我講先
有一晚發左個夢，
有一個肥肥地中年男人問我。
佢：我想投胎，你可唔可以幫下我
你依家想唔想有bb?你想既我就跟你。
我：好呀
佢：咁係架啦。
之後我見佢慢慢轉入我個肚到。
感覺到好大風。
醒左之後一個問號？
下一個就中左拉。
3個讚
我無發生過。
但我都聽過我身邊朋友都會發到呢啲夢。
胎夢又有小產夢又有。
1個讚
記得有一次流產,勁傷心,因為都成形咁滯!返屋企都極之傷心唔開心,就瞓左!夢中似係天堂,初頭有樣野似係千秋係咁搖
走埋去,就變左佢瞓係 bb 床!見到個又肥又白又大隻 bb,係咁4萬口笑,無喊過!
我知我自己好想好想抱佢,但我一伸手,就無左!我係咁望個 bb,好想要,心諗係仔定女呢？着件白衫,似仔!我係夢入面係咁話我好想要!我見佢笑笑笑,永遠無喊過!
就咁隔左8個月後,中左!出左世,真係鬧極話極都唔喊,永遠都咁開心成日笑!
13個讚
我只記得我懷孕時性慾特別強
發親夢都係春夢
1個讚
我發左兩次
第一次， 夜晚有個大月亮， 好靚， 突然由我右邊飛到左邊， 同時漆黑既夜空出現左好多粒星星，月亮下面既星星仲好似粒子震動咁不停郁， 好靚。 之後醒左。
第二次， 我去左一座building, 坐lift到地下， 有個好似security 既人同我講我要去另一座building, 而去另一座building 要行沿山腰懸崖小路行，條路有一條麻繩畀我捉住作平行， 我突然雙腳無力，跌左落去， 好彩有堆稻草既野墊住我，之後醒左。
發過一次，有個小妹妹行埋黎，話係我個女，叫「美琳Meagan」，最後真係生左個女
1個讚
陀大女時發過一次，夢到個好艷嘅女人，畫面好似較咗柔鏡咁，著住紅色薄紗閃閃地晚裝長裙，佢斜倚喺張櫈度，好風騷咁，遞起隻手：喂~~ 咁叫我，當刻覺得係我個女黎
第二胎完全無夢過
我冇試過發胎夢，反而老公有，話見到個頭後面好少頭髮既女仔，感覺佢係我哋個女。
依家個女一歲，佢好多頭髮，不過後尾枕位真係相對少啲
好感動 
1個讚
正播未出世就中英文名都唔洗諗
嘩個畫面
咁大女係咪靚女or貪靚，有冇鍾意喂～～咁叫你？
1個讚
我反而係夢見我朋友有咗個b仔，之後佢真係生咗個仔
1個讚
我有試過未驗到時發咗個夢功多條蛇，我朋友話陀仔夢嚟，之後去驗真係bingo咗，不過後來知道陀嗰個係女
發夢同老公係船上望住夜空中嘅星星，突然有粒星星飛入我個肚入面，之後個cycle就有咗，而家小朋友個名有個「星」字
1個讚
無用到啦，唔啱心水
我未驗之前，有一晚夢到有個好似我老公的細路，著住跳跳虎衫, 我不停向佢叫我老公個名侷唔理我。我醒左就同我老公講啦，佢就笑我咪傻啦，繼續瞓
點知再瞓又係夢到佢著跳跳虎衫，但爬緊
我陀第2胎都係未驗到bingo前夢見蛇，不過係女
佢唔貪靚呀，唔鍾意戴飾物，算幾好樣咁
1個讚