同意
Interview就係咁
好多時夾硬搵位入去挑戰你
但好多時都唔係Focus喺你個答案上面
你答得大體 言之有理同樣收貨
3個讚
其實challenge 見工者，睇下應對係hr本身工作之一，見工技巧。唔好太上心。
至於真空期，
中間可以做義工/講話屋企有事。
坦白講，見得成一份工雖然有運氣，但如果幾次都未必得，可能有可以改善嘅地方。
既然知道自己某地方(例如語文/說話技巧)可以改善，不妨係真空期努力下。
連登仔或者同你可以圍爐，但最後請人嘅係hr.
5個讚
老實講真係曾諗過自殺
但又冇勇氣去死+覺得如果就咁死就真係人生已完 亦唔甘心就咁game over
所以最後先放棄呢個諗法
唔好唔好，人生唔係以工作define自己
空白期你解釋得到解釋得好，唔好比人覺得你覺得自己懷才不遇最重要
5個讚
其實你係咪有抑鬱病呀？個人愈負面，散發個氣場愈負，愈難俾人請wor…你好似我以前絕左交既好朋友…簡直一模一樣…
係有呢啲公司、但我自己嘅經驗、正常嘅HR都有唔少。
你都知自己不斷放負
咁樣好辛苦
講吓搵工先啦，空白期點都會比人問嘅，我選擇講真話，之後都搵到工丫。
試過講番因為屋企有事，又試過講因為之前搵工嘅都唔夾所以無take 到offer，亦有因為裁員，正面解釋番就ok。想再好啲嘅可以比對方知道自己空白間都做咗啲嘢增值。
又唔使一嘢就覺得對方針對自己。
其次就係搵到工包做一世呢點，好多人自己做一份工都唔保證會留喺公司一世啦，有好工都可以跳糟
平常心啦，無咗就搵過，又餓唔死嘅。
我上年公司都裁員，無工開一個月先搵到份唔夠一年嘅合約工，中間番兼職囉，再到今年中先搵番長工。
裁員算係咩程度嘅打擊，自己定義嘅啫，睇開啲~
加油啦
4個讚
個問題係你出嗰兩個post都係自己堅持己見自怨自艾，覺得好似成個世界欠左你咁。
第一個post，好多人已經俾咗唔同角度嘅答案你去思考，點樣可以答得好啲爭取機會攞到份工，但你一概不理，繼續覺得全世界嘅藍僱主一定會針對，然後就喺度賴呢個原因所以搵唔到工。
到而家，你又喺度賴點解啲人咁樣問唔俾機會。我自己請下屬見到空窗期都會咁樣問，有人會好似你咁樣覺得係完全唔出聲等運到，已亦都有人好積極咁答呢段期間自己進修 / freelance / 義工 等等而學到啲乜嘢，將來可以點樣apply 而幫到我手同呢份工。
我最後都有請，就係因為佢個態度積極。
你與其喺度覺得全世界欠咗你，不如你自己諗吓你要一路做失敗者，定係睇吓人哋點樣成功啦。
3個讚
睇曬，以為入錯情緒病群組 
有合理解釋都空白期就得啦。
認同！
曾經有位前輩提醒我，去見新工時唔好講舊老闆壞話！因為人地只見到你投訴同不滿既樣子，見唔到前老闆，所以令人有不好印象！（以為你係麻煩友，啊吱啊左）
最多咪講人工唔夠好、福利唔夠好，想學習新野之類！
2個讚
我亦同自己講過
如果有朝一日真係咁好彩搵到工
一定會提醒自己好好珍惜(話晒得來不易)
同時亦要提醒自己有機會隨時被炒
雖然未知下一步點規劃
但依家呢個時勢可以話今日唔知聽日事
已經唔到我諗
請原諒我咁消極
呢樣已經證明你自己都係同一類人，用「幸運」去抹煞成功者嘅努力，同其他人睇結果去話你唔努力有咩分別？
他人成功唔會完全靠運氣，因為如果冇隨時準備好，機會嚟到都捉唔緊
