你可以先揾母乳組織嘅人幫手先，我都係因為其中一個義工幫手先可以順利人奶到依家。其實唔理係人奶or奶粉媽都係偉大嘅，十月懷胎+生佢出嚟唔係一件容易嘅事。講下我先，我係第二個小朋友，依家一歲四個月，大女8歲，之前係因為餵奶痛+雖然長輩都成日話人奶乜乜乜，但又成日認住阿仔食唔餵，去健康院見到人哋阿b肥過阿仔，就會行去同人傾計，話阿仔好廋唔知飽唔飽等⋯⋯要我補奶粉，我因阿女嘅不愉快經歷而堅持要全人奶，搞到自己好大壓力，好彩有個係母愛蜜語做義工嘅朋友教我正確姿勢（同發現阿仔有痴脷筋/心型舌都有影響）仲有一個有3個人奶小朋友嘅朋友不停俾意見我（唔會強硬我要人奶）話其實無話人奶失敗就唔係好媽媽，奶粉媽都係好媽媽都係為小朋友好，唔好太勉強自己，要量力而為
1個讚
我19年3月3日嘅post：阿仔出世收水後重2.76kg，下圖係努力2個月嘅成績……因為係全埋身，所以唔知佢食咗幾多，成日都好擔心佢唔夠飽……(雖然見到成績，但依家都仲擔心
)呢兩個月真係好痛苦……唔夠瞓，乳頭痛，又要聽長輩打擊嘅説話(話阿仔細粒，要補奶粉，我拒絕，堅持全母乳，之後就話俾相同事睇，個個都話唔補奶粉點得呀～又話咩問一百個有九十幾個都咁講……
) 四個月檢查目標係50條線！！
補充：長輩係健康院時，當我入房餵奶時，會主動同其他媽媽/其他長輩傾計，都係話阿仔細粒乜乜乜……話人哋個B夠肥白……(奶粉B)仲有，話滿月就要重1kg，但當時阿仔只係幾両咁增重，到滿月都未夠1kg,借此要我混合餵，但對一個一心想全母乳嘅媽咪嚟講，好大打擊，像在宣告自己失敗……
1個讚
係啦，我都覺得係只有盡力泵
其實奶粉都好
我bb 都係食奶粉多
一樣健康
1個讚
我都係泵得唔多奶, bb 又食好多, 就黎滿月我都想停, 因為暫時得我一個睇bb, 真係好攰
我仲要係一邊勁軟, 接近冇奶, 一邊就keep 住有30-50, 都唔知可以點停
1個讚
唔駛咁在意架
如果自己情緒唔好 都會影響到bb
因為bb 好敏感會知道媽媽唔開心
大家都想俾最好既bb, 但情況唔許可， 真係唔駛勉強
當初我都預算到我返工就一定泵唔到俾bb
我都係努力泵，到掛泵 , 都會有唔開心
總係會有d 3姑6婆又係到多多聲氣話點解唔泵呀
唔好做囉， 我真係x佢地， 關佢地 x 事咩
分享返個時我係點先
我個時 因為乳腺炎， 變左全泵媽 3個鐘泵一次
初頭試下俾bb 飲冰奶先， 佢接受到呢
我就係咁泵， 儲夠量就掛泵
雖然都有講話其每階段人奶都隨bb 大會有改變
但我無理
因為冰奶最多3個月， 所以我就去到臨返工先掛泵， d 量雖然預左話可以到6個月，
但bb 會大， 食量都唔同，
所以都由慢慢餐餐人奶， 慢慢加奶粉，
我個女一日6餐黎計就4人2粉
再變3人3粉， 再慢慢變2人4粉，
不過我最緊要頭一餐係人奶。
我感覺空肚左成晚第一餐吸收d 嘛
同埋我預返bb 打針個日會飲人奶多幾餐
以上我意見， 希望唔好仲意咁多未
2個讚
當初我99 同老公都叫我唔好喂人奶添呀
話咩驚我辛苦wo. 又話我怕夜晚無得訓
真心， bb 頭幾個月點會諗有得訓呀
跟住我喂人奶阿女肥白白，
又改話喂人奶好啵
1個讚
媽媽身心健康都好重要
點都支持你 
1個讚
唔好比自己壓力囉
其實又冇話只可以全人奶/全奶粉 2揀1嫁
五五 / 三七 都得既啫！
1個讚
我太太阿姨係助產士
教佢好多上奶餵奶知識
老婆係多奶到整好多番梘
又比好多奶人整番梘
大家有興趣可以share比大家
2個讚
餵到幾耐咪幾耐,如果餵人奶已經對心理咁大影響,奶粉又唔係有毒
我當時就不停同自己講: 呢樣係唯一我俾到佢而可以確定係對佢最好ge野 黎堅持
利申: 大仔餵到16m 細仔餵到18m
2個讚
@bee0503 因我大女係奶粉b，細佬係全人奶，所以我明白個分別係邊，奶粉嘅話，99，老公可以幫手，你完全唔理，好好休養，但人奶無得假手於人，呢個都係一個令人誤以為人奶媽係“成功”；奶粉媽就等於“失敗”（覺得另一個原因係因為依家好努力提倡母乳，人好自然會過份“神化”（類似意思，唔識點形容）如果有講要量力而為，有需要就揾母乳組織幫手，即使放棄改奶粉也不是錯等，可能會好啲）
3個讚
我暫時見過有 No milk tea
唔知得唔得
餵人奶好，餵奶粉都好，都係偉大既媽媽，唔會因為餵唔到人奶，或者餵唔夠幾多個月，而少左對bb既愛，媽媽身體都好緊要，心情同壓力bb都會感受到
1個讚
冇野好諗，餵奶餵到有心理壓力仲會抑鬱，對自己、阿B同屋企人都唔健康，停左去算把啦。餵到人奶係bonus，無咪食奶粉囉。自己既心理健康都好緊要架！
利申︰我餵到五個月，返工後奶量大減，自覺對自己做成既壓力同麻煩已大過對阿B既好處，果斷斷奶。
1個讚
唔需要太執著人奶，食奶粉唔係乜野大罪，阿b一樣會大一樣身體健康，最緊要自己身心舒服
餵過四日人奶嘅媽媽路過講句
1個讚
你有用雙電泵嗎？個泵夠力應該可以快dd
我頭兩個月都係盡量餵人奶俾BB因為D人話抗體乜乜乜，但係你餵得人奶真係要食得好清,例如我果日食咗D好補既野之後D奶比BB食完出紅點，咁不如比有機奶粉佢食仲好食咗有機奶粉仲肥肥白白過人奶（經驗之談）
真係好多謝咁多位媽媽既正能量支持
其實餵人奶真係好多顧慮，飲食要仲小心過懷孕期間，又唔敢進補怕入左d奶度影響bb，我本身有咖啡癮，有左之後唔敢再飲，而家捱更抵夜湊bb,半夜哄佢訓完自己仲要泵奶先可以休息仲要唔敢飲咖啡提神。
我真係好佩服可以堅持餵人奶既媽媽
1個讚
原來係咁
我都冇咩點戒口，唔怪得bb 成日面有紅印