔送終，佢哋需求都可能同大眾唔同，但只要放上網到討論，都係俾人鬧佢哋自私。
當一個話題放上網討論，就會有好多難聽嘅言論。
3個讚
英國嘅差同香港嘅差，差好遠
有唔同位置嘅差
睇下大家著眼點係點
3個讚
所以冇架，你地講人生仔係自私，人地一樣可以反擊話關你地乜事道德L，forum確實係乜說話都有。只係覺得有乜為，明知呢到係親子論壇，大量媽媽/準媽媽，上面既like數側面反影大家對你地呢d 留言好反感。
正如我唔認同人養動物，但我唔會去狗狗page 話人養狗自私精，到時俾人圍更加唔會話人點解反應大講下都唔得。
呢個forum早期係一班有黃理念既人開，唔想親子論壇得bk一人坐大，早期成員未必係媽媽所以唔多覺咁講有咩問題。但愈耐吸引多左真係媽媽玩家，自然見到會好大反應。當然言論自由係講咩都得，但我已經預算到會愈黎愈多呢d咁有火花既post嚕。
21個讚
你啱喎，我冇連登acc先黎呢度咋，我又留意下你講既問題先。
出面仲有冇入到會又係黃又唔係親子既forum ？
有PM我丫
想生既咪生唔想咪唔好生囉
我覺得人地想生又唔關你事，有咩好拗？
2個讚
係親子論壇就唔討論得呢個topic?
我自己都係媽媽，隨住各種因素嘅變化，我都會反思自己生出嚟係咪自私，有咩問題？只係吸收正面嘅一方，咁你又點會知道一件事都會有弊？
呢個forum 其實人數好少，係咪真係代表到香港媽媽、準媽媽我有所懷疑。
講自私，就係因為好多人只著重，「我想、我認為點就對下一代好」，唔使講遠，細我少少嘅90後生活喺香港已經比我困難，佢哋講緊怨緊窮人唔好生仔，唔係一句你話我覺得自己搞得掂就解決到嘅問題。
7個讚
笑左，即係你有特權生仔，其他人生仔就係自私
你生仔嗰陣都知香港要回歸㗎啦，但係你生仔就冇問題，人哋生仔就要反對就係自私。哦。
咁其實唔使講啦，咁雙重標準，此Post 已完，閣下自便。
2個讚
我生仔嘅時候香港無咁差，亦可以話我生仔前都係半隻港豬，政治嘅嘢唔太嚴重唔燒到埋身其實無咩感覺。
反對係香港生bb既人 係基於現實考慮，覺得如果唔移民，新一代既生存環境只會更惡劣，所以覺得留係香港無能力改變就唔應該生，免下一代受苦。
要係香港生bb既人有自己考慮 la，但要有爹娘不及習主席親既覺悟。如果覺得自己可以教育下一代有普世價值既思想，我覺得可行性唔高，馬生咁有錢，共狗要佢收皮就收皮。K道理家族夠有錢，權衡下都要辦家宴向共狗解釋。
3個讚
如果你要斟酌我一句，睇唔到後面我講嘅反省，其實有咩討論空間？
1個讚