努力過後唔一定會成功，但成功背後一定有努力支持。
呢個諗法不嬲都錯，傻嘅先會咁諗
絕對同意… 態度積極, EQ 要高… 如果唔係就算你識飛… 都未必有僱主會考慮… 因為請咗你, 會影響其他同事…
我有諗過，可能 HR 都唔知有咩可以問，求其搵位入，答得到就過關 
咁耐得一次係見工直接 in 老細，但佢擺明為難同羞辱求職者，問其他求職者佢哋都有同樣對待甚至係人生攻擊嘅問題。呢啲「點解 jumpy/空白」都還可以，你講得到就得。
其實你只係希望係網上搵到野黎認證你心底既唸法，將你所有既失敗歸咎空白期，等你可以繼續唔進步無改變。因為承認自己唔夠好好難。如果你將自己擺係受害者心態， 即係人地問空白期就係「針對你」既話，你就限制左自己跳出呢個惡性循環。無人可以幫你解開你既心結，除左你自己。
其實面試只係睇你識唔識應對challenge同埋有無準備，既然你知道自己會被人問，咁咪可以唸個正常既理由。你話對人工期望唔高，但係人地都唔請你，公司出糧都唔係做慈善，有要求問仔細都好正常，你有prepare過面試，show到有能力有熱情，唔會永遠都搵唔到工。有誠意=/=一定會請你，因為人地會睇你能力、人既感覺match唔match，呢d野都睇運氣。
求職失敗係每個人都會經歷既野，mindset應該係「點樣可以準備得好d、印象再好d」，令到人地好想請你都係一門本事。無人會想請一個負能量既員工。我相信除左空白期呢個問題，你肯定有好多野可以improve。努力=/=一定得，但係一條路唔通就搵第二條，進修又好，就算考牌做看更又好，其實做咩都搵到食，但圍爐就一定唔得。
7個讚
認真的，樓主你似乎有情緒病，我有中同好友有情緒病，她的職場際遇就係好似你咁唔好彩，不是做唔長就係有空白期，但我都知歸根究底其實一部分係因為佢嘅自身問題（她雖有情緒病，還好事無大小都會打畀朋友舒發情緒，所以她幾個老友包括我都好清楚她情況）。慣性放負係會影響工作表現的
1個讚
真心，無人鐘意係咁放負嘅同事。
我公司嚟左個好負嘅同事，日日喺度嘆氣…
樣樣嘢都彈咗先…
連食飯叫外賣，連續幾日，日日都講自己嗰個難食啲，人哋嗰個份量大啲好食啲。
第二日大家調轉咗，人地叫咗佢琴日個餐，佢都會覺得人哋嗰個係好食啲
明明嗰個就係佢琴日嗰個…
返工係好攰好辛苦，但係聽埋咁多怨言就更加辛苦
疏遠呢啲人！唔好接收佢啲負能量
香港既職場文化有啲公司都好畸形，其實某啲HR 真係好唔專業，只係向應徵者落井下石，不要太介懷佢地既說話，盡左力去見工就算，有時搵工都好講運氣人夾人緣。
我都失業左9個月先搵到工，有比人問點解咁耐無工作，我會答佢疫情下既影響搵工確實好難，再加上自己做果行係香港真係委縮要轉行，要比到interviewer 知你好有熱誠係果份工，就算無工作經驗都肯學肯試，其實都關乎你既presentation skills, 睇你識唔識包裝自己，做定功課去面試，上網有好多參考，其實有啲interviewer 都想睇下你既應對能力同測試你EQ，有啲係唔介意白紙，每次見工都吸取經驗睇下自己有咩不足下次改善，見得多有自信心會越來越好。
同埋不時要增值自己裝備自己，能力負擔到咪讀下書學野，就係唔讀書都可睇多啲書去增值自己既知識，做好兩手準備。
樓主會唔會太過負面呢?
我覺得天無絕人之路
努力呀