《故事背景》
細妹不嬲性格倔、讀書好叻
以前一齊係呀媽到住時關係時好時差
可以話係差，因為佢對外人好聲好氣，對我地家人態度好差，平靜同佢講野，佢永遠講野永遠「xxxx㗎喎」「xxxx㗎啦」
直到佢拍拖搬左出去同居，
先至好番啲，好似講野好左。
但最近因為佢出年去加拿大，我去英國
我地開始又有磨擦。
佢同佢男朋友當然想我一家三口一齊去加拿大，
但我嘅情況要洗100萬（我家庭資金1/3）先搞得掂。
佢地就覺得我已經有好多錢，洗1球唔係啲咩，甚至乎覺得我諗太多，明明有錢都唔肯去加拿大。
因為佢去加拿大係直接拎OWP，佢仲諗緊同個拍拖年半嘅男朋友結婚幫佢拎埋SOWP。
我就叫佢自己諗清楚個男人嫁唔嫁得過，唔好為幫佢而嫁。
同一時間佢男朋友積蓄唔多，但好有理想，已經諗到要買大屋，話一定做到，第時買大屋比我個妹（佢同居都唔做家務）
《問題》
問題就黎啦，我可能又太著緊講得太多，佢嫌我好煩好黑人憎。同我講野又變番「㗎喎！」「㗎啦！」
我都知加拿大多倫多溫哥華啲樓好貴，做mortgage又唔做得多。咁我不嬲八卦鍾意咩國家嘅樓同移民都會睇嘅，就sd啲平地方嘅樓比佢睇，講下不過就遠啲。又驚佢屌我「平嘅就係遠㗎啦！」（佢試過㗎啦），就戴定頭盔話我都係睇到講下，無特別意思。
然後佢就幾日都唔再理我。
其實我諗番我都有問題，唔應該同佢講咁多野煩住佢，只係我角度係傾下閒計，一齊分析下了解下。但佢嘅角度就覺得我好煩，樓價太長遠嘅事唔需要理。
如果佢鍾意嘅相處方式係唔好理佢，
其實我係咪應該唔好再當佢係細妹咁關心，而係當佢係一個比普通朋友更普通嘅朋友咁樣同佢相處會更好呢？
宜家咁樣我又應唔應該同佢講番「對唔住唔應該煩住你」？
突然發現自己一直以來好似用錯方法同佢相處。
可能真係我有問題 係我做錯左
1個讚
2姊妹就算一齊長大，到左某個時間，都係各自為政！
你做左你作為家姐、親人既勸導、提點；
佢唔聽，你都冇辦法既！接受囉！
佢去邊，係佢既事；你去邊，係你既事！
唔考慮去加拿大，就係唔考慮，唔洗多解釋
我係你就唔會involve 咁多喇！
佢同我講，佢問我意思，我咪講囉；唔問，姐係唔想知我意見啦～唔想聽我啦~咁咪慳返
16個讚
我都覺
既然過度既關心係多餘既
點解又要你地一齊搬去加拿大?
我都唔相信佢第時有大屋住
又要自己做晒d 家務
仲有時間黎探/關心你一家
你老公同你小朋友想去英國定加拿大先係重點
1個讚
let it go.
企後一步，每次想俾資訊妹妹時，
停一停諗一諗。
1個讚
我又唔明點解佢男朋友好似想幫你哋話事咁。你哋自己一家人係獨立unit 嚟，你自己加埋老公仔女話去邊唔去邊係你哋自己決定，你同佢交代咗已經ok，其實佢冇必要說服你，甚至評論任何嘢。呢樣嘢係咪佢男朋友教壞佢，你細妹以前會唔會咁comment 你啲嘢？如果係的話，真係盡量同呢個男朋友疏遠，眼不見為淨。
另外你個妹真係好有主見嘅人，應該決定咗就唔鍾意聽其他人意見，尤其係反對意見。又唔鍾意人哋教佢，佢一feel 到你稍為教佢，就覺得你企喺高高在上嘅位，就即刻唔鍾意。對呢類性格嘅人，一係就擦佢鞋，淨係講佢鍾意聽嘅嘢，附和佢，讚佢，請教佢嘢。一係就最好少理為妙，given that 唔影響到自己。但講就容易，始終你哋親姊妹，而且樓主你感覺上又係好重感情嘅人… 我覺得你一feel 到有衝突，就唔好聯絡佢一排住先，take 個break，隔一隔再聯絡對大家都好。
3個讚
唔明白點解佢會想你哋去加拿大，關佢兩個咩事﹖
仲有，佢兩個似乎財政觀念好薄弱，咩叫做有三球使一球好小事﹖1/3喎，去度唔知做乜個喎，佢係咪大想頭少少﹖佢同佢男朋友係做咩架﹖喺加拿大會搵到好多錢﹖
如果係我就唔會理，一陣佢跟左你個plan發覺唔對路仲會怨你幾十年。距離產生美感，大家各自plan，有咩事只需要對自己負責。
3個讚
我估好似樓上咁講，個妹好有主見，所以覺得去加拿大就最好
點計都唔輪到阿妹個男朋友幫你一家嘅未來話事囉，我會覺得呢個人好有問題，你屋企有幾多資產你阿妹可能有爆埋比條仔聽，唔係條仔又點會咁想你同佢地一齊過加拿大
FMK_M
13
或者係同家姐一家係同一個地方 叫做有咩事有人依靠/幫拖
好同意~
尤其是讀書好叻叻開果d 人
有時自尊心好重下
覺得自己高人一等
幫人做既決定就係一定岩
而呢一面亦只會向真正既自己人表露
(相信佢都唔會咁樣對條仔)
以前以為佢哋係讀書叻所以串
但後來我覺得佢哋係認為自己聰明，思維好好，自己亦係靠呢樣嘢攞到好成績even 成就，所以自己諗嘢一定啱，學你話齋，佢思考過做嘅決定一定係最好，其他人其他方法都冇佢咁正確咁好，除非係佢仰慕嘅人，例如老師，上司，男朋友。
1個讚
係~
好似要憑藉證明自己比人地精明去肯定佢自己既價值
我又覺得唔一定，佢唔需要靠「比佢差」嘅人證明自己，佢只係覺得你哋啲人憑咩教我，係都係我教你
可能樓主細妹係全家最細嗰個，所以對住屋企人會再加強呢仲心態
2個讚
唔可以話理財薄弱
生活態度唔同
佢地YOLO
我地well planning
享受嘅生活質素同揀嘅路都會完全唔一樣
睇金錢嘅價值觀唔同
無話啱與唔啱…
佢覺得比得到就可以Go
我覺得唔夠…
A_lcy
20
同意，都咁大個人，佢要堅持咪俾佢做。
移民、買樓呢d 人生決定唔使其他人話事，有親都咁話。
1個讚