成日見人搵紮肚，網上有一堆紮肚人既分享。
但好多都好似只講好既一面，無講辛苦，有幾辛苦，同邊到好L辛苦個一面俾人知。
每個人紮肚感覺同身體反應都唔同，我只係講我個人感受，唔代表所有紮肚都同我一樣。
先講下辛苦啦，
夏天紮，熱死辣辣紮到成隻稯咁，仲要差不多日日出街，都咪話唔難受，加上疫情平時一返屋企就要即刻沖涼洗頭，紮住個肚要捱８個鍾先可以沖涼有啲難頂。
邊到最L辛苦同痛
紮住個肚對我黎講無咩問題，基本上係屋企活動我可以瞓得坐得行得同食得。
但講到要出街，我完全可以用地獄黎形容，初初行無乜野，行左半條街咁上下既路，就開始黎料，紮住咗既盆骨令我每行一步都勁辛苦，三十步就要停低休息，仲慢過啲八十歲老人家，平時10分鐘路我要用多一倍時間去行。
差不多紮到一半日子，其中一邊盆骨損埋，要貼住膠布同加厚墊捱埋個幾日。
仲有一樣，上網查過紮肚會迫出粒痔瘡，真係我的天呀～～～
點解啲youtuber 無人講既呢。
唯一一點youtuber 同其他人講得無錯既係，紮完6-8個鐘後解除晒啲帶係最舒服最舒服個一刻同見到成效。
大家有紮過肚都可以分享下，等多啲人知了解多啲。
咁你有冇後悔紮？效果點？
我紮咗5日，個盆骨位啲皮膚都損曬，同埋我仲未見到效果
我見好多人學去紮，其實有冇用？
我朋友對佢啲布敏感
超大範圍咁起疹 一條條虫咁
我係12月果時紮，連續紮左10日。岩岩紮第一日，請容許我咁講
感覺係比錢買難受
第一日紮完，唔係好郁到，就算郁到都要就住就住。坐又要就住，去廁所當然都要就住就住。要抱bb 果下，真係要頂硬上
紮完10日，係有番腰線條出黎既，因為紮肚師日日都係咁按肚，又紮住。紮肚師都有叫我，紮完肚，keep住戴腰封先keep 到腰型。當然，我有keep 住用腰封一個星期左右
我紥嗰陣就冇乜出過街嘅
我覺得紥完嗰陣真係幾work 話哂每次都會同你推肚
咁啲風呀屎呀都易排哂出嚟
但我覺得難頂嘅係坐 個個都話坐到
係勉強坐到嘅 但一啲都唔舒服囉
去廁所仲麻煩 真係會連廁所都唔想去
同埋而家太多人一學完就幫人紥
價錢係可以好平 但work唔work真係好難講
奉勸大家想紥嘅話 比起價錢真係最緊要睇before/after圖
就算平 如果捱完5-10日唔work都幾想死
無後悔，我紮左2日就見到效果。
我係紮10日，紮到最後一日都有啲唔捨得，好想紮多5日，但一諗起行路個種痛苦就放棄左呢種諗法
應該條紮帶dirty？
你朋友紮肚有無打塊大紗巾墊底先開始紮？
無錯無錯，我都有呢種諗法。
咁我想問戴腰封要戴幾多日？同每日要帶幾耐？
亡國果邊好多打手， 成日自問自答
你係好肥定瘦？
因為紮肚係將腹直肌泊番埋（唔好分離得太嚴重）
咁我舊腹直肌紮到最後一日先知有泊埋。
肚腩啲肉無消失但會感覺到腹肌有力左（縮肚會感覺到肌肉有用力實的的）
我覺得已經係有成效。
我都有睇過個邊。但好多都係宣傳。無詳細講難頂位同youtuber 講既差不多。
唔明點解無人講得再仔細啲，係咪怕嚇到無人去紮肚？
所以亡國果邊有9成都係宣傳，好鬼得人驚， 一寫唔好或者講真實說話，就比admit刪除， 所以看唔到真話
紥肚師話我腹直肌分離得唔嚴重，我係希望盆骨位收返啲（上一胎生完之後個pat pat越來越大），紮完嗰日係好啲，不過weekend有2日冇紥又變返原形
我只係睇人相片比較同我自己比較…
紮肚有個徒手恥骨閉合，我見人地做多幾次好似減既cm都比我多少少
但你想知盆骨再修細啲關唔關呢個可以問番你個紮肚師。
有樣我都無提，紮完第十日度尺啦，同day1比較三個圍圈數係細晒。
但過左幾日後，自己再度……我度唔番個尺寸
我又唔記得咗話要戴幾耐，不過我冇咩恆心
但就記得講過，訓覺果時唔好戴
我覺得係貼錢買難受
紥得勁緊 坐又唔舒服 訓又唔舒服
果陣仲要湊住初生BB 埋身好高難度
但紥肚師話係要紥咁緊先有效果喎
做左十日結果係有收窄左腹直肌
但外表睇落就冇乜變化囉
同埋啲布搞到皮膚出疹
⋯⋯我覺得係幾差嘅經驗
我個紮肚師無叫我戴腰封。
但我睇coffee產後練復直肌有段齋講既片佢都有紮肚後繼續戴腰封。