見你強調「林」
樓主性格係咪冇咩自信，唔敢企硬？就算道理係你嗰邊都唔敢反駁？
如果單純係工作上嘅困難，我覺得你可以向他人取經，冇人一開始就識處理嘅，當你成功左幾次就有自信架啦。
咁講啦，香港咁多人做緊服務行業，呢啲問題都肯定唔會得你有，我以前工作上都見過好多似住自己有錢反而想貪小便宜問你拎好多好處，你唔比就會發癲大叫咁⋯⋯我都係向同事取經，handle得多就會熟能生巧。
1個讚
如果你冇做錯，就算比人拍片都唔洗驚，啲人只會讚你EQ好。
唔好咁絕望，如果有能力的話，空白期幾耐都問題不大，我細佬係做電腦program，佢試過空白期6-9個月都搵到野做。
1個讚
補充返
仲要因為呢個原因(驚面對麻煩客而唔敢做/搵兼職)令人地當你係懶/唔想搵工先慘(唔同見工照直同人講咩)
搞到見到人直頭想搵窿捐 完全唔當你係人 係其他人眼中你連垃圾都不如
總之作為食物鏈最底層 根本冇發言權 無論你講咩都會俾人x/搵到位入你/當你onx/講廢話 甚至連呼吸/食飯都係罪
試問咁既處境仲點可能抬起頭做人
搵唔到正職仲點可能有自信
總括黎講
係空白期/無業係香港就係一種罪 係其他人眼中根本就係垃圾/過街老鼠
雖然好多人把口話寧願乞食都唔做黑警(其實你唔做大把人做 而且排長龍) 但事實上空白期/無業係香港人眼中先係真正垃圾/過街老鼠
1個讚
搵工不嬲睇彩數，我覺得睇埋命數，都係撞彩多
唔係喎，你係講緊已經返緊工嗰陣(先會有衰客？)喎，有工返都抬唔起頭做人？
我係舉例+講如果+指出有可能發生既事
可以再詳細爬文
(另外再總結個人感受)
簡單黎講
即係呢個原因(例如麻煩客)係造就/延長空白期/冇做兼職既主因+成為搵長工最大障礙 最後見工當然失敗收場 然後俾人覺得係懶/唔搵工/垃圾 結果情況只會無限loop/惡性循環 搞到抬唔起頭做人
時間一長(當然以年計) 睇怕想唔自殺都難
希望我冇講到199
香港唔得咪去第二度囉
你咁諗只係你未搵到工姐 個個搵工嗰陣都係咁灰㗎啦
搵到工就會好
有幾樣嘢想覆-
- 社工，輔導呢啲唔一定係藍。我識好多社工朋友，全部都好有心。黃藍同呢個社會一樣，你行出街第一個見到嘅唔係黃就係藍同港豬，只係睇你好唔好運。
有人會覺得佢哋講每一句說話都係有目的，想你點諗點諗，我去輔導之前都有咁諗過。但係有啲事情，即使你自己諗過好多次，由第二個人把口講出來就係會有唔同效果，同埋有第二個人個眼界角度都未必會同你一樣。
見完社工同輔導都係冇用，因為失業就係失業，可能佢哋會介紹工作機會（都唔一定會），不過見成點係你自己嘅事。唔知你有冇睇調教你MIRROR，見完（好嘅）社工同輔導就好似個節目咁，所有野都冇變過，但係個心入面好似有啲野唔同左。
不過呢家野同睇醫生一樣，都係人夾人同埋社會資源嚴重不足。
- 公司點睇空白期
其實把口係你度，人地問起你解釋到就得。就算你工接工，人地問做乜揾過份工，你答：「因為驚面對麻煩客而唔想做。」我諗都冇人會請。香港呢兩年嘅環境，失業一兩年嘅人都唔少。
如果你係唔做PT都生活到咁做乜要去辛苦自己，唔做PT咪唔做囉。人地問你大可以話「我想俾自己休息下」「暫時冇經濟壓力所以想停下陪下屋企人」聽落幾咁陽光幾咁正氣呀。
你可以覺得自己係地底泥，但係唔洗話俾人知架。你知道你係仲想揾野做，仲有目標架嘛。有空白期係事實發生左冇人會理，人地見工只係會睇你講嘅原因。
大把執倉請PT一定唔洗見客。再唔係做步兵都唔一定要CS，你有冇見過啲車手串到fing瀉哂啲野之後留一句自己同CS講啦就走左去。個客同驚過佢呀。
3個讚
同埋有樣重點就係當你冇收入/錢自然需要靠屋企人生活/拎綜援
而普遍大眾最睇唔起呢種人(最慘連屋企人都會咁諗) 話你有手有腳點會搵唔到工+擺明就係懶/搵藉口
直頭覺得你係垃圾/廢人 甚至衰過強姦犯
所以當一俾人問到平時點生活就好驚/想搵窿捐
覺得自己好羞恥 根本同苟且偷生冇分別
覺得羞恥咪去揾工囉, 咁你而家覺得要做果啲PT慘過羞恥嘛。
其實拎到綜援都係好事呀, 交咁多稅想拎少少都冇。
因為麻煩客造就空白期一開波個心態已經諗歪左
你要接受：返工係求財唔係求開心
就唔會有下面一大抽雖然如果但是！
“如果佢地真係幫到手
相信全香港都唔會有人失業/自殺”
既然你有唔好既經驗, 都唔一定要揾人幫手架, 唔想揾咪唔好揾囉
但我聽完之後真係覺得對有心做野既人好唔公平
所謂專業人士, 都係想幫有困難既人做到自己幫自己
自己冇動力幫自己, 所有野都覺得係人地問題, 可以expect人地點幫你呢?
利申: 每份工之間都有空白期
完全冇影響我揾下一份工
1個讚
因為真係唔關事麻
我d舊同事經濟差被炒有啲可以即刻搵到份更高人工，有啲空白六個月先搵到，都係加左人工既
我係極端例子，空白3年都有offers…（都係加人工同benefits）
但我唔會諗呢啲嚟define我人生係咪成功/玩完囉
更加唔會比3唔識7既人（佢個例子係客）影響自己人生決定
其實見工係好主觀 見工者悲觀多BS好難合眼緣
先要改變自己心態
心態決定高度
2個讚
樓主報erb課程讀下先,有津貼收仲可能會介紹工俾你
1個讚
係架, 其實空白期可以做好多野
好多人都會上堂學野、做下義工咁
就算我去旅行去玩都係增廣見聞, 睇下見工個陣點吹啫
冇人話空白期=坐係屋企R腳趾=一事無成…
太多借口真係唔會令件事有好轉
拿、如果用份工好多麻煩客呢樣野嚟講
咁可以選擇一啲唔多對客嘅工、不過要付出勞力同埋要有特別技能。
例如跟車、例如考個水電牌學做維修、唔怕辛苦去學紮鐵、學廚、一樣揾到食。
4個讚
睇到你呢句我覺得好正面
我應該要做ftm到小朋友中學先可以再做野、到時會有五年空白期、希望仲揾到野做
2個讚
可以趁空白期去進修／考證書／創業
可以報讀ERB再培訓課程，唔使錢
1個讚
路係人行出嚟既，唔好浪費左時間係度空想
服務性行業一樣有晉升階梯，一樣有人做得好，一樣有好客，無野係絕對
4個讚