侄女讀聖心，又係頂唔順轉走。
佢話如果只計學校功課唔算多，但大家對成績要求好高，所以佢8字頭都迫住要補習，而學校附近好多補習班係專門比聖心學生，佢讀果班有差唔多成十個同級同學一齊上堂，補習班有自己功課，有D堂上做有D返屋企做，結果學校加埋補習社功課就多到佢爆煲。
同埋佢果班同學好現實，邊個成績唔好其他同學就有意無意唔同佢玩，所以成績追唔上會變得好大壓力。
識揀啲成績好嘅同學玩，好現實囉，請問係小學定係中學？
其實同成績好過咩好處？
係、因材施教好緊要
小朋友谷得起又受谷一件事、谷唔起格硬嚟盞浪費、初小成績勉強谷到、上到高小都死得。
1個讚
小學喳，真係好現實，仲會比較同學住邊，我侄女會所冇泳池都可以比人笑
1個讚
十幾二十年前已經有呢啲，邊個同學經常唔交功課、測驗考試低分、上堂唔專心，唔會有人想同佢地玩，10 個有 9 個家長都唔想仔女同呢啲同學做 best friend。
咁都唔係唔正常，近墨者黑嘅思想。如果 A 同學品學兼優，B 同學讀書差又甩漏多，兩人性格都唔錯，要揀一個做好朋友，我諗大部份都揀 A。
不過真係有會比較住邊，有啲諗野細膩啲嘅，一問住邊，就大概知對方家境，如果講深水埗、慈雲山、油塘，都估到唔係非常有錢嗰隻，如果講住奧運、太古、九龍站，咁屋企都一定係有啲錢。有啲純真少少嘅會講埋自己大廈名，咁就更容易知道家境。仲有啲會問父母工作去邊度旅行，呢啲又係起底位。
有時候小朋友無意講左畀父母聽，有啲父母就會「心中有譜排高低」。所以教識仔女，其他人面前唔好講咁多屋企嘅野，畀人問住邊，最多只能夠答區分，問父母做咩，就答邊區返工。呢啲我以前都係咁，一齊讀書十幾年嘅，好多朋友唔多知我家境。
2個讚