我係咪異類？個仔今年K2，唔係咩名校，9月好彩就復課先K3。其他同學仔媽媽已經睇哂心儀小學。。。又做哂準備。。。
我就採取自然政策。但好似異類甘。。。
2個讚
唔係異類嘅，大人冇壓力，小朋友都開心啲
6個讚
最少要清楚升小一教育局係有2個階段，你幾時要交乜嘢表，知道邊幾間學校係一定唔想個仔讀，呢啲基本之中的基本。在香港升學，家長唔好完全佛系。
題外話，我好嬲我媽當年不聞不問又亂咁填升學攪珠表，亦好嬲佢原來有間好嘅學校收我，而佢因為唔太識路點去而決定由佢唔幫我入學。
4個讚
我都未正式睇喎，有幾異類？
我媽當年因為貪近第一志願揀左間南亞學校 
，不過我都冇嬲嘅
冇話異類唔異類，家家有求啫，知道自己要乜咪得囉
而家仲有時間，得閒就搵吓資料睇吓
我個女而家小二，K既時候都冇好認真上過興趣班架。不過我嗰時我哋有目標學校既，咁就搜集吓資料咁。
學校既嘢都係緣份，太執著都冇乜用。
1個讚
本來都甘諗。我覺得入到學校都睇佢自己夾到咩老師。
我都認同，太佛系都擔心影響個仔。
1個讚
你係bk咁樣嘅話一定比啲狗乸啊極權主義者批鬥你唔係好媽媽，嗰邊啲「人」係以迫死自己仔女為樂
2個讚
仲有人陪我
多謝你，感覺無甘異類
其實唔洗去果邊，依加有同學仔媽媽知我未去參觀，未揀定學校已經覺得我唔稱職。。。但問心，我地大家揀果啲都唔係明校，應該無得預早敲門。。。
當然參觀係好正常，有得先望下都好。但大家好似好有把握甘入心儀學校我就唔太明。
我就覺得暑假開始睇都未遲。。。我報咗學校尐興趣班，而家疫情就邊度都唔駛去啦
1個讚
要對自己既parenting有信心先得
其實如果成日聽人哋講就跟，咁就日日都會唔同，小朋友無所適從就仲大件事
不過，雖然我冇俾佢認真上過興趣班，但會帶佢去唔同既地方見識，例如去參加吓社區既免費活動(冇cert架)，我覺得小朋友眼界夠闊先係最重要
4個讚
你講都係。
所以有時真係無得預。
係，信心不足係重點
因為無咩同路人，覺得自己好異類甘。
但當然我堅持係令小朋友開心渡過童年就無動搖。
有同學媽媽因為停課，做學校功課外仲買左啲習作額外做，個仔嬲左佢。我就清潔自己唔會跟。
另外，你話帶佢周圍見識我都好認同。我都覺得好緊要。當然未必對學術表現有幫助，但對做人同分析就會幫到手。
2個讚
未睇+1，依家專心係屋企做教材陪玩陪學，想等疫情過左再睇小學
1個讚
同我個仔一樣
揀小學嗰陣無得緊張，我都成K3先間唔中睇下，不過到差唔多填表大抽獎嗰陣我剛剛搬屋，對呢區嘅小學情況只係一張白紙，唯有靠眼緣睇名，然後上校網逐個月抽一日睇佢手冊邊間最少功課
之後有左個名後再search下間學校咩料，知道原來唔係咩熱門名校（即係bk阿媽好鐘意嗰d）校風又唔差，就揀嗰間，順利讀完成個小學
所以如果你唔執著名校嘅，唔駛咁緊張啦
3個讚
我個仔下年應該K1
我反而唔想佢返學
算唔算異類