我係好鍾意小朋友，十幾歲時已經想生至少2個，有能力就生3，4個都ok嘅。
不過人大左，見到社會咁就唔敢生咁多，諗住1個要供佢去外國都易d，預左佢大左唔留我身邊，比佢喺外地發展（如佢有能力）。而家心態冇變，預左會去外地，只係改左全家走。
當日有小朋友係不設防，有就有，冇就算，不過好好彩一擊即中。
雖然內心都好想生多1個，不過理性話我知唔可以。
2個讚
好似好多老公都係豬隊友，剩係話會陪小朋友玩，但養大一個小朋友唔係淨係要陪佢玩 
希望你加油，小朋友會知道你錫佢地架! 
宜家見到個世界咁，都真係好hestitate生唔生，唔係剩係香港，係好多國家政治都唔穩定、地球氣候亦好反常 
我諗起自己青春期都覺得好難頂 
1個讚
如果我未生，我會揀唔生，有時會有d覺得生佢係害左佢。
1個讚
你咁講我諗起有個親戚，佢小朋友仲細個陣，睇落係比較無耐性對小朋友，帶小朋友出街好大陣仗架嘛，佢都會幫手，但只可以叫做多一對手用，並唔係一個熱心既爸爸，到小朋友大個，初中左右，又發覺兩父子關係好好，比想像中親密，so…睇你點睇啦……
可能呢個爸爸都不斷學習，不斷進步 
但有d真係一直都係咁…咩都唔關佢事咁 
1個讚
好細個已經知自己對細路冇興趣, 其他人推個B過黎我都會推返佢走
同埋我認為呢個世界要值得新生命出世去見識, 先會考慮生呢個問題
唔係話想達到啲咩而生
而呢個世界荒謬至極…
3個讚
到佢出咗世，就全世界嘅細路唔鍾意都好，一眼望住佢就想錫佢架喇！
唔同孩子嘅麻煩期都唔同，其實我家大仔係超麻煩，唔識自己瞓，揀飲擇食！大d就臭脾氣，係上到小5先叫好少少，妥協多咗，佢係有自閉傾向嘅… 我地真係俾好多心機去陪佢，包括俾個細佬佢，等佢有個伴
但細仔完全無上面嘅問題！湊佢最辛苦係飲夜奶到一歲，頭半年我自己湊半夜，仲有哥考試測驗默書唔駛理，細仔要人陪讀，記性唔係特別好，所以想同佢離開
呢排覺得差唔多時候要放哥哥飛，留返d時間陪細仔成長
可能好老土，有孩子，生活多咗樂趣，亦同老公多咗意見不合
可能上天想試練我？想我見識下咩叫"天才"，總之，同火星人相處咗十多年，夠我去幫助同路人，有大仔之後，生活充滿驚喜，充實得不得了！
2個讚
如果未生我一定唔會生
我自己超鍾意小朋友，生左二個，但係所有事發生之前出世。如果俾我再揀，我應該只會生一個，雖然而家未致於會後悔，但生一個要走要留都容易搞啲
1個讚
如果你有留意番啲post樓主嘅話語間就會發現其實佢哋未有小朋友之前已經存在問題只係唔察覺或未爆煲，小朋友係加速爆煲，但就算佢哋唔生都總有一日會爆，因為根本唔係健康嘅關係
小朋友的確係會產生好多問題，但其實父妻生活日常都會有種種問題，只要兩人成熟，平時有分歧嘅時候都有理性解決就得，一萬個問題都唔係問題，都係用同一條formula解決咋嘛～
如果發現自己揀錯咗老公就真係唔好生啦⋯⋯二人世界可以少啲痛苦。
8個讚
搵到啦，生咗兩個，我覺得自己夢想成真㗎!
1個讚
所以要結婚一段時間先生，如果唔係都唔知個老公係咪好老公。
1個讚
我淨係見到狗先會有雙眼發光既感覺，同埋即刻想撩玩！
對街上既bb 零感覺，而且認為個d 成日show off 自己bb 張相既人好煩厭…
如果係自己既bb，係咪點都會覺得可愛？
1個讚
咁辛苦，值得？
我希望可以說服到自己咁樣諗…
條件其實我地有哂，唔生好似好唔明智，但點解要生我始終諗唔通，我覺得製造個生命出嚟其實都係想滿足自己。
我相信自己生既bb就點都會覺得可愛
冇生過係好難想像到(所以我都想像唔到 hahaha) 
我都鐘意狗 
之前一直都想生，仲覺得一生就最少生2個，覺得獨生好慘，但宜家人大左就多左好多野要考慮，大環境又越黎越差，我見宜家d teenager係tiktok做埋d白癡野，我都唔知點教d細路
唔一定架,有啲唔係自己想生嘅,但因為其他原因生咗,會好後悔
其實係我既親戚長輩圈子，生同唔生既都有，無生既活得瀟灑，自由自在；
生左既仔女唔見得有擔帶，就算仔女孝順，父母都要為佢地憂心，始終時勢唔好。
當我見到做人父母要咁樣，我真係會問自己係咪真係想無條件付出？講緊既係成世人喎！生左係咪真係會開心d 先？
2個讚