一定要報警，一定要走，樓上咁多位朋友都比咗好多意見你，
希望你可以鼓起勇氣，快啲離開，
因為佢打得你，真係遲早都會打小朋友，
為咗小朋友嘅安全，一定一定要走，
學嘢嘅錢好多方法解決，
但唔走，小朋友唔會安全亦唔會快樂。
我爸爸到我24歲，
有一次我駁佢嘴佢唔夠我講想打我，
但我講既都係事實。
比我媽阻止左，
話我大個嫁拉，
要尊重我。
之前我媽唔係屋企，
我老豆係唔識煮野既，
變咗我煮比佢食。
我每日都係一係煮麵，一係炒飯。
佢同我家姐講我日日都埋啲咁嘅嘢比佢食。
之後黑口黑面又話我能力有問題之類。
又同媽投訴我唔識煮啲佢岩食既野。
迫佢要出街食。
我心諗我就算煮好多，
佢都係食半碗仔，
佢又唔肯食舊餸。
咁你想我點姐？
係，做咗媽媽，要識得保護自己同仔女。
你諗下你有事，你啲仔女點算？
去搵‘’芷若園‘’幫手啦！
支持樓主，希望在人間，離開家暴。
1個讚
個人意見同上面差唔多
報警
驗傷
搵社工
拎綜援
離婚
拎贍養費
記住，啲死黑警會同你講，呢啲家事，叫你盡量小事化無，因為佢哋唔想搞咁多嘢，但一定要堅持落簿驗傷
2個小朋友好細，但最多捱多兩年，佢哋開始番學，你就有時間可以出去做part time舒緩下個經濟壓力
2個讚
唔好再搵籍口啦，快啲帶埋孖B走啦
我成世人最憎聽到嘅其中一句說話就係：「我為咗你先唔走」
呢啲明示緊佢嘅悲慘係完全係因為我嘅情緒勒索真係對一個小朋友影響好大，我由細到大都已經覺得如果有得揀我情願唔出世
除非你覺得自己有金馬級影后演技去掩蓋你嘅情緒，又或者你覺得你啲小朋友有Asperger 唔會在意你感受
如果兩樣都唔係，請你拿出勇氣來帶小朋友離開，從今日開始，開始過平安而有愛嘅日子，祝你同小朋友幸福
10個讚
今日去咗搵之前家暴個社工，呢幾日比文件佢直接幫我申請綜援，但係唔知點解我個心好驚，當真係自己帶走兩個女出去住，好冇安全感一個女人仔，我係冇娘家㗎，朋友我更加唔會講家事人哋仲以為我好幸福⋯
唉⋯ 佢今日啲態度仲仰咁衰，唔會覺得對唔住我，仲話：「記住我講過啲咩啊！」 其實我都唔想見到佢，佢阿媽仲話：「教過我好多次如果想婚姻長久嘈交叫我唔好出聲。」真係有撚病
佢而家做緊嘢，佢啱啱仲同我講話今晚去飲酒，用激將法，其實你飲咪飲囉關我撚事
10個讚
支持你肯行第一步
希望你盡快上樓，申請綜援
同兩個女女重過新生活
男家既人講乜都唔使理佢，佢哋無喺你角度諗過，都無當過你係人
女人要狠就settle down好，放低封信或者send個message通知一聲你要離婚。
1個讚
要有心理準備佢會對你同兩個女不利
諗吓有啲乜嘢緊要嘅一定要執 執好先/收收埋埋準備隨時走
辛苦你啦媽媽 離開習慣咗嘅地方係會有好多不安
不過離開先係對你同你兩個寶貝最好嘅選擇
加油
2個讚
要忍都叫佢媽自己忍。
3個讚
你呢啲叫自衞！
你做左媽媽啦，要自強！
保護自己先保護到亞女！
人渣唔配做你老公，
更加唔配做你亞女爸爸！
你唔需要理會塘邊鶴既想法，
你唔係為佢地而生存！
你只需要為自己同囡囡而活！
你值得更好既生活，
但你首先要自強！加油！
5個讚
有勇氣行出第一步，加油呀。
直接請教社工如有突發情況，可以點處理，佢地有經驗可以減少你既不安。
另外要偷偷地執好必需品，特別係身份證明文件，隨時可逃走。
朋友方面，真係唔好計較面子，記住你無錯架。
當真係需要幫忙，坦白說出，就算未必肯幫你都要一試。
要生活得好好唔容易，但只求基本生活的話，真係唔難。
相信自己吧，就算係物質生活麻麻，都可以過得開心的。
1個讚
我諗大家都好擔心你繼續忍落去，睇到你已經踏出第一步都安心啲
總之你唔好再理佢兩母子做乜嘢或者講乜嘢啦，你依家最緊要係Focus如何以安全情況下帶小朋友離開
加油，你得嘅
2個讚
我唔知我有無miss 左啲回應。如果你仲未走，你自己小心，你老公話飲酒，唔知飲醉會對你點。執定個走佬袋，萬一有事，帶兩個囡入庇護中心
6個讚
話說佢買咗刺身生蠔番來叫我食，我唔食，最後又引我笑，仲食咗，其實個心仲有條刺，啱啱發現原來個頭後尾枕腫咗，眼已有瘀青。。 每一次都係咁
咁樣唔係解決方法，佢打完你，又氹下你，下次又打得甘啲
佢一啖砂糖，幾啖屎，會令你拖泥帶水下去。
家暴係零容忍，有一次就有n次
今次要決心離開。
5個讚
你地真好陪我傾，我冇娘家無人無物。
1個讚
見到你行左第一步都安心啲。。。唔好心軟。亦唔好怕唔好意思而唔搵人幫手。。。有苦想呻當然都可以在呢度呻啦~~~
畀唔到咩實質幫助你，都希望畀到少少精神上支持~~ 要撐住啊~~~~
2個讚
容忍咪會愈打愈甘
最怕第時打埋兩個女，帶埋佢哋一齊
既然你明白無娘家撐係幾孤立無援
你都唔想以後孖女步自己後塵嘛
除非你兩個一齊去搵婚姻輔導，否則個男人冇可能會改，但好明顯佢唔會同你一齊行呢一步
支持你勇敢行出第一步
祝福你同孖女有新開始