我宜家都決定咁樣…
家庭關係，控制唔到人地
只可以改變自己
可能我一直都覺得自己係家姐
變左呀媽咁長氣咁「所謂為佢好」煩佢
令佢好討厭
我自己都有問題
真係做家姐都要考牌 唔好再過問長氣
1個讚
咁宜一層一定都有講比佢男朋友聽
我呀妹去加拿大我唔反對，對佢黎講無咩成本係最劃算嘅選擇
我個人身為女人，係擔心佢男朋友為左做佢配偶一齊去加拿大就叫佢結婚
一個從來唔特別儲錢嘅人…
突然講話第時買間大屋比你…
不過我講過一次就算…
佢地嘅感情我無得干預…提點左就算
（我真係以後要學識控制自己嘅多管閑事
）
你地係2 個family , 第日嫁左都跟唔同人, 點解要一齊做移民決定…??
1個讚
其實係㗎…
但係我呀媽都企佢果邊 想我去加拿大
同佢解釋完我覺得我嘅錢唔夠，佢都係想我去加拿大
對我個人黎講 覺得英國同加拿大唔係咁大分別
無話差到唔住得人 幾差都唔差過香港啦…
唯有買完機票再通知
佢地點相處我唔知呀…
我個人觀察佢同佢男朋友性格好似
佢男朋友再大男人啲，所以食得住佢
佢以前唔聽屋企人同我講，宜家就只會聽佢男朋友講
佢地係覺得加拿大好過英國
佢講過洗咁多錢去加拿大換黎一個好嘅環境比我個仔都係好嘅
但我黎講，再長遠黎講有好多野考慮，加拿大樓價升得好快，可見嘅將來會升得更多。除左教育，樓價都係我考慮嘅因素。
佢地後生，好多野可以慢慢計劃慢慢儲錢，唔儲錢去流浪都得…
但我一家三口唔得㗎嘛，自然諗嘅野多啲。
我真係要管下自己把口，唔好再咁長氣咁多事…
我同我妹又係唔啱傾, 不過無爭拗, 只係唔親近咁。佢同啲朋友仲 frd 過同我, 我地諗野好唔同, 我比較諗得多, 鐘意準備足, 佢就樂天知命啲~
我覺得有時兄弟姊妹講緣份, 佢攪得掂就有得佢唔好講太多, 佢有需要時出聲揾人幫先出手, 有空間大家都會舒服啲 
2個讚
對呀, 關係從來都講緣份, 冇得勉強, 你做咗要做嘅工夫就算喇, 講多傷感情
如果你哋本身感情唔深, 真係唔需要太在意對方嘅意見 (移民), 你要為自己嘅屋企負責, 佢都要為佢嘅人生負責, 互相尊重, 就係咁簡單
3個讚
食米唔知米貴就真
人大咗梗係各自發展㗎啦…
1個讚
我以前都係咁樣對細佬，但當我自己有家庭有生活，佢既野我就完全唔過問。佢已經係一個成人，佢轉咩工識咩女仔學咩車，我全部唔理，一句都唔問，除非佢主動問我。我地關係超級好～
你會發現世界好大，無負擔，好多野唔洗諗，做你自己想做既野，輕鬆過日子～
2個讚
退一步海闊天空
我覺得樓主唔使太責怪自己喎，關係呢啲嘢都係雙向
唔明點解自己有家庭移民去邊都關個妹事…
不如你以後淨係覆佢一個字 : 哦.
之後佢真係有野要幫自己睇關係幫得幾多咪幫 ~ 其他交流無關緊要既, 唔想吵最好既辦法就係唔好交流wwww
1個讚
係，我覺得大家各自各就得，唔駛俾太多comment，你唔駛理佢男友嫁唔嫁得過（已經提咗一次就夠），佢又唔好理你決定去邊，大家獨立個體嚟。
3個讚
自己人生, 自己揸主意, 唔想過多10年8年有埋怨
你去你既英國, 其實唔好理你屋企人講咩
尤其當你已經結左婚, 又話埋比佢地知, 你D錢唔多夠時
佢地都無企係你立場諗, 咁算把你, 點解你仲要care 佢地感受??
(咁邊個理你, 你老公同你小朋友感受? 仲要用1/3錢… )
1個讚
無錯呀, 而且有時都會提自己, 我既睇法唔一定啱, 要尊重人地有唔同睇法。有啲野覺得要提, 講一次就夠。不過, 相對如果最後佢有咩要人幫, 我都唔會幫到盡, 人要為自己選擇付出代價 
樓主你係驚阿妹去到加拿大甚至結咗婚先知個男人唔可靠，到時出事無家人可以依靠？
其實咁大個人每個人都要為自己嘅決定承擔風險後果嘅。你哋分析完覺得自己家庭適合去英國係一個選擇，佢同個男人想去加拿大亦係一個選擇，無人知邊個完美架，但忠於適合自己嘅判斷同決定，將來係好係壞都唔會怨人先。
你調轉諗，你係英國建立一個穩定環境，將來如果阿妹係加拿大真係有d咩衰左唔想再係個邊生活都可以黎投靠你 
放鬆d啦家姐
可能走咗之後，幾十年後至再真身見面，衣家咪影下囉！