上邊咪寫左，入住後兩個月內，snag係現場地盤跟。
兩個月後就要向發展商 cs部門排隊，所以有咩都一定要交吉兩個月內發現。
一係自己睇，一係自己搵snagging company做，點會搵返建築商做呢？
can you share your views on Bellway and Crest Nicolson? thx thx!
你岩，佢似係問點知有 snag.
其實我覺得，之前寫果兩篇長野都差不多齊晒驗 snag，好好地 point form檢查，唔使額外搵公司做。
錢多另計喇。
1個讚
我哩度無朋友住 new build，應該話根本無香港朋友。。。 本地人好少會買 new build，因為佢地一係自己識 diy，一係有相熟朋友識。
所以唔會比個 premium price去買同區仲要花園細好多既 new build。
我來之前唔熟英國，否則都會揀超大花園既舊屋。
所以比唔到意見呀。
1個讚
早知唔揀 new build , 好後悔 
why？
發生咩事？ 係哩度無咩見到不快經驗分享。
可以的話，分享一下作大家借鑒，謝。
Thanks
講錯了，我還未訓醒
知道，唔該哂
may i know why?
當初覺得買新樓簡單, 嚟到發現其實舊樓真係前後園大好多,樓底亦高d, 而且社區通常已成熟好多野都方便d…
我new build 有唔少執漏, 但都冇人嚟整. 當初都係因為聽人講呢個發展商好先揀, 不過跟住又聽聞已經好多香港人喺我呢個 new build 隔山買牛已「賺夠」 所以開始差喎
最大問題係我發現原來附近不少回收場 （heavy metal). 原來呢度呢d 規劃好普遍， 但如果舊屋喺已建成嘅社區就會少呢啲規劃喺附近囉， new build 環境就比較蝕
而且太多香港人喇， （係，我都係香港）， 唔知以為我冇移民
如果唔係我咁細膽，比我揀多次會揀舊樓。反正呢度乜都要等，乜都慢
（個人意見，希望唔影響大家）
3個讚
舊樓一樣花園可以好細，樓底好矮，仲要得一個廁所，個則唔好用，一切都係睇你買樓個時點揀，新樓花園一樣可以好大，不過唔好處就係要自己俾錢整，舊樓就前業主整好哂，不過花園大都好麻煩，俾錢整之餘又冇乜大用途。
至於附近規劃，呢個就關乎location，新樓一直都有人講配套係會比舊樓差，所以係最大斃病，但reserve之後律師樓會做個search俾你知附近有d乜厭惡設施，相距幾遠咁，如果接受唔到可以唔要間屋，當然都有d新樓係成熟社區嘅，不過要做下功課自己搵，唔係有新盤就一窩蜂去買，特別係個d同一location幾個發展商都起緊樓個d，一定唔會係發展成熟社區。
1個讚
多謝你分享。
如果新區發展既 new build，社區配套好可能要好多年後先跟得上，哩點係要留意。
我特地揀近市中心外圍，收地重建既 new build，其中考慮既就係配套。加上係好校區關係，即使係 new build，九成半都比本地人一早留晒位，計埋我得三戶香港人。
唔使想到咁灰，好老實。
買舊屋如果自己無裝修知識，即使比錢做 survey，到維修翻新時好易中伏變無底洞。
即使我熟 diy，去到新地方都無信心應付埋買舊屋帶來既變數。
所以唔使覺得自己既決定係錯，當時應該係相對適合的。如果間屋既 snag都係小問題，咪自己 diy攪掂佢，嘗試將間屋改裝下成自己喜歡既，鍾意間屋住落去先會開心。
鄰居方面，我既本地朋友都係學校家長同去體育會認識的。鄰居全部都係 hi bye，無共同生活圈本身就難發展友誼。
所以多唔多香港人，根本唔使在意。
3個讚
其實呢樣唔關係咪 new build事喎
舊樓一樣有機會面對呢啲問題。
之前在 rightmove 搵樓，搵過幾間間隔都幾好、裝修都okay，但上Google map 搵到間屋之後，先知道隔離就係回收場/garage etc….
仲有火車軌，唔少舊樓起正火車軌隔離，近個站都叫有得享受下方便，唔近個站個d真係喊3聲，呢d就真係要去現場睇先知
1個讚
new build都有機會㗎
之前睇過一個new build，又係在Google
map搵到個site後先至知其中一邊係正火車軌隔離
同你揀左差唔多條件嘅新樓，都係成熟社區之中，近超市火車站，附近中小學好好屬傳統校網區，本地人都搶，賣得超快，後尾先多香港人，千祈唔好買個d一堆發展商都起緊個d，不過有人話新區新學校治安同學校都唔會差，唔知真定假
係呀, 好認同, 所以有 d 後悔自己揀得唔係甘好
無錯，google map真係太實用。
另外，英國有網站有地形地圖，我睇埋山坡高低，衡量屋苑中邊度係高低位，避免雨季時有小瀑布。