由生完到而家2個半月都餵人奶，黎緊bb3個半月我就放完產假喇，坦白講每4至5個鐘泵一次奶嚴重影響睡眠品質，無信心開始番工仲繼續泵落去，加上而家時勢唔敢做做下野去泵奶，就算泵只會用飯鐘去泵，但我泵一次平均45分鐘，如果真係堅持繼續泵應該會有嚴重抑鬱（而家已經有少少），同人講有停人奶諗法好多人都話要堅持6個月如果唔係就好似我係一個好衰既媽媽咁， 好彩老公好支持我停奶，話奶粉都好有營養，有無媽媽分享一下意見?
1個讚
唔好比甘大壓力自己 我3個小朋友 2個飲奶粉1個飲人奶 3個都係健健康康 忠於自己 覺得舒服就得嫁喇
最重要老公支持你
6個讚
我果時唔夠俾bb食，滿月就停左人奶了
食奶粉飽肚啲，而家女都12歲了
我十月生一直餵人奶 因為餵人奶真係慳好多
本身產假一直都係五泵
返工就改為四泵
但發現我係公司泵奶有好多閒言閒語所以減到得三泵
上個月遞信後改為兩泵
依家每日一泵凖備停 最主要係因為凖備返新工
餵人奶真係好辛苦 身邊既人唔明艺係會好難受
不過 唔好俾太大壓力自己
我都冇試過全人奶 一直都係補奶粉的
1個讚
一滴也是愛，可以盡量泵，如果唔夠既咪補奶粉囉，人奶飲得幾多就幾多，最緊要媽媽輕鬆啲，bb又健康
7個讚
唔駛諗太多自己生霆心理健康好重要 我2個月就停左 bb肥肥白白
2個讚
明你感受… 我都餵奶餵咗6個月，準備返工！
我知道奶粉無問題 bb都會健康 但真係唔捨得個種親子時間 見到佢依靠住你食奶嘅感覺 人奶媽懂的
唯有抱住個心態 唔追奶 人奶當甜品～ 等自己無奶
3個讚
我係全泵媽餵到歲幾就停咗，睇返轉頭真係太辛苦，攪到自己太大壓力。
如果太辛苦，真係唔好勉強，奶粉bb都好健康，唔好迫得自己咁緊
2個讚
我勸你停，我本身都好渴望可以一直母乳，但係頂咗兩三個月半人奶，因為bb唔肯埋身，一路花太多時間泵，用盡方法都無咩幫到自己，真係心理上支持唔住，抑鬱極困擾已經令到坐唔好月。如果有抑鬱，唔好勉強，好影響自己身體復原，同埋家庭生活，老公都受苦，不如用多d心思湊b。其實餵過一排已經好夠，我小朋友係超級健康，無敏感，咩事都無仲好高大。無事無干餵到媽媽係開心d，所以佢哋都特別中意提倡，搞到頂唔到嘅媽媽好大壓力。各樣問題嘅媽媽，根本有苦自己知，好少出聲分享，所以唔好太理網路上d人講咩。希望幫到你。
7個讚
我身邊都有好多朋友復工前停泵
無所謂架，最緊要自己舒服呀
我係全泵，仔仔唔肯埋身
返工係好唔方便，所以我三個月就轉咗兩泵
每次泵足30分鐘，直到今個月就轉一泵
我目標係由三個月，六個月，到宜加一歲喇
其實當初係唔知自己堅持啲咩
諗返應該係驚唔識停，因為真係好驚塞奶
人奶B同奶粉B一樣都可以好健康架
按你自己意願去做就最好
2個讚
唔好太大壓力，人奶又好，奶粉又好。一樣可以身體健康
1個讚
我個女個零月就戒佐，一來我女唔肯埋身，無佐母乳推廣嘅增加親子關係，二來配方奶粉營養都唔差，三來我多佐時間休息，休息唔夠都唔會有咩營養囉，精神好，凑小朋友都好啲
1個讚
因為我有濕疹想小朋友無濕疹，所以我2個都係全母乳到3歲
盡力而為，人奶媽或奶粉媽都係好媽媽，可以慢慢減泵，減到早晚，之後餵到幾耐就幾耐，加油
1個讚
係咪好嘅媽媽，根本唔係用餵人奶定奶粉去做標準。
講得出呢啲嘅媽媽，就算本身餵緊人奶，佢根本都唔係真心想餵自己小朋友人奶，只係想拎光環
雖然我都係餵人奶，不過都唔夠，所以都要補奶粉
小朋友成長好多心煩嘅嘢，為人哋閒言閒語而增加自己煩惱最唔值
每個家庭背境/每個媽媽體質都唔同，根本唔能夠比較
最緊要自己同另一伴舒服/能力做到
放鬆心情，加油！！！
12個讚
盡量餵，餵到幾多得幾多
我本來都想一直餵人奶到1歲，但實際上做唔到的話，其實bb食奶粉都可以好健康，反而唔好因爲咁搞到自己情緒低落！
1個讚
我生咗三個，三個都係親餵人奶，總奶齡都有六年。
我覺得要返全職仲要餵人奶其實係苦差（我只返兼職），如果你心理壓力好大，其實啲奶嘅質素都唔會好。
其實細路仔都係想媽媽開心，媽媽開心啲細路仔先會開心。如果你壓力好大、好辛苦，唔想餵就停啦。
1個讚
生前覺得一定一定一定要餵人奶。生完後，冇乜奶，一直補奶粉。臨放完產假前，得個兩滴，就算了。個仔而家7個月，肥肥白白，而且已經加固，食多好多有營養固體食物，又間中同佢曬下太陽，又同佢玩俾佢郁，我諗呢d都對佢健康同埋免疫好重要，亦係媽媽愛的表現。
2個讚
我都係你咁諗啊！其實唔知點停奶㗎呢？