利申，無紮過，但我問過婦產科醫生，佢哋話紮肚無用，紮得唔好仲會受傷，所以唔好搞咁多嘢。
生完BB根本就要長時間比身體恢復，無得心急，好身材係要靠飲食和做運動。
2個讚
識得有人花左大筆錢扎咗10幾次都無效，嘥錢得來仲要次次難受，不過我諗都應該有啲人係真係有效嘅，我就唔join啦～
1個讚
係就係有效不過有啲係假象，只係收咗水份
問醫生就最好
1個讚
我有恥骨分離問題 生完恥骨都仲痛到要做物理治療
醫生就話可以試吓
但唔會紥完肚就冇事
佢話生完冇耐啲骨仲有走盞位
紥嗰陣係會痴番埋 但你除咗佢又會鬆番
所以紥完其實都要勤力著腰封先得
物理治療師話紮得耐肌肉會無力，叫人唔好試 
有按肚應該無呢個問題~ 唔按肚淨紮先會有呢個問題 (但我問印尼姐姐, 佢都無按肚就咁紮, 個肚好平!)
紮完肚最好訓係度唔好郁~
因為易走位
所以都係坐月時最適合做
紮完覺得簡直係貼錢買難受
紮肚期間已經唔敢出街，一來怕熱，二來紮左後大髀好卑，髀到行企都痛，盆骨皮膚又損又痕，又胃抽筋
唔知係咪手勢問題，肌肉係實淨左，有返少少腰線，但盆骨收唔到好多，紮完由大水桶變啤梨形….
10日完全係度日如年，真係冇下次……
真實經驗多謝分享
唔係咁多人會分享唔好既經歷
因為提起都唔開心
我都係咁覺得！！
真係比左錢，自己又辛苦
我第二同第三胎都有紮，第一次紥出咗事，我feel到個紥肚師亂Q咁嚟，紮得啱唔啱我唔識，但按摩都感覺到佢亂嚟，所以紥咗3次就叫佢唔駛再嚟，後尾又再搵過個，情況好好多，有D感覺係難受少少，同活動能力真係差D，不過反正坐緊月，皮膚就夏天坐月果時紥真係好痕，不過未致於敏感。效果係滿意，雖然屋企人話生完做運動一樣得，不過無辦法，自己懶！
你坐緊月已經紮得啦？
生完一個月先開始，同埋我坐100日
可以pm我