其實算啦
早啲訓唔好拗。
大家睇到既嘢唔同，講下講下就會為拗而拗。
真理從來都唔係越辯越明，係去到有一日瀨嘢先會清醒。
2個讚
唔係唔討論得，而係唔好一下子就鬧想生既會員呢樣個樣。鬧完班準媽媽人地鬧番轉頭亦好正常。
我都係社運前就生左，但我從來冇覺得生佢地出黎後悔。有時我地生左既叫人唔好生講2句係好易，但諗番轉頭自己係2難既局面其實都好難做決定。
而家你生左諗係咪唔應該生，同樣地可能亦有班人後悔緊冇生，所以身邊朋友想生/唔生我都覺得好尊重，最緊要佢地自己有諗清楚知自己想點。
之前隔離post 都有討論過窮人唔好生仔，窮到要借錢渡日梗係有問題。但點define係窮定有錢，比上不足比下有餘又生唔生得。你小朋友如果大左怨你點解唔係李家誠，你又會唔會覺得係wo真係自己自私搞到佢冇豪宅住？
仲要而家呢個post鬧準媽媽自私既唔係佢地自生條件問題, 係範指所有唔移民既，或者有d 直情覺得人生太多唔開心根本唔應該有下一代。又何必幫人assume 左佢地仔女第日會怨恨會怪呢？
15個讚
話說我都係挽車邊既90後，細個極窮，老豆飲完酒會發顛打老婆，總之成長環境惡劣。但我從來冇怪過我媽生我出黎係自私，相反我地感情好好，佢係我童年時俾左好多愛我。
大環境改變唔到，但總有人係過得好，呢d 只可以靠自己行出黎。
4個讚
同意，要有邏輯思考能力，要分清opinion同fact，當將好多一面倒嘅負面opinion集合，當成係fact，就會不自覺咁認為地球好危險，要求大家唔好生、幫手齊齊脫苦海、覺得反對嘅人都係自私。
2個讚
如果香港發展到新疆咁係唔會有人夠膽生，但問題係好多人唔相信，我就深信不移
當你唔信，你就仲有信心生B
你問我，我唔覺得問題在於自唔自私，反而係無唔無知，仲大劑過自私
所以冇得拗，我試過，又係比人話影響呢度氣氛，所以我一直唔出聲
絕對唔係掀罵戰，講完，我出返去先 
2個讚
其實我身邊都有d人係唔生主義者，我自己妹都決定唔生，而家生定唔生好閑。
然後我又發現從來都係得想生既會被人鬧自私，但想生個班係唔會鬧唔生既人自私架wo!
6個讚
如果係深信香港會發展到新疆咁惡劣，就已經唔係探討生唔生既問題，已經係會即刻離開香港。
2個讚
我自己認為唔關自私事，生B之外仲有好多嘢都對地球有害架，例如shopping，例如食肉，我都有做
生B本身就唔係大到我會去怪責佢哋自私
對對對，所以我重點係放喺香港將來度
新疆人被強制絕育, 係想生都冇得生…
我唔明你講信啲乜野。如果我問你信唔信如果佢地冇俾人絕育, 冇俾人強制墮胎, 佢地可能仲會想保住個小朋友。
好似樓上咁講, 你"相信"嘅事可能會發生, 但係人對生存環境嘅判斷唔係得一種。你對呢個環境得出嘅結論係"唔生", 而其他人嘅答案係"可以生"。你覺得自己如果生係"自私", 唔等如其他人生都係"自私"。每個人都唔一樣, 有一啲人冇信心, 唔等如全世界人都做唔到。
3個讚
其實有啲似以前講世界末日，總有人深信不移，係度等死，但亦有人覺得呢日未到，都要好好生活
1個讚
其實生唔生都係每個人嘅自由
唔可以話人生/唔生就=自私。
大部份人都衡量過生同唔生嘅好壞嘅
都係睇過唔過到自己心理關係
過到咪ok lor
每個人都有權選擇自己嘅生活
可能人地覺得生小朋友出黎個種快樂係無其他野可以超越
3個讚
就係話將來如果好似新疆咁，啲人仲會唔會生個小朋友等佢經歷被強制絕育同墮胎囉
咪就係話啲父母只係為自己快樂而唔係為小朋友將來=自私
拿唔係我講，我只係講出覺得生B係自私既人既諗法，不要打頭
可能你唔會信, 不過我信應該都有人會生
又咁，幾差環境都有人生b就真
緬甸都仲有人出生架
1個讚
你誤會咗我意思，我意思係︰相信香港會唔會變成新疆咁，唔係相唔相信就算變新疆都仲生
因為有好多人仲覺得香港唔會變新疆，所以佢哋選擇生(假設唔移民)
你都唔誤會左我啦, 我意思係有人即使相信香港有可能會變到新疆咁都仲會生。
呢個就係各人對環境有唔同判斷。到俾人捉入教育營俾咪所有人會甘心命抵自己行入去呢?
1個讚
咁我都估仲會有人生，希望唔會太多啦
講返樓主題目，其實我唔覺喎，呢一年我身邊三十頭夫婦十對有十對已經決定唔生
行出街真係見到好多大肚婆, 不過事實香港出生率係按年跌緊嘅。