關於 new build snag 2

海外生活 移居英國
1

見大家都覺得有用，就繼續寫下。
除左之前講既兩大項目，室內有咩留意哩。
最基本既門窗開得正唔正常，水喉出水，馬桶去水，跟屋送既電器甚麼甚麼，普通野唔特別講了。

只講重要些的。

  1. 門窗安裝得好唔好，大風大雨時有無滲水，用濕度計測接駁牆身就知。係香港成日聽人話打八號十號風球，窗邊入水好常見。錯架，正常安裝係唔應該滲到水。哩邊我住海邊，平日都經常三號波風力，八號十號級既都常見，完全無入過水。

  2. Double glazed 窗，新窗應該唔會有舊窗中間漏氣問題。只需留意落大雨後，中間框位有無水積係度。因為個設計係經中間框位流走疏氣位入既水，如果框位去水孔開得唔好，水會積下來。

  3. 屋頂天花瓦仔，即使日光日白，閣樓唔開燈都會超黑的，只有疏氣位會見光。所以爬一爬上閣樓，見有光透就知有無瓦仔歪左。上閣樓量濕度時可順便睇埋。留意小心，只能踩住 joist，撥開保溫綿會見到，踩到天花板會穿的，受唔到力的。

  4. 浴室抽氣扇，天花接駁喉位。哩類細節，香港好英國好，都一定係馬虎架喇。上閣樓撥開保溫綿檢查下，我自己買喉碼重新駁過，抽風力大左1/3以上！浴室係主要濕氣來源，抽氣好重要。不過哩樣唔算 snag，唔好走去要求維修，唔理你之餘隨時 black list有咩事排隊尾。

  5. 來去水喉，來水會走兩邊，一邊凍水會直駁各龍頭，一邊凍水駁去 boiler，boiler keep住恆溫，再出兩邊熱水，一邊係龍頭，一邊去 radiator。boiler有顯示壓力標，會略有上下浮動，但如果壓力一直慢慢下降，就係熱水喉果邊有漏水。去水喉無水壓，天花牆身無水印出來，基本上無漏水。

  6. Carpet門下駁位或牆邊駁位，有時個反釘會扣得唔實，自己用鏍絲補下落地就得。不過好多時都比傢俱壓住，我無咩理。

  7. 牆身板接駁位，牆角位，天花邊，門邊接駁位，收水後一定有裂紋。哩類唔算 snag，自行補灰上油或由得佢。

  8. 花園落雨天時留意下有無積水，因為表面泥既下邊都有去水渠的，正常係唔會有積水。

  9. 落大雨時聽下 gutter流水聲順唔順，安裝時如果斜度唔夠，會好容易塞。

大概差不多，希望唔好用香港所謂驗樓g既標準睇野，佢地本身都只係做裝修，雞蛋挑骨頭標奇立異，隨時自己都做唔到 up出來個標準。
英國既標準比香港更寬鬆，要做得合曬心意只有自己 diy，肯比錢都難搵到人做。
我間 new build住左一年到，都無搵發展商維修過，住得幾舒服。

15個讚
2

多謝分享

3

多謝分享

4

可以問下你買new build流程嗎:pray:
例如我10月15落了訂之後，搵律師，跟住10月24日就收到development sales話約我來緊星期傾plans and working drawings of the property，請問這個meeting係咪講關於upgrades 屋入面嘅野？謝謝分享

5

應該間間公司唔一樣吧？

6

落訂前無講過呢啲？咁可能係純粹講返啲資料畀你知。

就算係傾upgrade，都唔需要即時在會上決定。

7

yes, 我果時個流程係：

  1. 隔空比留位費+搵律師。
  2. 律師同發展商接洽後，揀 upgrade內容。
  3. 人到左英國，現場同 sales當面確認一次各細節 (即而家問緊個 meeting)。
  4. 同律師做資金來源證明及比大訂。
  5. 建築期間，中期有一次現場睇進度(我無哩次，因為揀接近起好，少量賣剩既)，後期有一次入屋內檢查裝修手工，兩次都會係 sales親身帶去。
  6. 比尾數交吉，最後一次 sales帶著行晒全屋介紹及做最後檢查手工。
  7. 交吉後，兩個月內如發現 snag，地盤現場會即安排執漏。兩個月後至兩年內先發現，就要排發展商 cs，有排等。兩年後，發展商再無售後服務。轉為建築結構保險，為期八年。

我間屋差不多住夠兩年，都無咩問題。

8

may i know which developer did you buy? many thanks

9

我哋係嗰sales講解咗plans and working drawings of the property之後先決定做唔做reservation….

跟住等main office approve 之後先畀留位費。

10

因為我自己識 diy維修，所以當時係用地點間格座向來揀屋，發展商只要係大間唔會執既就得。
我果間發展商係 taylor， 再貼多次發展商滿意度統計：

1個讚
11

你既先係正常步驟。
我果類隔山買牛，唔建議比其他人，風險相對大。

我情況比較特別，因為能夠從屋推斷到住緊或將來會住咩人，從地形可推斷到社區發展。
簡單講，即係識風水。
所以無咩風險，現實同當初隔山推斷時吻合 95%。

唯一係有家鄰居，放養細路好嘈，被聯合投訴先收斂些。哩類我就推斷唔到喇。
總體住得幾舒適，鍾意宅在家多過出街。

不過係香港時都係咁，所以分別不大。
係多左個花園，可以 diy shed都幾有意思幾倦，唔係買現成砌，真係逐支木鋸，係香港無地方玩的。

2個讚
12

persimmon , linden d樓好差嫁喎

13

你咪可以同佢傾有冇得免費upgrades?

14

那你當時有冇upgrade, 還是找人出面加工或是自己diy

15

係哩邊無朋友買 new build，所以無比較過。

因為我有 diy技能，佢地手工其實係點都無所謂，只要個地基無問題就得。
間屋用既建築材料係咩種類咩供應商，我都分到。
哩間用既都係中價料，對大規模起既屋苑算係咁的了。
中價料，好好地用，廿零年都無咩問題。

2個讚
16

請問snag係自己搵人做還是builder developer 做? 好多野唔識，想請教下:pray:

17

我哋都係隔山買牛:sweat_smile:

18

完全無 upgrade，因為我自己手工好過出邊大部份 trader.
間屋除左需要牌照既野，我基本上都大大小小改過。
住左兩年，改到而家都未改晒，始終得一個人做，仲要兼顧家人，係慢好多。

1個讚
19

咁其實小心些，都無咩風險既，哈。

20

可以要求。未必一定(只)係免費upgrade、可以有好多唔同嘅incentives….

有時有唔同百分比嘅deposit boost, mortgage/stamp duty contributions, utility bills, etc, 睇你牙力/發展商有幾急賣嗰棟樓….