係啊，我都好明白，生左真係長憂99。
又冇得返轉頭。
宜家"自私"d咁諗，唔生，我養多幾隻狗都可以好開心，又財政自由好多。就算touch wood咁講，同另一半唔啱都可以分開得易d，我唔想為左仔女勉強同唔啱既人一齊
雖然我知道有小朋友既快樂係唔同，亦比較唔到，
但人生就係有得就有失，唔可以魚與熊掌兼得。
睇你口吻覺得你似係唔想生多d, 既然係咁，其實點解唔跟隨自己心意，反而要遊說自己要生？
生咗先知道自己唔想生~
1個讚
我吾生嘅，我不嬲都唔鍾意小朋友，有段時間仲幾討厭細路不過而家人大左就好啲，有啲細路都覺得幾得意嘅！我知自己鍾意自由自在，週圍去，好需要有自己嘅時間！雖然比屋企人鵝左好多年但我只會忠於自己想法，因為生左就要生活逆轉，受既只有自己！目前為止我都覺得我選擇係啱嘅 
2個讚
佢宜家似係已經決定唔生啦 
但當初係咩原因想生？
因為我知我同先生如果生左都會盡力做好，當中都會搵到快樂。
只係學樓上所言：
「雖然我知道有小朋友既快樂係唔同，亦比較唔到，
但人生就係有得就有失，唔可以魚與熊掌兼得。」
所以1516…
1個讚
就係依個原因！完全係一場打賭！
仲係賭終身既快樂 haha
最少都影響20年啦 
冇咩原因，當時社會氣氛唔同，老公話大家差唔多三字頭要生就生~
延續生命，係生物天性，總有好多犧牲，見到佢成長，佢每一步嘅小成就，我會話再大嘅茶煲，我都唔會後悔
1個讚
唔係好明, 點解條件有哂, 唔生係唔明智?
言下之意, default 係生, 然後冇條件先變唔生, 點解呢?
如果要唔生的諗法, 就在這.
諗唔到生嘅理由唔該唔好生，如果唔係你一定經歷唔到生完之後嘅困難。
從來都唔會又唔生好唔明智，只會有亂咁生好唔明智。
不嬲人類做所有嘢都係滿足自己㗎啦，就算係做善事都係滿足自己做好人嘅心
2個讚
你可以咁講，不過生完之後感情先變質都有機會，睇你有幾睇透另一半，幾睇透自己。
上黎開po呻老公嘅Jm，淨係睇到老公衰過一面，睇唔到自己壞嗰一面，呢啲就係睇唔透自己。
婚姻係兩個人嘅事，出事係唔會剩係得一個人有問題。另一半太衰係咪因為你太柔弱比人食住？定自己能力不足挑戰左一個太高難度嘅男人？或者係當初佢已經好衰但你都合埋對眼揀咗佢⋯⋯
1個讚
好問題。生同唔生各有好處, 我自己鍾意小朋友(真係小朋友階段)諗起一出世就要報幼稚園, 入學又要拍片覺得好誇張。唔想自己變成虎媽… 但當你生左之後又未必同我哩家既諗法一樣。相反唔生就自由D, 用錢洗錢又輕鬆D, 好話唔好聽, 留係香港都仲可以; 但生左小朋友就算一家唔移民, 都要留錢比小朋友將來出去讀書。我成日都反問自己應唔應該生
所以唔止生仔，結婚都已經係一場賭博
而且又有幾多人真係清楚了解自己，更何況係其他人
再加上人又會變，所以修成正果既，都真係要有咁上下運氣 (唔係話唔需要努力去經營)
1個讚
我自己黎緊都唔會留香港，所以先會考慮生。如果唔離開香港，我係一定唔會生，唔洗諗 
由細到大一見細路即刻彈開，一聽到細路聲就頭痛。相反見到貓狗蛇都會覺得佢哋得意可愛，我係會由個心笑出嚟被融化
我呢啲生仔只會害人，所以上天對我好好，我呢啲性格直情唔需要掙扎生唔生
3個讚
由細都大都中意玩人哋個BB, 不過我就唔會生
我認同呢個講法，亦都覺得自己自私，所以唯有盡量為佢哋準備多啲，希望佢哋行得舒服啲，同自己贖罪囉，哈哈… 其實我好細個已經有個諗法，阿爸搵錢要有人同佢洗，令佢搵錢搵得有意義，阿爸都知我咁諗，佢無表示反對~
我自己本身都無乜物質追求，唔係一個識得享受嘅人，唔容易買到開心，但係花錢落小朋友度我就會有滿足感~
我就無鍾意抱或者同人哋嘅BB玩。