雖然呢一代都話唔好打小朋友，要用說話溝通，但其實真係好睇小朋友個性，當然唔係要好似舊年代咁用棍用藤條，但有冇人真係可以100%用愛與理性教導而又成功？
不如掉轉諗吓
有冇人會靠體罰成功教"好"兒女
而小朋友又冇心理/精神創傷?又會同父母關係好好?
8個讚
人要面樹要皮，我覺得體罰都唔好當住外人面前囉
唔好覺得做錯事嘅細路=唔值得有尊嚴
好Q憎人當街打罵細路
8個讚
我小朋友4歲，我未試過體罰，唔敢話自己用愛與理性咁教導佢，因為我理解小朋友做錯事係好正常，因為佢哋真係唔識唔明白，扭計亦常有，但只可以溫柔而堅定咁俾佢知大人嘅立場，我相信小朋友要有足夠嘅安全感先會聆聽大人嘅說話。完全諗唔到體罰有乜嘢用，除咗令小朋友痛同驚之外，唔會令小朋友明白是與非，不如等自己同小朋友冷靜下，再慢慢解釋俾小朋友知道前因後果仲好。
2個讚
我相信有。
覺得係睇小朋友性格+父母教育方法。
我自己係純粹唔捨得打仔而唔會出手。
拿體罰同溺愛係一樣，雖然兩個極端：
你用暴力&金錢解決問題，你個仔女大個亦只會依賴呢兩樣嘢解決問題，亦會對誰大誰最惡呢個行事準則根心蒂固
簡單嚟講：某國同某特區政府
我自己就從來無體罰小朋友，而家大個無話特別反叛唔聽教，罰有好多種，體罰係最傷大家感情
1個讚
睇性格，睇點樣打法，有啲出爐鐵唔打唔生性。
打仔唔係為發洩，係冷靜咁打，
我以前返教會中學，最頑皮嘅學生日日都被神父打，廿年之後返來多謝神父，Father 話當年就咁趕佢地出校一定學壞，所以留返佢地打到上中五畢業。
3個讚
我見過有
佢阿媽話冇打，而佢個女係堅聰明嘅
我反而想知有無人可以完全唔鬧，我每次睇到d育兒文章都有d懷疑人生
5個讚
好難一概而論，我覺得係因材施教。
1個讚
打係會令佢嗰刻驚你，佢達到你嘅目的都係因為你逼，條橡根拉得緊咪反彈囉，只有講道理同身教去點通佢先能夠真正解決問題，大人自己都係㗎，叫你改你會改咩？所有改變靠自發性去進步，打只係一時，到頭來可能效果又冇，仲唔同程度地添加恨
3個讚
我大個個極少鬧，9成時間都係平心静氣講道理多，好乖。個陣同朋友傾養兒話題都有講下覺得打同鬧係冇用。
但至從生左細個個，就發現根本個個小朋友性格唔同，佢係欺善怕惡型。雖則冇體罰過，但有鬧。
不過我覺得點鬧法都有分別既，係人身攻擊踩低小朋友自尊，定只係板起面孔咁講道理，情況都好唔同。
5個讚
你個例子好好
我個仔係一半半，道理一半半聽，有外人係度會易講少少，但係某d位係等到你爆先收手
真，衰d講有d小朋友真係唔見藤條唔流眼淚，獎罰都冇用，好迷茫
有冇睇過虎媽的戰歌本書？佢好變態用恐嚇同辱罵型式教女，但又好出奇地2個女大個都好正常同屋企關係又唔差，我一定唔會咁做，但有時真係好難捉摸
1個讚
唔會，最多只係打下手板。
打左第一次，小朋友就會學識還拖，甚至覺得解決問題其中最佳方法就係暴力。我唔希望自己老左之後我做錯野，或者小朋友生活遇到難題，第一時間就係暴力。
同埋發覺就係我自己細畀阿媽日日打都唔見得有效，打人咁動氣又動力，我要慳返啖氣 
1個讚
我同事，係被打到無感覺…
不論邊一科，低過95就打，佢話自己係由反抗到坐係地任佢媽打。而佢爸爸係坐係梳化食花生。
但佢成績好，父母唔會讚一句，只會冷言冷語話佢成績好係應份。
打到17歲，離家出走後再無聯絡過父母。
6個讚
咁我地呢度都好多人打大，但對父母又唔會差。
虎媽出書本身係希望其他人唔好學佢，佢個女都話細嗰陣關係麻麻。小朋友好快長大，肯痴身攬你錫你嘅日子唔多，等到佢感激你孝順你嗰陣，可能已經係讀完書搵到工唔需要再痴住父母。趁小朋友仲細可愛痴身嗰陣多啲留美好回憶。
我都聽過本身讀到書嘅都被打到離家出走，跟咗d壞朋友覺得搵到存在感，其實係好可惜