我6周嗰陣夢見自己同一條紅色蛇做咗朋友，仲帶咗佢返屋企，結果生咗仔
仲有成個孕期都成日夢見先父，阿仔個樣好似公公，好似倒模咁
講起自己嘅親人…
我嗰個唔係胎夢，不過生咗返到屋企之後幾日就有隻大飛蛾喺我睡房窗口外面，好幾日先走，平時我好驚呢啲嘢，但個次我感覺好平安（都有可能係剛剛生完，注意力喺第啲嘢度所以唔驚），我直覺係我外婆 
（希望係啦！唔想想像係男家啲親戚，我係埋身餵 
）以前有同婆婆講過一兩次第時要投胎做我嘅bb，係小朋友半戲言咁講，婆婆媽咪都話好 如果佢做咗飛蛾，咁 bb應該唔係佢喇。雖然做延續唔到親人關係，但係希望佢過得好啦 
我一廂情願地諗，婆婆有信佛，諗起佢用咗啲功德嚟探我，我就覺得好開心
講講下流馬尿添 
夜深有感而發，sorry 樓主岔開咗你話題 
4個讚
我陀緊bb時，嗰時醫生話係仔，有一日有個夢到有個小妹妹入左我個肚，我以為自己恨女恨到日有所思 夜有所夢，最後生左時候原來係女，醫生照錯左。🥲🥲
其實陀緊時候，我仲喺屋內見過個女仔喺屋企穿牆過壁消失左
唔緊要，
我嫲嫲岩岩走果時，我6歲有一日訓午覺發左個夢。嫲嫲係廚房煮飯，爸爸拎出一碗釀苦瓜。
叫我洗手準備食飯。
醒咗發現其實嫲嫲已經唔係到呆到一呆。
懷孕夢見有一隻威猛老虎跳入我屋企仲跟我四圍走…結果去照超聲波係仔
我阿媽話如果夢見花，係女
之前坨我仔夢見有蛇，準哦！
琴晚發夢夢見有雀仔飛上我個頭到企喺度，今朝上網check話會係女，但我報告未出，所以唔知中唔中呢？
我陀大仔時成日發惡夢見鬼
有一次最真實最恐怖,夢到行行吓有嘢kick跌我,起身先見到係一個小鬼喺地下鑽出嚟整蠱我,仲係咁笑,之後我就跑,佢就追住我,嚇到醒咗,個夢好似真咁,當時仲記得個小鬼個樣
我同老公講,佢仲要好正經咁講,你知唔知啲鬼要投胎…激死我
不過依家我大仔都係一個好可愛好活潑嘅小鬼~
我未知自己有既時候
有晚夢見有個小妹妹行埋黎
無啦啦拖住我 (感覺好有親切感）
之後佢話想跟我返屋企，我話好呀！
訓醒左之後，果種親切感仍然feel 到
之後隔左一個星期，就驗到兩條線啦
不過而家仲未知個胎係男仔定女仔
2個讚
我陀到大約17、18週時，連續兩晚都發夢見到有個女仔（唔係同一個）
第一晚個夢去咗間荒廢學校逃跑咗好耐，去到操場我抱起咗個bb女，跟住轉交俾我老公抱住，仲見到老公好努力塞呀b食嘢
第二晚就見到個幼稚園妹妹，但唔記得發生咩事喇
兩個夢之後我就覺得自己應該係陀女
19週去產檢，醫生照到係女
唔知算唔算係胎夢呢
我就無乜印象自己有胎夢
但係我驗到有左前2~3星期左右
我媽夢見 我阿爺+阿麻+婆婆 (全部已過身)
其中佢見到阿爺 係我間房門口同個男BB玩,
佢望入房, 就見我同我老公係床傾計
佢一訓醒, 下意識就諗：唔通阿妹有左？
跟住無耐我就大肚
佢話佢好多年無見夢見阿爺, 通常夢見佢係會有d事發生, 但今次仲3位長輩一齊黎,嚇屎佢
1個讚