無半個鐘，15分鐘、10分鐘都好啦！咪搞到個B唔跟佢，第時你有咩頭暈身興，行開行埋，佢乜都幫唔到手。
一路睇樓主分享，一路好有共鳴。
我果件應該全個家族都係。佢只可以manage 好基本自己野，成日覺得人對佢唔好，份份工都有人事問題，家用少(少同傭工人工)但就以為好巴閉，個小朋友完全唔帶去街，我好似單親咁又搵錢又養家又要照顧都有suspected 自閉症加speech delay 既小朋友。
3個讚
咁結婚後唔知？點解會生？係咪佢話要生定你？
其實同樓主一樣婚前只係覺得呢個人文靜，一份工都叫好stable ，又有返教會，以為正常人，婚後就見真身。
但婚後經歷佢工作唔順利甚至失業，我父母身體又有事，佢老豆不斷借錢炒股票我老公可以唔逼老爺正視問題就俾錢，我奶奶好黑心成日想啲親人死謀人哋啲遺產，我懷孕一直流啡佢會覺得我去少啲街未得而唔係幫我做家務同去超市上貨，小朋友發現有事我點幫小朋友佢既反應，對佢完全心死。
暴龍哥話人最xx就見真面目係好真
6個讚
好奇想知老公本人知唔知/承唔承認自己有亞氏先？
如果知自己係、可唔可以見心理學家做評估、見醫生食藥去改善呢個問題、始終佢嘅問題係源自腦入便缺少左啲野、要靠藥物補返呢啲冇咗嘅嘢。
我小朋友都有同學係亞仔（媽媽話同佢睇政府歸左入自閉頻譜）、幼稚園係好麻煩、冇同學同佢玩、到小二、媽媽頂唔順同佢睇醫生比佢食藥、見到好明顯改善咗。真係少咗好多講野得罪人、同滋擾人的行為。
1個讚
平時真係唔會有磨擦嘅？唔會感受到對方完全唔識關心自己？
成個騙局咁⋯⋯？
婚前好多野唔埋身，婚後真係好多磨擦。
婚姻輔導一路有見，但佢無乜insight 。
好想離婚，但好怕佢同佢媽(藍人)會篤我灰，同唔俾我帶個小朋友去外國。我只可以忍到個小朋友大，用升學做借口同小朋友走佬
4個讚
我覺得有啲男人（女人都有）真係小朋友出世之後就另一個人咁。
見過有case係、拍拖果陣、見少陣都死、你同朋友出街、要特登由新界出九龍送你返屋企、有時出去都要送你出來。但結婚生小朋友後、大大下小朋友野唔理、淨係打機、畢業典禮又話唔嚟、娘家做節又唔出現咁。
2個讚
佢肯，會執行一排，不過始終不敵搵錢
依家已經係啦，出街要阿媽唔要爸爸
生bb係意外，我有婦科問題唔易有，諗住要努力好耐，點知結婚無耐就有左，不過我本身都中意小朋友
1個讚
係呀，見佢個人老老實實，未有小朋友時小小野就忍左佢，依家生活磨擦多到不得了，我每日都會俾佢單打，無一樣野係佢滿意
3個讚
佢知，但拒絕治療
理由係嘥錢同好多偉人都係亞氏，人地一樣結婚生仔
1個讚
咁好難搞喎
同過有亞氏嘅人做同事、真係好難頂。成日都炒大鑊、夫妻真係唔知點做、佢地講野真係可以好倔、倔到你想大巴大巴扯落去。
1個讚
絕對認同呀，我日日都想大巴車佢……句句都挖苦人
我加埋個黑心奶奶，我成日同自己講我要身心健康，唔係我小朋友會好可憐。
咁其實係你想要小朋友啫，佢都冇話想/承諾照顧？
如果變到咁就一定會離婚，我指我
3個讚
佢話有無都隨緣
佢可以為左個女搬屋去好校區，儲錢佢學野，幫佢儲利是，但就唔會花時間相處
1個讚
我自問順德人呢個情況我都會走
但總有人係會忍