好長篇
不過我真係想搵個地方呻
.
結婚之後就同埋奶奶一齊住
生之前一直以禮相待，相處無大問題
生之後先知原來多個bb 真係差好遠
.
我bb 兩個月大個陣佢已經成日抱住咁fing 佢
話bb 好開心
我就叫老公同佢講唔可以fing 咁多
有嬰兒搖晃症呢樣野
.
然後佢估到係我叫老公咁講
就話我太緊張
仲笑笑口問我係咪有產後抑鬱
個一刻我真係覺得好心寒
如果我真係有產後抑鬱
你唔係用關心既語氣同態度問我
反而係恥笑既形式咁問
比你咁問完搞到情緒仲差咗
有咩事係咪你負責
.
自個次之後我就盡量唔講野
想做個透明人就算
點知前晚
佢同我老公講話因為我搞到心情唔好瞓唔著
我老公係媽寶
佢叫我去搵奶奶坐低傾
佢話佢夾係中間都好難做唔知點
我好老實咁同我老公講
話我自私又好
我生完bb 湊bb 又要返工
其實我都好辛苦好攰
我真係兼顧唔到咁多人既情緒
最後搞到而家我同我老公都唔開心
全屋人都唔開心
唉
.
呻完
相信短時間應該都解決唔到
4個讚
問題係老公係媽寶+一齊住
唔解決嘅話一世都有排受。
6個讚
明白
始終唔係自己父母，老公屋企唔會對你有”家”的感覺，永遠覺得自己係外人，講多句都唔方便，免得講者無心，聽者有意，如果唔係搬出去，短時間都難有解決方法，放假時多帶bb出街，少逗留喺屋企，對少啲，心情輕鬆啲。
老人家唔會聽後生講，去健康院時帶埋佢哋去，由姑娘醫生口中話俾佢地知，佢哋先會聽。
4個讚
辛苦了，抱抱，只可以聽你呻，我有同樣問題，我明白。
生完係好多野都唔同左，比定心理準備你，之後會仲多。
仲加埋媽寶老公，短時間解決唔到，係咪遲下會搬? 宜家唯有同人呻同睇下d心情文章，例如身心靈果d, 我睇完明白同接受自己有呢d情緒係正常，會覺得好d。
1個讚
真心好簡單，因為係錢靠決到既問題，就係唔好同99住，同埋搵工人湊b.
你成家，係要physically 做埋出黎先說服到人你係成家，否則一直都會比人情緒勒索。而做到呢步，要好有決心先可以，即mentally 要配合。
生左b係多野煩架啦，有時候兼顧唔到咁多就要排下priority 邊樣野緊要d, 同可以捨棄什麼換取什麼。之後返學都多野煩架，但你如果搬出黎獨立到set up 左第一步擺好晒姿態，咁以後可以易行d既。
3個讚
有感而發，係呢個forum 睇到咁多cases, 真心覺得港女係唔適合同99生物住，有時咪太高估自己，諗清楚。
9成cases只要遠離99即可解決～
7個讚
要同人哋父母一齊住？除非佢屋企有城堡咁大
嫁媽寶男？除非佢啊媽係有財力令我當佢神咁拜，我唔介意收錢叫佢做啊媽
1個讚
都唔係嘅，相見好，同住難。
同自己父母住都會好多磨擦，有時無話邊個啱定錯，只係大家生活習慣唔同，根本人大咗就應該要獨立，尤其成家之後，再加埋小朋友，理論上我搵唔到仲一齊住嘅理由。不過，香港土地問題真係好大嘅問題。
所以我主張無得分家唔會生小朋友，呢句說話應該得罪好多人。
3個讚
提你一句，一直遷就去滿足人唔係辦法，尤其人地係有血緣既一家人，仲要媽寶又同住，除非個老公識處理（佢叫得你去同奶奶傾又話自己辛苦擺明唔想理）唔係就諗下搬走，因為一定係解決唔到。
同奶奶住我真係無乜聽過會keep到好關係，除非個人真係好無要求
認同既，但細諗一層無2人世界之餘，2個都似長不大既細路咁。。。
我非常同意，事實就係難入耳。
再衰d一句，窮人唔好生仔。香港地要向上流已經愈來愈難。
2個讚
而且送出國讀書係最低要求了。
遲d個細路再大d真係要教時，仲多野睇唔順奶奶
你有工返都好啲。我無工返，以前日日對住奶奶，又無錢，仲煩。（我哋唔係一齊住但佢日日踩上嚟）（而家有好日子了，姑仔生咗兩個仔，不會再理我哋。但佢又週圍數姑仔工人唔好，死性不改）
之前我媽都試過，
搖bb個頭
我同佢講左之後，
佢都係話我太緊張，
話同bb玩下。
我叫你下次唔好搖，
話bb骨未生好。
佢好悔氣咁講句：
得啦，咪唔玩囉。 
1個讚
同自己阿媽有時都會就教小朋友問而有磨擦，何況係奶奶。
一係要識隻眼開隻眼閉，除非小朋友有危險。
要說服媽寶老公搬出去又係一個難題。
媽寶最唔要得,仲要同99住,恕我直言無運行 
如媽寶不想搬走唔同99住,唯有等bb 大咗返學分下心…
如果係我,第一係搬走唔同99住
第二係請工人唔要99湊
老人家一定係覺得自己生過幾個又湊大佢幾個，
你黎教我做野？
1個讚
如果真的要一齊住仲有個媽寶老公,以後有咩唔滿意唔開心我都要直接講!因為唔係你媽唔開心就叫唔開心,做老婆唔開心都一樣係甘難受! 既然老公已係媽寶,即係無人了解你,你更加唔可以鬱住自己
2個讚