上面講緊唔移民都生，仲有第三個option，做藍絲/小粉紅。
其實生唔生仔係個人選擇姐，
除非父母好似隔離post咁做ivf 都要借錢，
又月月清長年還錢，
照顧到小朋友，
第三者好難去反對人哋生仔，
我哋都唔知人哋個情況，
唔有錢但可能佢好識教小朋友生活開心呢…
其實點樣做都可以話自私，
你唔生可能係唔想自己加重壓力，
但其實一個國家同地方係需要有出生率架wo… 唔生仔都可以俾人話自私架，
真係睇咩角度…
我哋啲正常嘅全部唔生唔通等紅藍c生曬佢
咁香港就真係完喇
9個讚
是但你啦
呢度唔俾放負架 (好似係)
我估冇人會因為呢個原因生仔
某國以家逼人生3個，咁其實係邊個自私呢？
我以為全世界都會明呢個道理
我唔知啲人憑咩咁大牌 要 “反對”人哋生仔
有啲仲要人哋列埋身家出嚟，去證明自己係有條件生仔
我真係唔知自己睇咗啲咩
2個讚
你係咪要列晒你d身家積蓄俾佢審批你生仔係咪對得住天地良心？
其實係㗎，不過有人掉呢個題目出嚟，自然就有正有反，呢到係討論區，唔明點解一定要支持。
4個讚
我都費事答佢。
列曬出嚟又如何，啲人要入你，總會搵到位入你，不如由得佢自己喺度激氣
1個讚
我覺得平心靜氣討論ok, 我都覺得你講得有道理，但一句悔氣說話撻過黎，先令人感覺似BK
討論區係社會縮影，呢到理念一樣，唔係說話方式都一樣。
有d 事實係好難聽，成年人出嚟社會都唔會期望人人都以禮待人。
然而你都係講唔岀點解要生仔，淨係負面激動留咗啲回應，迴避焦點。
打工賺錢生存就叫物質化？定你唔洗返工靠人養？所以覺得賺錢等於物質化？
試下回應下問題仲好啦
你替唔到你嘅仔過佢人生，但決定咗佢人生
明知地球人口爆炸，仲要生仔
你都好樂觀喎
咁每個人都有佢既選擇。
唔通食齋既，就要批鬥食牛食豬食魚既自私？
你食肉既時候有冇諗過d 動物都有生命？
你夠明知要減碳排放，點解仲要生存？你都好樂觀姐
理性討論，唔用用自己把尺去度人地
1個讚
因為我覺得呢個世界仲有野值得體驗，而我想佢可以體驗到，所以我生仔
係你話打工賺錢等死，我先話物質化，我好enjoy 我自己份工，覺得好有意義，咁樣當然唔物質
我係替代唔到佢，亦無幫佢決定之後嘅人生，我做到嘅係係旁邊俾佢支持，到佢要做決定時可以無咁多煩惱，如果我仔享受人生，可能佢根本唔想我替代佢，你係假設左人生係苦，唔係人人想過
所以我自己亦有盡力令佢地唔駛捱餓，可以住大啲，呢啲位我係自私嫁，點解要因為低質人生仔用左啲quota,我就唔生
做人可以選擇樂觀同悲觀，我選擇左前者，呢樣我父母都幫唔到我決定，我負責緊自己人生
16個讚
所以亦有啲人會出言不遜，俾理解為唔俾放負
我覺得大家都係吹下水，係有啲人太大反應，講吓又話批鬥。
出面都好多備孕懷孕po，我哋都唔會踩入去up乜，又唔係癡線。
1個讚
好似樓市post, 我係bd講左N次睇淡既理據, 但冇人理我
我記得有人講移民嘅時候唔可以講到香港唔好添
個人係好鼓勵離開咗香港嘅朋友生多啲仔
4個讚
其實唔係話唔可以講香港唔好/只可讚認同生仔，而係留港定生b既好壞對每一個家庭黎講都唔同，因為大家條件/重視既嘢唔一樣。
會員反感係因為有d 留言係非黑即白，哦你仲生仔你正一自私L，哦你留港你擺明港豬喇，唔係嘛你仲買樓你等住被共產喇。其實呢d 唔係叫講事實難聽，而係大家需求唔同，唔需要好似企係高地咁去judge 人地既選擇。
14個讚