我同事，醒目女嚟。
有次俾上司讚，喊到收唔到聲，話咁大個女都未俾人讚過…
依家佢初為人母，話經常警惕自己，唔好行佢媽條路。
話唔想無咗個小朋友。
5個讚
我媽細個都係用呢個方法湊大我，細個關係好差但結婚後而家又ok, 會孝順佢，但始終唔係講心事好friend既親密。
我自己係好唔認同辱罵式教仔女，會搞到小朋友好冇自信同感受唔到家庭愛。我個陣畢業俾心機賺錢既原因就係想快d 買樓搬出黎。
自己經歷過所以特別唔認同呢種教法，而家對住仔女都係講道理既多，細既冇咁聽話就會對佢惡d 囉，但絕對唔會講埋d “你唔聽話就唔要你”, “你咁蠢架”, “有冇用腦架” 呢d 說話。
3個讚
其實，好多時打係無用嘅原因係孩子唔明白佢做錯d乜
你打佢，頂多佢因為怕俾你打，所以唔做，或講大話
而我大仔細個脾氣好壞，有自閉傾向，真係講道理都無用，打就更加無效，所以，只能慢慢教，到有一日佢自己明白，或者妥協，合作
我有無打過佢？有，當時自己控制唔到，但明知係無用，嗰時佢仲細，未做評估，到我同佢做咗評估，我只會怪大人唔好，唔會怪個細路
1個讚
我都由細到大想離開屋企，我阿媽冇打冇鬧冇侮辱，但好恐怖，佢全世界圍住啲仔女轉，我中學講電話佢會喺分線偷聽，上廿歲佢接受唔到我哋大個，連我哋去旅行都發癲，佢只係覺得自己好慘好慘為頭家犠牲好大，但我就最唔受呢套
我有時寧願佢打我好過，嗰種道德勒索同閉路電視式追縱令我永遠都同佢傾唔到偈
佢問我點解唔生B，我好想答佢︰我淨係諗起你呢個阿媽我已經唔敢生
唔使懷疑自己，嗰d 育兒嘢睇完就算。
1個讚
無錯，果啲育兒文章講嘅都係理論嘢，根本就唔係每個小朋友都應用到，睇完當增廣見聞就算
1個讚
獎罰分明較好…
完全鬧得, 大個返工唔知點算
我都無打過自己嗰二個小朋友，但鬧同喝一定有，得大嗰個都仲可以溫柔啲，二個一齊就真係搞唔掂，但我承認我嗰二個係算乖同靜，我見我朋友有啲勁活躍，真係叫唔聽
可以同小朋友講道理，佢又聽話又有改善，基本上我覺得係唔需要用到體罰。
當然有啲小朋友你講到口水都乾佢都當你耳邊風係都要玩野，打兩野點都要既。
但我接受唔到小小事一句起兩句都無就體罰行先，有時見到啲人咁做，我覺得個小朋友好慘。
明白家家有本難念的經，旁人唔會知個小朋友係家長眼中佢係幾咁難教幾咁小惡魔，所以只能講我小朋友係幸福或者我遇到一個聽教既小朋友。
我唔會打，但會鬧同喝，因為唔大聲我真係如空氣透明。
通常叫第一聲都係正常語氣，第二次開始煩燥，第三聲就暴龍上身，佢哋就會雞咁腳去做，可能旁人眼中我都好變態
2個讚
係喎，得一個時好湊好多（無論大或細），可能少咗兩個人鬧嘅無聊交。不過我都盡量兩個一齊帶，亦會盡量懶，叫佢兩個互相照顧。
我都係咁喎，我係數一二三，多數數到二佢地會驚，急急腳去做
係，二個一齊坐係度都有野拗
個仔5歲幾，從來冇打過。
我覺得你一個字：型
我屋企人都冇打過我，
所以我諗我唔會打
Vanessa Mae 咁
係好有成就，但最後反面
或者面和心不和
1個讚
呢個我記得，佢真係好慘
細個比阿爸阿媽鬧到儍打到癲，發現呢個方法根本冇作用，完全唔明白點解要比人打，好多迷思自己究竟做錯啲乜？
好多年前個仔二歳左右，一次誤會大大聲鬧錯佢，佢當時個驚樣到而家仍然歷歷在目，真係好後悔，諗起已經眼濕濕。
而家就算激氣都盡量同啲小朋友講道理，解釋原因，講比佢哋知我嘅諗法，大家平心靜氣，暴力除咗令人驚，好似冇咩作用⋯⋯
4個讚
鬧算唔算題罰？？
我小朋友會比我鬧到喊，因為我真係堅惡嘅
我老公話我鬧人嗰種，當事人個腦會空白一片（因為佢都會係當事人之一）
但就真係唔會考慮大小朋友，因為覺得咁樣好無文化
個個都話我小朋友乖，相反我知道某d會比家長打嘅小朋友係特別曳d
我都好想知道究竟係因為「越打越曳」，定係曳先打？