剛剛經歷22w小產
心好痛 有冇媽媽可以分享下經歷？
隔幾耐再懷上rainbow baby ?
4個讚
抱
1個讚
知道點安慰都體會唔到你心情，
但要頂住啊，
調理返身體
1個讚
雖然冇經歷過小產，不過我嘅小朋友都得來不易，洗左好多錢，經歷過好多次失望⋯⋯
反而喺度我冇哂希望嘅時候就突然出現⋯⋯
係好神奇架，所以交比個天，會送番佢番黎比你。
我自己都小產過但週數好細6-8w。我自己調理身體順其自然都等左１年半。
我朋友試過４個月左右突然小產，大概半年內就有左。
小產心情我明白，真係好心痛，但時間會過，好好調理一下身體，（小產要坐小月，預最少３個月俾子宮休息一下）。
有工作做就寄情係工作，無工作就搵興趣去學分散一下，做下運動月經正常身體無異樣每個月準時做功課，ｂｂ好快會返番黎你身邊。
Bb一定會再番黎架。
要有信心呀。 
保重身體，休息多D, 小天使會番到你身邊
好明白你，心裡流淚
但要好好休息，更健康的bb等待緊你
我以為個天送左份禮物比我
但呢個幸福實在太短暫
好掛住我個bb
我仲未有報告係咩事
好大陰影 而家努力咁坐緊月
好乖咁飲飽食飽
你朋友順利生出bb ma ?
好想接返我個仔
我有朋友都懷孕七個月無左。大概一年後就再有好消息，小朋友宜家1歲。
你要好好休息。我相信小天使好快會返來搵你
多謝你
知道🫂🫂🫂
樓主好好休息, 有咩上黎同大家傾下, 養好身子, 唔好諗太多, 你無做錯啲咩, 唔關食左啲咩, 唔關行左樓梯, 追左巴士, 只係BB 未 ready…
我19年頭果時送走左12週既女, 真係好傷心, 我有為佢改名, 佢永遠都係我其中一個屋企人, 當時有為佢有一年時間每日至少一餐係食素, 但因要養身子所以未能食全素, 20年頭又再次懷孕, 全程都比我陀大仔時擔心, 好驚會發生啲咩, 直到細仔安穩出世先安心, 到而家都會有掛住個女既時候, 都會想喊, 但希望果短短幾個月佢有感受到我地好多既愛, 有緣份既可能以唔同既方式再見!
1個讚
絕對係，呢樣要好清楚，唔好喺呢個唔開心入面輪迴。
因為一個開心嘅人先會有開心嘅事發生㗎
1個讚
十萬個不捨
以為過哂結構順順利利….
眼淚不停流 心好痛
但答應左bb 要養好身子
再接佢返黎
3個讚
你副偈已經開著咗，相信好快會再次懷孕
我都啱啱經歷第三次小產，兩年三次，醫院轉介去睇遺傳學科，希望可以搵到答案
你因咩事小產？ 醫生有冇講咩原因？
我都唔知呀，三次都係6w停，其中一個可能性係我年紀大，卵子質素差，不過醫生覺得既然能夠成孕但唔生長，可能係染色體問題，所以幫我排咗個快嘅遺傳學科隊