我係15w5d半夜突然穿水,個人即刻崩潰左…早幾日先產檢完,一切正常…入院第二日超聲波照,女女已經走左…塞藥排女女出來,痛死我!排完,我隱約見到有團紅紅地嘅野俾姑娘拎走左,我好想見個女,但姑娘唔肯,話BB唔好睇,睇左會影嚮下次懷孕,因為我好想生返佢出黎,所以我冇見個女。最後個報告係唔知乜原因女女要走…
我日日喊,喊足幾個月…之後努力備孕,但每次落空—即係黎M都喊一次…因為我年紀唔細,好怕BB唔返黎…
坐好小月之後我一直睇中醫睇到1年幾後再懷孕、個胎穏左先唔睇。今次呢個BB係仔,知道唔係女我都喊到癲,因為我只生一胎,今次係仔,即係唔會再有女…女女永遠失去…
生左仔仔之後,我愛死佢~依家2歲半~
BB未返黎果段時間真係好難捱,你要加油,最緊要養好身子,一定要俾信心自己同BB,佢一定會再返黎!
5個讚
睇下中醫調理下身體
謝謝你既分享
日子好難過 … 我諗起由check到自己有bb
到每一次照超聲波既喜悅
都好唔捨得
我好嬲自己保護唔到佢
好掛住佢 
1個讚
想喊就喊，唔好屈住。件事冇人有錯，衹係緣分未夠。我依家都會掛住個女，雖然覺得仔仔同女女都係同一個B，但性別始終唔同，硬係覺得好似差咁啲野…
依家你要記住BB係天上執緊野等你養好身子，時機到就會帶齊野返黎~心情唔可以低落太耐，有好心情成功機會更大~我明事實係好難做到，不過為左BB快啲返黎，盡量放輕鬆，加油!
多謝你 … 今日先過左17日
但有努力食飽飯坐好月
打算下星期去睇下中醫咁
但一到夜晚眼淚都忍唔住喊左出黎
而家等醫院批我地幾時可以接走bb
1個讚
抱抱
兩年前19w小產
不會再試懷孕了，因為對香港前景無信心
明白你嘅傷痛，俾自己時間同空間，想喊就喊。
唔係你保護唔到佢，係有啲美好嘅緣份比較短暫。你每次諗起bb，傷心之餘都祝福佢好好喺天上休養住先，等預備好再番嚟你身邊。
你地一定會重逢，抱~
唔好咁諗呀，可能就係你個小朋友第一次心大心細覺得揀錯咗性別唔想做女仔所以先從頭來過⋯⋯唔需要因為性別而覺得佢哋唔係同一個小朋友啊！性別只不過係副”skin”咋！
2個讚
諗清楚嗎？ 唔後悔就ok 
係 因為真係忍唔到
不自覺咁流出來
我要得11月尾先有報告
先有機會知道係咩原因
我會乖 養好身子再接返bb 返黎
希望佢要揀返我做媽媽