唔係異類，冇必要比自己咁大壓力
1個讚
樂天派都係好，比較輕鬆
1個讚
返幼稚園好開心㗎，我小朋友好懷念，係佢童年最開心嘅地方
3個讚
我小朋友出年九月就小一 依家咁嘅疫情 幼稚園又冇搞分享會 小學又冇開放日 唯有上網望吓啲資料或者靠朋友分享吓資訊
都無話異唔異類, 自己仔女自己教
自己想點幫佢鋪路係一件事, 之後佢點行都未必控制到
呢個世界總有緊張家長, 有佛系家長, 無衝突仲好, 大家HAPPY~
我自己係緊張型, K1開始諗升小, K2K3儲CERT操學術預備叩門, 升小之後預備插班, 到而家插班成功讀左一段日子, 唔駛煩升中, 扶到佢到一間好中學我覺得我責任完成了, 之後靠佢自己
呢樣嘢絕對無錯
但要自己承受到結果
如果派位真係好差叩門又無人收，你會唔開心嗎？
我都係「佛系」阿媽
乜都未睇又唔緊張去睇 
最緊要無普教中, 近屋企, 校風好同埋睇中學派位.
其他我都唔太在意, 方便照顧, 佢返學用少D時間搭車, 多D時間瞓覺.
如果諗住隨遇而安，其實都冇所謂。
如果係有目標小學，咁就要做少少功夫喇。提早做準備，個心先有底氣。
為左個女可以入到間適合佢既學校，我響佢k1就已做資料搜集。因為target直私，我睇左好多間資料，揀剩最後五間，k1開始去開放日同聽座談會，所以到k2時我對果五間學校已有足夠資料同認識，仲可以提同學幾時開始報、點準備portfolio. 同學媽咪都覺得我佛系，因為響佢地討論既過程中我甚少參與，而且報既學校數目又少。但佢地唔知道，我表面佛系係因為我背後做左大量功夫，只係我拉長左準備時間所以冇乜壓力啫。
我自己都覺得我對個女係採取自然政策架，因為我揀左果五間都切合佢性格同能力，佢是旦入一間我都ok, 而且我一路跟進住佢進度，我好有信心佢最少會有兩個offer，結果成績超出我預期。因為提早做準備，連帶我個女同老公都冇乜壓力。
所以總結黎講，我覺得自然放任唔係唔得，但媽媽早少少做定準備冇壞既。因為早d準備定到時有乜變化你都有時間調整，唔會慌慌張張。
我覺得中學生活影響一個人好大，我最top priority 係要一間好嘅中學，其他諸如教學語言，學費，車程，體藝我全部都可以compromise。目標就係中學校風好，成績也唔可以太差，我同阿女都一早有呢個共識，只插真龍校，成功的話我完全唔會谷升中了。
其實真係朝三暮四同朝四暮三嘅分別，我選擇初小努力啲考插班，高小可以un un腳; 有人會選擇初小happy, 但到到高小呈分有邊個唔谷唔辛苦?
除非你有後門或者係必收學生
要諗清楚，多一手準備
我都重係觀望中，太細好難捉摸佢岩咩類型小學，或者是否有書緣。想請教下會點睇一個小朋友是否適合，通常k2後大d先開始睇到佢學習能力嗎？
我發現呢邊都有啲怪獸家長好恐怖
#啲細路好慘
K2 下學期暑假係幼稚園黃金學習時間，呢個時段你感覺到小朋友突然大個好多，對比半年前識更多野。呢段時間亦係開始報名小學，要好好把握個暑假培養學術同自理能力。
活潑同文靜嘅小朋友都可以讀傳統或者活動學校，最重要係有自控能力，識幾時要安靜專心，幾時跑跑跳跳。如果呢樣野到 K3 都完全學唔到，咁就有機會係 ADHD，要考慮避免入讀啲專注紀律同非常注重學術嘅學校。
其實唔洗知適合邊類型，你考到咩學校，就代表到小朋友呢幾年家庭同學校生活，shape 到去咩類型學校。學校收你即係覺得你適合。
2個讚
多謝詳細解釋 
下？真㗎？我以為我可以喺度做返正常人，可唔可以講多d？
見到有人話唔讀國際學校唔去外國讀書係學唔到野、安排小朋友日日放學仲要去學野補習星期六日都仲有幾場、屋企無電視果啲⋯⋯
我好朋友個女入咗聖心，第二年頂唔順轉去第二間學校。
先生打電話嚟投訴我個女成績唔好。。。 (差極平均分都有7-80喎）。個女成日喊，唔知乜嘢叫做童年。
你係乜嘢人就讀乜嘢學校，勉強無幸福。
嘩離地到。。。。。
嘉諾撒系列係咁樣，7X 分係不能接受，8X 勉強入眼。