今次係最金嘅一次，成拳批落我個頭（成面），即時頭痛、麻痺、眼角流少少血⋯
前因就係嘈交，我唔夠嘈講野hurt佢自尊心，咁我係咪底打？
孖女2歲，我同佢地老豆成日冷戰、嘈，因為佢成日態度衰講嘢大大聲⋯我好辛苦。
但如果我走即係攞綜援，佢地大少少邊夠錢學野⋯
佢地老豆一直一蚊都冇俾我，全部開支佢自己跟，離開佢，女女雜費就靠綜援，我身體又差，我做單親媽媽呢條路正確嗎？ 我塊面腫曬⋯
如果係，黎緊我叫人睇住兩個女就去租屋清潔買床？（我仲有少少儲蓄），可以等申請綜援，諗到咁大工程，次次打完我，我就算了
兩個女比我地嘈交嘈醒，現在終於訓了，4.55分，我都要訓了。。。
你有傷緊係即刻報狗+搵社工
咁先可以特快上公屋同拎綜緩
報警嘈到隔黎，第日又尷尷尬尬….你知啲call機幾嘈啦
Btw後日就生日好灰⋯
應該要報警，驗傷，搵社工幫你
同意，至於之後點行，下一步再諗
你又冇做錯，你唔需要覺得尷尬，要尷尬係打你嘅人
走，一定要走，有冇錢同將來會點唔好諗住，你覺得咁嘅成長環境對小朋友好咩？
要報警，唔走，將來打得仲金，命仔都無埋，你都想睇住細路大，同埋最重要係暴力對細路成長好大影響，路係人行出嚟，香港哋目前唔會餓死人，同埋用錢學嘢比安全的家庭簡直是微不足道，記住帶埋細路走，只有你可以比安全感細路
你唔為自己，都要為仔女，一定要離開個家暴老公！
我就係家暴下成長。
因為阿媽軟弱，仲叫我返到學校，比老師問做咩周身傷晒時，要話自己仆親或者係同人打交。
基本上只要老豆果日心情唔好，便會被毒打。
大概小學二三年級時，有次被老豆毒打完，不斷喊。
佢指住露台同我講，係咪唔滿意呀？係度跳落去投過胎咪可以有第二個老豆囉。
我細個一直想自殺，不過無勇氣去實行。
後來學會每當被打時，當自己既身體唔係自己既，咁就唔會覺得咁痛。
愈說愈遠。。。
總之係家暴下長大既細路，好易有自殺傾向。
而且情感會有缺陷，無自愛能力。
所以為左仔女，離開吧。
做個孤兒都好過家暴。
報狗，你忍佢佢又有下次，呢啲人渣欺善怕惡，打女人，要報狗拉佢，仲有你都話仍一蚊都唔比你，拎綜援咪拎綜援囉
你忍到今日，都忍唔到十年，離婚係遲早既事，不過睇下幾時咁解。
做定準備，睇下離婚資料，綜緩資料，找定朋友，睇定屋等等。做好準備，評估左風險能力，再慢慢諗下幾時離婚
見到你講嘢嘅語氣只係覺得可憐人必有其可恨之處。
佢今日打得你，佢第日就會打對女。而你諗嘅，竟然係個賤老公負責晒屋企開支，驚個女第時無錢學嘢？
晌一個咁嘅環境長大，學幾多嘢都無用啦吓話？！
自己諗清楚下一步應該點做啦。
你應該要報警呀,使乜怕尷尬,佢打你咁嘈又唔怕尷尬咩， 畀啲勇氣自己
你唔報警又唔走
只係縱容緊佢
佢只會打得越嚟越金
點睇都係打女人果個尷尬d
可能佢睇穿你怕尷尬呢個心態
所以有恃無恐
係囉,反正佢都唔俾錢
個男人第時唔肯俾錢咪一樣 
上左小學,反而拎綜援可以免費學野
之前有個朋友都係咁，
但佢選擇帶小朋友番娘家攞綜緩，
等小朋友大啲做麥當勞。
依家個女大左好錫佢媽媽。
我想講男人打得你一次，
就有第二次，你忍得幾多次？
忍到小朋友大個？
呢啲你自己諗拉。
小朋友有冇得學野同埋鄰居知道尷尬都應該不是重點吧！
先唔好話小朋友會有陰影，連佢地安唔安全都成問題。
叫娘家或者信得過的人睇住對孖女先
要報警，趁佢返工執定要擰走的出世紙，passport同需要的衫褲鞋襪，問下警方有冇社工幫你轉介去短期住宿，長遠社工幫你申請公屋綜援
天無絕人之路，但如果你再唔強大起來，受傷終有一日係你對孖女，今次要離開一個唔會珍惜你的人，你自己唔可以再咁軟弱。