(有冇人可以幫手share呢篇文上fb/連登/推上報 同埋亦希望有苦主圍爐)
無奈地，現時香港幾乎所有僱主也非常介意應徵者空白期/無業（最奇怪的是申請聲稱「無需工作經驗」的工種也難逃被追問空白期的問題），但問題就在這裡，除非你剛畢業後就能在面試「1 take過」被取錄，否則根本無法避免空白期，而且時間一長/運氣不佳/未能「1 take過」的話，日後基本上亦難逃被僱主盤問空白期的問題，面試結果當然是「凍過水」，而此情況日後主要不斷重複，造成惡性循環，久而久之亦難以翻身，基本上已被認定「人生已完」，亦因此被家人標籤為「不務正業」/「不求上進」/「懶惰」，而更想不到的是，連朋友也不理解自己的努力/苦處，並站在道德高地說教/謾罵，這亦不禁感到心寒，亦覺得除了自己外，基本上身邊絕大部份人也被社會/制度完全同化，不禁感到很悲哀，亦逐漸變得很害怕在街上重遇舊同學/老師，因為擔心被追問近況，例如是「你現在做什麼工作？」一想到這裡，內心就變得敢怒不敢言，即使對方未必有惡意，但內心還是認為對方有意無意地在自己的傷口灑鹽，不禁心想，「你有工作不一定是因為你有能力，反而是你的幸運，並不是必然」可惜身邊所有人從未有理會/聽取自己的聲音/想法，並一面倒地指責自己「不努力」、「搵藉口」、「賴地硬」，但老實說，事主的努力你又能看到嗎？看不到不代表沒有努力！況且情況許可的話哪有人會希望自己沒有工作？可惜很多人也不明白這簡單的道理，難聽點說，就是「不見棺材不見眼淚」，應該說即使事主真的有錯，但又是否代表整個社會/制度則完美無缺？試問這又與「廢老」有什麼分別？
結論就是，作為食物鏈最底層，即使你怎樣努力，即使你的說話多麼真誠，也不可能感動對方，相反只會當你是白痴！甚至連得到基本的關心及尊重都成為一種奢侈！
1個讚
實際上亦有唔少香港打工仔空窗期後可重返職場，個package 仲唔低於以前。
樓主，見你開既post 都好負面，你係咪搵工遇上困難？你要既可能係搵協助，唔係圍爐放負。
又，要post自己post la, 呢度d人唔係羊。
5個讚
香港最好笑係當你有空白期就係咁問你點解唔做野 直頭當正你係犯咁審
好喇當你有做野/jumpy(例如長期只返pt/炒散/臨時)就問你點解轉工/唔做正職+覺得你唔穩定 情況都唔好得無業幾多
心諗 公又係你 字又係你
講晒啦
點解你講野咁似藍屍既?
藍都算 就連所謂自稱黃既人都被同化先好野
你搵工見曬全港僱主？
見你呢2日開嘅post，都一面倒咁講述自己睇法，對其他人意見完全唔理會，都無咩討論空間
7個讚
相信大部份有出過黎做過野既jm
睇完都會一笑置之
算啦不如由佢沉
6個讚
最衰連登開唔到ac
否則可以上到去求圍爐 (大把同路人)
你去全港最大藍色親子論壇都可能有共鳴，呢度可能唔啱你
2個讚
近期都有post 出現低質comment 疑似引戰。。。
2個讚
連登 fg 50k up 都想去圍爐，樓主第一日落黎香港？
1個讚
唔撐都算 最憎有人落井下石
btw 如果夾硬正面去諗
當一個人面對空白期/失業/被炒
反而會比一般人更能睇清人性既醜惡
其實都係TEST緊你EQ
我去見一間NGO佢係咁問我點解唔生仔, 入左來會唔會生仔. 講真可以告佢, 不過心裡不甘之後當然一笑置之.
我會答佢各人有各人難處, 我真係揾唔到, 可能自身有不足的地方…BLA…BLA…BLA…
只要答得得體一啲, 呢樣唔係問題.
勸你唔好去連登, 你會心靈受創.
7個讚
我可唔可以理解你地做職場建制派?(本質根本同港共冇分別)
好難得聽到一d中肯說話(冇好似其他人咁一面倒x左先)
雖然唔知你點睇
但thx
(呢個問題/現象已經屈左係心好耐 但一直唔夠膽講 因為一定俾人x)
(如果依家唔開post 我怕遲早頂唔順屈到病+死)
利申: 其實預左俾人x 但不吐不快(目前只有部分連登仔講中我大部分心底話)
同埋我想講
香港搵工已經夠艱難
正常你都唔會對人工有幾大期望
但問題係依家間間公司請人都好挑剔(見工不斷質疑你 搞到你抬唔起頭) 仲要只係揀一個普通/基層職位都當正ceo咁揀
就算你唔貪心/冇期望高人工 結果都係唔請你
試問咁仲點會唔心灰
(屈左好多年 請原諒我不斷放負)
好啦
就當你真係咁好彩搵到工
又係咪真係包你做一世(依家除左公務員根本冇呢支歌仔唱)
如果有朝一日公司突然裁員
相信絕對會殺唔少人一個措手不及
打工仔本身以為一帆風順 點知突然由有變冇 情況又會唔會好得過本身一無所有既人呢(我諗唔係人人承受到呢個打擊 甚至頂唔順自殺都唔出奇)
希望依家打緊工既幸運兒都可以認真思考呢個問題
唔通真係要輪到自己冇左份工先知驚
結論就係
空白期/被炒既苦處
只有當事人自己先會明
利申: 非引戰
arGma
20
前公司做緊management level
啱啱遞咗信辭職 準備陪個仔開學
亦即自願進入樓主講嘅空白期
過2個月會再搵工
到時亦唔怕講出空白期原因
我有料嘅 就唔信條件符合晒雇主要求
純粹因為有空白期而唔請我
裝備自己 態度積極其實好重要
8個讚
樓主最唔想個post沉，想引戰？