其實你有冇試過爆佢？我老公初頭都係咁，我都會忍，後來忍唔住爆佢，我仲會話大不了大家離婚，你搵個岩你心水照顧你。佢就開始收聲。我都有講過，過多排香港都係咁，我就自己帶小朋友過英國，反正你鐘意搵錢，咪做太空人（雖然佢係黃人）。當然佢收斂左，我就唔會係咁講。
我覺得你要俾佢知道你條底線，佢先會尊重你。
4個讚
咁真係好睇女人有冇能力獨立同勇氣去講呢番說話⋯⋯
其實女人冇呢個能力，又唔係肯定個男人肯負責任幫手湊&教&陪，本身唔應該生
2個讚
好多人話天生天養
咁係生前冇傾清楚，你又一心要生
男人只會睇硬件，女人就要軟件，你呢個問題普通男人90%都有，何況係呢個症狀
一係你對佢唔好有任何要求，一係就走
1個讚
天生天養咁就生完唔好咁多要求，又要個老公陪又要個老公幫手湊又要佢關心你又要跟功課，講得出呢句就要做到
唔係話樓主
4個讚
我依家就係諗緊走
雖然我唔係超有錢，不過養起個女無問題
好過日日唔開心
不過又諗緊係咪真係要行到呢步姐
1個讚
同亞氏係無得傾㗎，因為佢哋pre-set咗自己嘅諗法，唔會改變，樓主老公嘅情況，應該係pre-set咗“愛仔女”=搵錢、比物質仔女、搬屋去好校網，其他嘢就唔關佢事。
7個讚
又唔係，佢又話想要。不過佢都係低估一個作為父母對小朋友係要好多犧牲
係架，佢係負責任架，不過用佢亞氏既方式，提供物質上既支援
佢以前又會周時問我係咪有左，好期待咁
4個讚
唉，我唔敢教你呀，我就睇字都戥你心痛
同埋好多男人去到呢個位又會做少少嘢，你又好快被氹，但肯定一個月後佢又打回原形
我只講我自己：我就一定接受唔到冇尊嚴嘅生活，我老公大聲兇我半個字佢都未使旨意嗰個星期有得瞓，就算我錯
但我冇細路就唔同嘅
你諗下為家庭完整定為自己快樂
啲野一超出佢估計範圍，通通唔關佢事
2個讚
咁起碼樓主自己都冇諗清楚同冇估計過個老公會咁
1個讚
你真係小心再有。
我老公上次話會唔會再生，我話我想50歲退休唔係釘蓋
無細路，一支公，一早走左啦，無牽無掛
好多野都係發生左先知原來佢會有咁既反應
即係唔住埋唔知夾唔夾，一日未結婚99都唔會露出真面目之類
7個讚
想有都好難呵呵
我就一定先assume奶奶及老公係衰，先落下馬威，擺個款你咪使諗恰我先，一入門就被佢哋知道我底線
冇機會比佢哋變咩真面目，我先比佢哋見我真面目
1個讚
不幸地，呢招對阿氏又係唔work, 因為阿氏會忽視自己無興趣嘅嘢，佢唔會理你講咩做咩，會完全無視。
然後叫佢哋想像未發生嘅事，都係無可能嘅，因為佢哋嘅世界，只會發生自己認為會發生嘅事，其他事未發生佢哋想像唔到，發生咗就會當無發生/唔關佢事。
5個讚
我個亞仔，對於未發生既事，係永遠抱持極度擔憂既態度
所以佢每日都唉聲嘆氣，但係我又唔知點開解佢好
聽咗咁多對於亞氏性格嘅講解，好佩服可以同佢哋相處到嘅人。
我係分手唔眨眼嘅人，我諗佢地會首先頂唔順我性格先。
4個讚