會唔會拍好短時間就結婚﹖
我覺得你要畀返家庭責任佢，個仔佢有份，冇理由全程你湊囉
家務都要分擔做
都幾年先結，不過當年我得廿中左右，都幾細個
叫佢幫手凑，佢話佢已經返工搵錢，我應該負責凑（利伸：我都有返工但工時短啲）
至於家務有請姐姐
我分得好清楚，凑仔係父母，家務係工人，但佢覺得我又有工人幫手凑仔憑乜野呻攰
平時我係度一定係自己凑
1個讚
佢地係唔用感覺嘅,如果可以,你試吓用啲家庭研究嘅資料,說服佢參與家庭活動
如果都唔得…就…
之前試過呢招，work過一排，之後又唔work…
點先教到就要靠你多年觀察，睇吓用邊套去應付佢係最低殺傷力同最大影響到佢的方法，太明顯的「教」佢哋係唔會聽，呢類人太自我中心，一句「我覺得」就會ignore曬你所有分析
Exactly呀，不過過呢種生活已經令我非常攰啦……
1個讚
可能當日拍拖結婚, 愛情大過一切, 依家就真係見真章喇
我咁睇, 如果佢真係亞仔, 而依家因為佢嘅先天不足令你想離開佢, 好似有D奇怪?
其實A仔又好, 亞仔又好, 都可以透過訓練有改善, 不如睇吓專業人士先決定.
小朋友幾大？暫時睇有冇亞氏保加傾向？
如果有，等佢大少少，可以同你老公溝通到，你老公會肯同佢相處多啲
我見身邊有個家庭係咁，但眼見頭幾年個太太係捱得好辛苦
拍拖，兩個人既事，生活無咁複雜
生左仔，件事複雜左好多，問題都嚴重左好多
佢知自己係亞仔，但要搵到方法令佢肯睇心理醫生，做行為治療，好困難
2個讚
好細咋，得歲零，暫時睇佢都正常
不過除左小朋友同佢相處，仲有我同佢相處都有問題，佢對我越來越挑剔
你會唔會考慮搵返份真full time? 等佢無咁多野講，你又可以行開下
我可以同你High 個five嗎，完全一樣
我受夠啦
2個讚
簡直同我屋企一樣，我老公24hrs都掛住返工，咩都唔理，屋企開口埋口都係講工事，其實好想叫佢收聲。
記得好幾年前有個星期日我去帶阿仔去個地方玩，我老公又嫌多人又話自己忙。結果我喊住咁陪個仔訓，我望住個仔，突然諗點解我要個仔陪我唔開心？我即刻抹乾眼淚，換衫執好野，帶住個仔出玩，結果玩得好開心。
之始以後，我去邊都唔會預佢，佢聽到想嚟就嚟，唔嚟就算，或者我玩完call佢搵枱食飯。我當自己偽單親去湊。我明白呢個唔係對小朋友最好既方法，但起碼唔係成家攬炒，佢自己冇左親子回憶，佢自己選擇。所以我一湊二去邊都得，我朋友都覺得我好勁
34個讚
其實你識咁諗仲好，佢地真係好需要好多私人時間同空間，佢地唔係特登，但咁樣佢地係比較舒服。唔好當係嬲佢孤癖咁諗，其實你都係明白左佢之後愛佢體諒佢既表現。而你同個仔玩又係開心既，其實冇衝突。
佢地理解唔到你地感受都唔係特登，佢真係欠缺呢種能力。正如女人語文溝通能力叻ｄ，男人數理能力叻ｄ一樣道理，冇分對錯，只係各人長處不同。
調返轉諗，如果佢唔係咁專注工作，佢工作表現先會好先會搵到錢。唔係佢有經濟支持，你都冇得專心湊仔唔駛太煩錢，所有野都係相輔相成。
我有個爸爸同事生完仔之後成日Sick leave同事老細都炸形，升職加薪一定唔會有佢份。
4個讚
我份工返半日，但有ft人工，可以教到個女之餘又有啲錢，暫時唔會放棄
3個讚
攬下先🫂真係好難頂呀
1個讚
我都當自己偽單親咁架，不過我心靈脆弱啲想得閒都有人關心下
1個讚
唔係架，我都要返工架，不過我同樓主一樣，我可以早放，時間又flexible ，不過要減啲人工，所以我可以湊多啲小朋友。不過佢都嘈過一次，話我份工收入少左，話我哋開支大，結果我回佢：我唔係少你好多（最多咪差20%），我吔最大額外開支係你阿媽（事實），好彩我唔係FTM，否則俾你恰死!之後佢唔咁再嘈。
你唔開心就上嚟呻下，我而家學識扮靚靚去湊小朋友，得閒搵朋友一齊去玩。我就嚟4張，冇人估到，個個都仲以為我2X歲就生仔。好彩有我有個好工人，我都放心交俾佢，朝早我會去跑下步，而家會同細女學下琴，做一個健康，靚靚既媽媽
9個讚
我都覺得成件事好矛盾，冇盡父親負責陪小孩又點算「有責任心」呢？
但諗深一層，先唔講佢嘅病，人不嬲都只係會負啲自己想負or認為要負嘅責任，所以你先生係唔認為做父親嘅需要花時間陪小朋友，而係搵錢就夠（傳統男性思想：把背影留給妻兒）。
所以首先要令佢覺得自己應該有呢啲呢啲職責先有用。
完全明白….唔開心就上嚟放負啦，又可以搵嘢學吓，盡量轉移自己視線，務求令自己喺有限的條件下過得最開心
2個讚