覺得媽媽要身心好先至會照顧到BB
以前啲人個個都係飲奶粉㗎啦營養一樣好好
最緊要唔好俾太大壓力自己
每次泵既時間短D 次數減少就得架啦
我返工前就停泵, 因為工作太忙, 一遲泵都易塞, 痛到死.
最重要係老公支持你, 唔好太大壓力
我全人奶媽，大女餵到13個月，因為大女唔肯埋身，所以夠一歲就放棄，泵奶係好浪費時間，令願多d時間陪玩.
細女依家21個月大都仲餵緊，佢肯埋身我由得佢飲，埋身餵嘅感覺真係好好，我唔捨得唔餵！
如果你工作個位私隱度高，又冇人打擾你，你可以好似我咁用freemie响位度泵，邊做邊泵.
1個讚
我餵到11個月就停
的確餵人奶嗰段時間係好辛苦，我嗰時仲晚晚半夜三點起身泵奶，日頭就返工
泵完仲要洗野，都搞成個鐘
仲要唔係多奶，泵幾次先夠BB食一餐
其實我覺得最緊要係你個人想點，其他人講咩唔係好重要
好多人都知人奶對bb 最好，但如果搞到自己咁辛苦甚至抑鬱，咁都唔係對bb好
而且壓力同心情都影響奶量，再加上奶粉又唔係有毒，好多bb都係食奶粉大
最後就係如果要停人奶，亦都唔係即刻停到，要慢慢減泵慢慢收奶，如果唔係可能會塞奶
咖啡都可以飲呀~
可以揀decaf既咖啡~
或者泵完奶先飲咖啡都ok
1個讚
我都係BB出世到而加兩個幾月都主要飲人奶
不過我都諗住黎緊返工開始就順其自然咁減產
我自己都係人奶BB 聽我媽講我當時時飲左一年
但我媽都好支持我順其自然減產
佢仲同我講 有d bb一日人奶都冇飲過咪又係健健壯壯
所以我而加都同自己講 bb有飲到最珍貴嘅初乳 已經好好架啦
我有襯而加產假儲定雪奶等開工之後俾BB飲 （雖然都唔知佢肯唔肯飲雪奶）
到時唔夠就補奶粉
身同感受。全泵15個月，好lonely。回想點解唔早d比奶粉，飲唔晒都唔肉痛！
我bb而家3個月大，一向差唔多全埋身，我啱啱放完產假幾日，而家朝早7點埋身一餐之後再泵清出門口返工，返工期間朝早同晏晝各泵一次，放工衝返屋企埋身一餐，瞓前再埋身一餐…其實真係幾攰幾困身，返工時泵一次都搞大半個鐘，都有d驚遲早d同事會有怨言…仲要泵得好少，咁樣一日泵3次 加埋先緊緊夠兩餐…我又唔想半夜起身泵咁辛苦…而家只係返左幾日工 已經有d想放棄
開心的媽媽重要過母乳，媽媽對BB最重要。你咁為餵母乳呢件事擔心，已經表現出你好錫BB，加油
我大女食足一年细女食只食了一個月。兩個而家一樣甘健康，我識其他媽咪也這樣說(反而大女有濕疹)。我覺得母乳比人吹得太大，其實最緊要妈咪覺得邊種輕鬆開心最重要，你開心bb才開心，不要睇得母乳那麼重要。
我地最偉大係懷孕
既然奶粉存在
即是人奶係可以被取代
有咩珍貴得過孕育生命果十個月
好好享受做母親嘅感覺吧
2個讚
我第一胎working mum, 4個半月後停左人奶, 勁爽
唔好有壓力, 奶粉都幾好
停唔停人奶唔關媽媽衰唔衰事，有一個身心都健康嘅媽媽緊要過比人奶，我係全人奶媽都係咁話，餵人奶係可以壓力好大，你會唔會考慮泵到幾多就幾多?唔夠就補奶粉，抗體真係少少人奶就夠，想安心d又壓力無咁大可以考慮下。唔需要將人奶/奶粉分太開，大家都係媽媽，目標都係想BB食飽健健康康。
既然你都覺得情緒好嚴重影響,咁無必要去泵奶,鐘意的話可以慢慢自然斷母乳,即唔泵,只埋身。當身體習慣左就得,咁既可自已唔洗泵,又可以餵下奶。平時食奶粉,你係度就埋下身,最終睇下可以餵到幾時囉。
真係好抑鬱的,咁就算啦,但停左又唔好諗返轉頭啦,只會二頭唔到岸。
同埋泵唔泵奶,你又可以返工問下公司,如果佢地好支持的,就無你擔心的問題,若佢地反感,你再考慮停唔停。
唔好俾太大壓力自己, 無論母乳好奶粉好只要 BB 健康成長同媽媽身心健康就足夠, 如果因為母乳問題令媽媽愁眉苦臉，BB 經常感受到媽媽負面情緒都唔係好事啦。
我老公係食全奶粉大, 我係全人奶大, 但我身體差過我老公好多易病好多咪又係咁, 無嘢係絕對嘅