識有兩個家庭，兩個爸爸都係唐僧咁，超好耐性去同小朋友講道理，佢哋兩個家庭幾個小朋友都係受教嗰類，完全唔需要打
到自己做阿媽後，有時真係俾啲仔女整到嬲到出煙咁滯，但都會忍住唔打，覺得打真係為發洩，同埋權威受到挑戰，先會想打
不過而家呢個年代真係好少打，反而言語暴力見唔少，呢種傷害有機會比體罰有更嚴重同更遠負面影響，我自己都係受害者
1個讚
社工同我講，鬧直情係虐兒
我明白呀
如果只係普通鬧，大聲叫小朋友去做嘢，唔係戴侮辱性鬧，應該唔算？
吓，鬧都唔得？咁大個個個老闆會同佢講道理講故仔？
我哋都係會鬧小朋友（必要時），我老公又係話：如果佢由細到大都無比人鬧過，第時出嚟返學返工點算？老師一鬧就退學？！老闆一鬧就辭職？！
我覺得老公有道理，我依家都覺得公司有啲後生（唔係全部啦），一比人話就黑面、辭職，完全唔會反省吓老闆因咩事話佢哋。
1個讚
難聽過粗口系列應該唔鬧得
1個讚
所以我唔會聽嗰d 育兒文章，做個咩溫柔而堅定嘅媽媽，講經咩？！
嗰位社工對自己小朋友普通鬧都唔會，扭哂計都同佢哋講「唔該你忍耐，請你冷靜d」，超有耐性。我就真係睇到目定口呆。
等我又試下先
可能work
係得架，小朋友扭得耐就攰，就會放棄執著，開始用心聆聽。越扭得癲就越快攰，你唔需要動氣，只需要等佢攰。
我今朝先經歷咗，一起身扭計、去廁所扭一輪、刷牙又扭一輪，夠鐘出門口都等佢扭到攰？自問道行唔夠。
問題就係，當同類事件一日發生幾十次，照顧者會慢慢失去耐性，因為正常大人有其他嘢要做（工作、家務,etc), 一日得24小時，無可能每次同個小朋友磨一、兩個鐘。
2個讚
扭計我從來無用過鬧（我小朋友算好少扭）
我依家係要面對小朋友做嘢慢 同埋唔聽instruction （貪玩）
我小朋友依家K3，我覺得K2後期只靠講，唔係太work
要「加強」語氣先得
衰啲講句，同養狗好接近，係長時間嘅忍耐，一日發生幾十次，慢慢就會越來越少，唔可能 expect 兩三日就有。畀小朋友感覺係無論扭幾多次，佢扭嗰陣唔會得到任何野，又冇反應，慢慢就會縮。
我試過，見到有改善係起碼兩三個月嘅功夫，次次扭一樣野都講緊最少一個鐘，最耐係兩日。都係鬥耐性咋。由佢扭由佢癲。日日提自己咁細嘅小朋友自己都忍唔到，咪低 B 過佢 
2個讚
全家要圍住佢嚟轉
我以前真係會放棄個行程就算係返學遲都要遲
小朋友唔大唔細時有個階段叫power struggling，幼稚園校長親自同我講應該點handle，大致上係講家長要硬淨，唔好妥協，我覺得work
1個讚
弊在係佢連累到其他人，比喻係家姐因為佢遲到，咪對家姐好唔公平？
係啊！一定唔可以妥協，有左一次就有第二次。不過要全家都配合，連啲心軟錫孫嘅老人家都要。畀小朋友覺得搵老人家可以有彎轉，就會次次都用同一招。
家姐照返學，扭嗰個stay home，甚至照「的」佢送家姐返學然後佢無得返學
但當然如果係雙職家庭無工人就做唔到呢樣安排
講到尾，要所謂「優質教育」又係要錢要心機要時間
平時如果得工人or老人家照顧小朋友，父母要返工，邊有可能follow到套所謂「教育方針」，我都係實事求是咁講
2個讚