你老公既個款媽寶係會幫住哂奶奶講說話，定只係唔會主動解決呀媽個種？
我奶奶係勁煩勁控制狂既人，忍左好耐有次唔忍直接爆佢，連表面情都冇，呢6年過時過節都唔會出席做戲，其實幾爽。
不過如果同住係難搞d, 直情我覺得解決唔到，因為一家一主。
2個讚
以過來人勸你，你哋有能力就搬啦，bb愈大只會愈多不滿！淨係比吾比睇電視呀電話呀都有排講！自己係bb媽媽，但係又唔話得事果種感覺我明白，吾好諗住忍一時風平浪靜，佢哋只會越踩越過份！
1個讚
未有能力搬出去之前各位女士唔好生B呀，99%會有婆媳問題
1個讚
我係萬中無一例子，但因為我，我奶奶都無咩要求，再加我老公唔係媽寶，佢處理得好好。
我地有能力搬走，但唔想掉低奶奶，所以生左二個都一齊住，我感恩佢都有幫手。
不過如果肯定個老公係媽寶，我會建議請個工人，等工人成為磨心，係有啲衰，但變左樓主可以指揮工人湊仔，減少磨擦，同埋奶奶有機會變左話工人，少左話樓主。
5個讚
唔好講一齊住
生左bb就算唔一齊住， 我都好驚99煩～
利申，陀緊未生
唔敢想像99會點，但暫時佢未有咩過分行為
好難頂、某啲上一代就係咁、唔話得、只能避開
我廿幾歲已經諗盡辦法搬離屋企，本身打算自己租屋住，後來識到我老公，即刻住埋先
我自己阿媽都難頂，何況奶奶
1個讚
咁你一家人本身性格都好好，欣賞
都有好多燥底時間，尤其第二胎大住肚，但未有工人嗰段時間。我就係見一請左工人，真係有助減低磨擦，不過就變左我工人有時投訴奶奶成日話佢，但整體我覺得請左工人，家庭關係再好左，前題係，我工人係幾好
你都算好彩，我見好多咁急搬出黎，最後都出事
離開我阿媽一定比任何嘢重要
咁我承認自己都難相處嘅，佢又接受唔到我大個，覺得去夜街唔得，覺得放工要好似放學咁返屋企食飯，去旅行又唔鍾意
發癲了
同奶奶住更加冇可能啦
1個讚
其實我媽都唔鍾意我同奶奶住，佢都同我講相見好，同住難。不過老公自己揀，好彩無事無幹
你超好，我老公諗都冇諗過將我同佢阿媽擺埋同一間屋，佢話一係我斬死佢阿媽一係佢阿媽斬死我，當然前者機會好大
佢誇大咁諗未嘗唔係一件好事
你地出黎做野邊個睇bb?
如果係奶奶睇就唔好咁多怨言
唔不過搬出去先係最好做法
你嫁得好好，老公超級醒目
Same here!! 廿頭就想買樓都係因為想脫離屋企，之後遇到我老公，佢都係由頭就即刻脫離屋企嗰啲人，一拍即合即刻結婚。
本身我哋啲長老並唔係特別衰，正常人一個有優點缺點，不過相處好同住難，有返啲距離就可以互相尊重，關係都好好多。
20幾歲其實都應該自立啦，仲黐住屋企唔係先奇怪咩？我都極度鼓勵細佬妹快啲搬出黎住，佢哋搬咗出去之後成個人成熟咗勁多！
如果有能力當然好，但我見因為香港租太貴，好多人求其搵個男朋友當share 租錢，未必好鐘意，或者好適合，咁樣拖拖下又嘥錢又嘥時間
1個讚
搬走，係好認真嘅。
同埋堅持你認為岩bb 嘅野，你先係媽媽呀，你都唔企硬，你老公又媽寶，最後bb 只會俾人舞嚟舞去，而好似fing bb 咁，好明顯你99 就知識不足、仲停留係幾十年前
2個讚
唔駛煩，可以嘅話搬走係你唯一出路，無其他方法解決