寧吃開眉粥，不吃愁眉飯
要以身作則，自愛自重，妳對女先至會愛妳敬重妳
唔想直接報警就揾社工傾下先，起碼可以疏導下妳既情緒，記住，妳肯出聲就一定有人幫妳，鼓起勇氣，妳一定可以做到
6個讚
寧願乞食都唔好被個老公打，記住！
呢度邊有一個人叫你忍﹖你就明白
送你老公去坐監就啱啦，邊係人嚟！
1個讚
心痛你！仲諗錢！只會越打越金！！
唔好有浪子回頭嘅諗法。
攞出你嘅勇氣，唔為自己都為對孖女，報警即走，你唔自救無人救到你同對孖女。
1個讚
咪玩啦，咩年代？
你要走之外，仲要報警囉。
咁你而家報咗警未？
定係你諗住喺度喊，睇落可憐啲，等佢心軟氹返你同你過生日？
大個女啦，做人阿媽啦，仲有兩個小朋友依靠緊你，你甘心比佢哋喺依個暴力家庭長大？第日佢兩個點睇你？又會有幾憎你你知唔知？
為佢哋諗吓啦，唔好要埋啲不切實際嘅浪漫。
個男人郁得手打得你，仲要咁多次，即係根本已經唔會愛錫尊重你同埋兩個女。為母則強，自己獨立啲啦。
14個讚
太多回應出，謝謝你地、我冇諗住要浪漫過生日，反而真係想走，剛剛才有時間覆，傷口好痛，我吾記得講，我都有還手，咁我係咪唔底幫？
咁我而家第一步要點做？
1個讚
唔好再諗咁多. 上面咁多人比左不同資料你.
你快手執左身份証, 護照, 錢同一小個行李箱放你女同同日常需要用既物資即刻去報警同搵機構幫手啦.
你再唔走到時比個將人知道,
佢打到你死或打死你個女點算?
為母則強, 快快去執野之後再同我地報平安啦!
7個讚
我希望你既生日係可以比大家見到你同女女既生活重生. 而唔係再活係恐懼之中.加油
報警驗傷先，有家暴紀錄，佢好難同你爭2個女
4個讚
有冇還手唔係重點, 你同BB生活緊嘅地方唔安全就要走。唔知點開始嘅打電話俾任何一個機構, 同佢地傾下啦
1個讚
走呀！
家暴比無錢學嘢更可怕！
1個讚
報警喇
佢哋會有宿舍安排你同小朋友住
見過好多亂倫孌童case都係源於家暴
打打吓(見無代價)逐漸就會姦埋個女 好變態 
唔係，唔還手俾人打死咗啦
第一步係報警，上面個個都講咗，原因係你要留紀錄，一來係為咗爭撫養權，二來係為咗搵社工保障你之後同兩個女嘅生活
唔好諗有冇得返轉頭。有啲人係要靠第三方話返俾佢聽有幾嚴重先會知錯。
6個讚
全家都好憎佢。
我一夠18歲已離開屋企，一年先見佢一次。
有比錢阿媽用，但從來無比過老豆。
後來老豆好早有腦退化，行動不便及唔記得晒以前既事咁。
到我仔女出世後，佢好錫孫仔，繼而會關心埋我地。
全家都唔再提細個時候既事，表面上好似三代同堂好幸福咁。
但我一直無忘記過，只係唔想係仔女面前表現出仇恨。
1個讚
為咗對孖女，更加要走。
你出手係因為自衛，唔通企喺度任佢打？
唔好諗咁多，快去報警驗傷。
掉轉頭，如果兩個女同你講：媽咪，為咗有錢學嘢，我可以比爸爸家暴。樓主，你會點諗？
你唔捨得d女比人打，你媽媽都一樣。
1個讚
比人打還手係本能，加上男女體力差別，你係夠佢打已經唔使捱打喇。
好現實咁講，老公係你揀既，揀錯左受苦都算有原因。
但對於你兩個女，老豆唔係佢揀架，加上大人打細路，個傷害絕對係你之上。
夠膽講，佢第時一定會照打兩個女。
我阿媽軟弱，令我有個地獄童年。
你唔好一樣咁軟弱呀，最極端講。
就算細路要送去孤兒院，都好過被長年家暴。
我認識孤兒院出來既，唔使被打之餘，連物質生活都好我好多。
既然最壞既情況都會比而家好，仲有咩好驚。
唔好妄想家暴衰人會突然改過，唔可能架。
老豆無再打我，只因為我16歲時佢發現已經唔夠我打。我無打佢，但要脅佢如果再敢家暴就一定打殘佢。
10個讚
要比一個快樂童年你既小朋友，
帶小朋友番娘家住，慢慢再申請離婚。