咁比較係唔岩嘅。
首先如果講公平：
你十月懷胎生個b出黎佢點樣做番同等嘅付出？冇架，佢一世都做唔到，懷孕分娩係要經歷生死，父點同母講公平？
如果唔理公平：
我係攰呀，點解要同任何人比較？
攰係一個主觀感覺only，每個人能力不同，男女體質都不同。
一個人錫你，就少少都唔想你攰。如果你老公娶你番黎預左你捱，咁你就要捱得辛苦啲佢先覺得娶得值啦！
我老公都有話過我生完之後唔洗番工，又有長老湊Bb，點解我都會病同攰，我即刻少到佢上天花板，包保佢以後唔敢再講
不過我明佢點解唔明，因為我都有企出框框望自己，所以先可以以第三身角度解釋到比佢知。
如果真係亞氏，呢個病幾乎係大部分問題的根源，好難撇開唔講，你同佢講責任，佢認為自己做得夠就end topic, 俾幾多理據佢哋都無用
但唔係齋講湊仔喎，教仔有份喇啩﹖點會只係媽媽負責﹖
就算係家務，都要有人安排個工人去做，點解一定要係個老婆﹖
而且我唔明點解屋企唔係責任一種﹖仲有生仔有晒數據係會痛，叫醫生同佢解釋囉，如果生仔唔痛唔使去醫院啦，當疴屎咁算
根本就係攞嚟講，咩責任感丫，呢啲人只係想做啲自己鍾意及做得掂既嘢之嘛，唔輸得。
畀我係你，我一定不停同佢拗。一係就係咁fing佢啲錢，然後學佢哋咁覺得佢哋搵到錢當然要幫佢哋使，我冇同理心明白搵錢有幾辛苦喎
咁我好坦白講，我哋感情係差左，源自佢無幫手理個小朋友。不過我大仔大左，佢都有陪佢砌Lego打機，有時真係我理唔到大仔要佢請假，佢都肯（不過真係唔係好多次）
咁我老公都有進步，以前佢送花次數5隻手指數得晒，到呢一兩年，佢都會特登買花送俾我。但我又唔係好興奮，或者我已經唔係好想要呢樣野。不過自從有小朋友，過時過節我都會整啲特別野，一齊食餐好，慢慢感染我老公，可能佢到有改變。
當然有啲人受硬，我就覺得亞氏保加嘅人就唔受得硬，其實同佢哋一齊辛苦，不過我都係某啲位欣賞佢
我嘅意思係，就算一個男人冇病如果佢係極度大男人情況都係一樣，有佢講冇人講。
係㗎，所以係好難頂
我小朋友仲細，好痴身，無得放手咁多住，不過我都已經漸漸將自己同佢分開左，至緊要我覺得開心，我都會買下靚衫返工著，其實我唔想俾佢太影響我情緒，佢要做自己野唔理我地，夜晚唔同我同一時間上床訓，我就索性由佢放工嗰刻起都唔理佢
佢就係大男人既亞仔，首先佢覺得男人搵錢好緊要，第二係佢套理論入面，小朋友要陪伴，只需要有人就得，至於呢個人係邊個，係爸爸媽媽婆婆定工人，什至陌生人，根本唔重要
想知你點小佢
講到生仔既公平性
佢曾經講過，唔好將生左個bb當係你人生成就，無咩值得驕傲
同埋我陀啲陣有GDM，要戒carb，所以食多左扒類，佢仲話我日日食好西好嘆
我心諗wtf? 當我生仔機器豬乸咋？
Exactly就係咁，點講都唔入
有一種，兩個人漸行漸遠既感覺
我試過focus返自己開心，唔理佢咁多，佢又唔制喎，話我唔關心唔支持佢
即係佢玩哂啦
佢啲亞記好識揀喎，專揀啲對自己有利嘅地方
假㗎，自私就自私啦
亞記黎講佢都算難搞
亞氏係咁的，無同理心，只關注自己有興趣的事，同呢類人相處過先明，好難解釋。
同佢哋拗係無用的，只要你唔係講佢哋有興趣嘅嘢，佢哋會全部忽視，結果你只會自己一個勞氣。
以前公司請咗個有亞氏嘅皇親國戚，全公司嘅人比佢煩到顛，咩都唔識做/唔肯做，又多多意見，最後老闆自己都頂唔順，終於炒咗，一天光晒。
咁當然首先要睇吓個人係幾愛你⋯⋯
如果佢其實都唔係好愛你，只係想搵個人結婚生仔，佢就真係會斤斤計較。
我老公個情況係佢好愛我，只係真係唔理解點解我會攰同病，我嗰陣又剛生完情緒唔穩定，就用好多反問句問到佢口啞啞
我老公同一般男人一樣都係唔識得代入人哋嗰度，所以我就會代入番佢嘅情況：我都唔覺得你返工辛苦喎？坐office嘆冷氣對電腦咋嘛～你以後同我呻嘅嘢我全部都覺得係能力不足啦，好唔好呀？
的確女人係唔應該將生仔當做自己”唯一”成就，如果女人剩係識生仔都幾可悲
不過我會將生仔當做人生嘅其中一個成就。
但依然值得驕傲，我會反問佢「係呀唔叻呀，不過你做到咩？」
Btw其實你老公唔係好想要小朋友嘅？因為我老公係勁恨做爸爸，為左Bb改變左好多，亦好感激我十月懷胎⋯⋯
自私到極點，雙重標準
我覺得我生到仔係人生其中一個成就黎
佢係我地全家既寶貝，係我眼中又乖又可愛哈哈
我老公未生之前無乜感覺，生完佢就話好中意個女，講到做乜都係為左個女，的確佢係做左好多未來規劃，但佢連最基本每日用心抽半個鐘陪小朋友都做唔到
大家對愛嘅定義唔同
佢肯唔肯睇research, 如果肯，定期，例如每星期，sent d 去remind 佢「父親」嘅陪伴係無可取替。內容農場都無所謂，因為只係reminder.
同意其他人咁講，睇開D，有時當自己偽單親好過，有人幫當bonus