我好尊重為人父母者，亦認同父母愛係偉大，不過個人唔認同無限將咩生仔係天職呀、婚姻要有細路先美滿等等呢啲觀念放大，始終最後落手落腳要面對嘅問題太多，太現實，社會狀況亦有太多考慮
對自己坦白啲誠實啲：有時唔鍾意細路就係唔鍾意，懶就係懶，想自由就係想自由，唔使為咗咩偉大原因說服自己生
我就好彩，憎細路憎到完全唔會有掙扎，唔使同我講咩生出嚟就會鍾意。但我見啲friend生都唔係為自己，只係為個社會期望、要完成婚姻個package同怕自己第時生唔出後悔先生，有乜謂？
不喜勿插
2個讚
認同，都係掙扎既原因之一
1個讚
以個人經驗同身邊朋友觀察番黎，覺得生完無後悔既媽媽9成一開始已好想生/做左好多努力去懷孕。
而本身1516唔知生唔生好最後生左既，面對湊nb無得訓，餵人奶塞奶痛苦，同老公湊b分岐，冇左自由時間，冇二人世界等種種產後問題，就會後悔同抱怨。特別大左識駁嘴同搗亂，更加後悔。
所以真心覺得如果講到生b第一下係諗到好負面既，真係要諗清楚先。
8個讚
同我差唔多一樣想法！
如果係港男，多埋媽寶
我從來唔鐘意小朋友ga，幾得意都唔關我事
但我好愛我自己小朋友
為佢點付出都覺得理所當然
所以我覺得鐘意小朋友同對唔對自己個小朋友點完全不成比例
2個讚
所以真係唔生唔知鐘唔鐘意，可能要有bb育成體驗班
上完之後意外孕可能都會少d
個人認為，如果有照顧者，夠地方住，經濟尚可，但仍然不停loop唔知生唔生BB好，即係唔想生了。
生BB同結婚一樣，要有一股衝勁先會實行，諗太耐就會得個諗止。
1個讚
生BB同結婚一樣，要有一股衝勁先會實行，諗太耐就會得個諗止。
好認同呀!!! 之前同老公傾生小朋友既問題, 愈傾愈多問題, 但有時有D野其實真係唔洗諗咁多… 就好似你話自己未準備好, 但永遠都冇一刻係100%準備好…。反而愈諗會愈卻步去做
點為之有照顧者？如果我生，我又唔想比4大長老湊，咁可能我就只可做pt，經濟上慳d冇話唔得既
地方方面就冇話唔得既, 總有地方住，睇下幾大既姐。7個人住500呎又冇話唔得，出去租3個人住400呎又得，不過儲唔到好多錢
我明係要一股衝勁，但唔想生左先後悔，對bb對自己都唔公平。
有照顧者=兩公婆有共識，BB出世邊個湊
請工人？
長老? (要問N次佢哋真係會湊，定只係口痕講吓，唔好臨生或生咗先反口，見太多呢啲case)
老婆做FTM？（經濟是否許可，老公係唔係真心支持，講到尾都係$嘅問題）
土地問題，最簡單就係有無地方放BB床（劏房真係無位放），兩三年後，有無地方放兒童床（BB床最盡瞓到3歲），7個人住500呎，父母以外嘅4個大人會唔會有微言先，始終屋企有個BB會好嘈。
唔想請工人啊
長老唔理佢地想唔想湊，我都唔想佢地湊 haha
同埋黎緊應該會離開香港，所以都係靠自己
FTM 經濟上許可，做幾年既老公都支持，不過幾年後搵唔搵得返工，做咩工又係另一個問題
如果真係離開左香港就應該少d土地問題，最多都係迫d姐，唔會有要同其他家庭成員相處問題
其實湊一個B真係唔易架
同幾個生左既朋友結論都係真係要人幫手架
你諗下得自己一個，佢痴身d你連煮飯去廁所既時間都無
有長老/工人幫一幫爭好遠
同埋自己要有心理準備無左好多自由同休息既時間
但見到佢笑就心都溶晒
我好彩BB出世有陪月兩個月
之後又有公公婆婆幫手
而家返工都安心好多
我覺得最辛苦係由BB到K3, 反而上左小學、佢會講同做好多窩心野、又大個左溝通到、我先識享受呢個小朋友（唔講做功課溫書）
我去到小朋友就來K2先請姐姐、真係好後悔唔一早請。
我係小朋友小一先做FTM, 講真、身邊好多人、一開始決定全職照顧、就好難放手、上到K又會想考埋小學先、上到小一又想跟下功課、之後三四年級又覺得不如考埋呈分試先做野、就咁小朋友中學先出返嚟。
不過你移民、又另計。
咁都要生BB
絕對係啦，人海茫茫遇到自己嘅Mr Right都好難！
成件事就係好講緣份，即係運氣。
同埋遇到爛橙嘅時候識唔識得放手⋯⋯
1個讚
有d 長輩不知幾鐘意三代同堂屈埋一齊。反而我覺得小朋友大個後如果無自己空間，屋企都唔想返。